دپاکستان سپرلیګ داتم پړاؤ په 19مه سیالۍ کې اسلام اباد یونایټيډ کراچي کنګر لوبډلې ته په شپږو وکټو ماتې چې له دې وروسته راتلونکي پړاؤ ته د کراچي کنګز لوبډلې د رسیدو امکان ختم شوی دی.
په پېنډۍ سټيډیم کې ترسره شوې دې لوبه کې دکراچي کنګز لخوا ورکړل شوی د202 منډو هدف اسلام اباد یونایټيډ په وروستي اوور کې د څلورو لوبغاړو په تاوان ترسره کړو.
داسلام اباد یونایټيډ په ګټه کې زلمي بیټسمین اعظم خان غوره رول ولوبولو اؤ هغه پرته له سوځېدو 72 منډې جوړې کړې.
فهیم اشرف د41،ایلکس هیلز د34،ریسي وین ډر ډوسین د22 اؤ کولن منرو د11، اؤ اصف علي د10 منډو په جوړولو بریالي شول.
دکراچي کنګز له لوري محمد عامر،عامر یامین ار تبریز شمسي یو،یو لوبغاړی وسوځولو.
د لوبې پچه کراچي کنګز لوبډلې ګټلې وه اؤ کله چې هغوئ بیټینګ ته را ووتل نو په ټاکلو 20 اوورونو کې یې د پینځوؤ لوبغاړو په تاوان 201 منډې جوړې کړې.
دکراچي کنګز کپتان پرته له سوځېدو ترټولو زیاتې 92 منډې جوړې کړې، متهیو ویډ 13،عرفان خان نیازي 30، بیټر ایډم روزنګټن 20،طیب طاهر19،شعیت ملک 12 اؤ شرجیل خان 8 منډې جوړې کړې.
داسلام اباد یونایټيډ ټام کرن دوه ، رمان ریس ،حسن علي اؤ فهیم اشرف یو،یو لوبغاړی وسوځولو.
