څېړونکي وایي په کورمه کې روانه شخړه یو خطرناک ځاي ته رسېدلې ده اؤ په دې شخړه کې د شیعه اؤ سنیانو د عمل دخل نه زیات اوس نور قوتونه فعاله دي اؤ د ناامنۍ اور ته پوکي وهي اؤ حکومت که د کورمې د شخړې هواري ته مټې رابډ نه وهلې نو دا اور نور هم خوریدای شي.
د امنیت په چارو ژور نظر لرونکی خبریال ښاغلی ناصر داوړ وي او اې ډیوه ته وایي په کورمه کې تر دې مخکې هم وخت په وخت د ځکمو په سر شخړې شوي یا فرقه ییزه فسادات مخې ته راغلي خو دغه نښتې یا فسادات به د څو ورځو وؤ اؤ بیا به دواړه خواوې خپلو کې په غم ښادیو کې سره یو ځای کېدل.
ناصر داوړ وایي د خېبر پښتونخوا حکومت مخکې دا فیصله کړې وه چې تر څو کورمه کې په جګړه بوختې خواوې د وسلو سره تسلیم شوې نه وي نو تر هغې به مرکزي سړک هم تړل شوی وي اؤ ددې جنګي خواؤ فعالیتونه به هم ودرولی شي .
د وي او ای ډیوه وېټس اېپ اېپليکېشن
هغه وایي هر څو که په سیمه کې ډزبندي شوې ده اؤ سړک لا تړل شوی پروت دی خو حکومت لا دغلته په جګړه بوختو اړخونو باندې باور نه کوي همدا لامل دی چې اوس د اپیکس کمیټې غونډه کې د مورچو ختمولو پرېکړه شوې ده.
د ناصر داوړ په خبره اوس کورمې ته په ډیره لویه کچه د افغانستان څخه عصري وسلې را اوښتي دي چې ډير خطرناک میزایل هم پکې شته .
هغه وایي په دې وسلو جګړه مارې ډلې نه یوازې د یو بل مورچې په نخښه کوي بلکې د یو بل کورونه هم وولي چې له دې امله د سیمې څخه تر پینځلسو زرو زیاتې کورنۍ بې کوره شوې دي.
ناصر داوړ وایي حکومت په سیمه کې د خلکو د اسانتیاؤ لپاره ځينې ګامونه هم اخستي دي، خلکو ته یې خوراکي مواد اؤ دارو درمل رسولي دي خو امن په سیمه کې هله ټینګ شي چې دغلته له خلکو وسلې واخستل شي.
د خبري رپورټونو تر مخه د پیښور او پاړه چنار تر مینځه ځمکنۍ لاره او افغانستان سره پوله د روان کال اکتوبر نه دغه سیمه کې د بدامنۍ په وجه تړل شوې دي.
Forum