د ملګرو ملتونو مختلفو ادارو او نورو نړیوالو امدادي تظیمونو په یو مشترکه بیان کې غوښتنه کړې چې په غزه کې دې د انساني خواښوږۍ په بنیاد په سمدستي ډول ډزبندي و کړی شي.
د اسرایل وزیراعظم بېنجمن نېټن یاهو ویلي ترهغه وخت به دحماس خلاف جګړه کې اوربند نه کوي ترو چې حماس یرغمال کسان ازاد نه کړي. د اکتوبر په اوومه نېټه په اسرایل د حملې په مهال حماس په سلګونو کسان یرغمال کړي دي.
د امریکې خارجه وزیر اېنټني بلېنکن د اتوار، يکشنبې، په ورځ په غېر اعلان شوي سفر فلسطیني وېسټ بېنک ته ورغلو ا د ګل، دوشنبې، په ورځ یې به انقرا کې د ترک چارواکو سره خبرې وکړې. بلېنکن کوښښ کوي چې د اسرایل او د حماس جګړه زیاته نه شي.
اسرایل ویلي د حماس خلاف جنګ شروع کېدو راهسې يې د وسله والو ۲۵۰۰ هدفونه وېشتلي دي.
د ملګرو ملتونو د صحت ادارې ویلي د اووم اکتوبر راهسې په غزه کې د صحت خېر ښېګړې په مرکزونو ۱۰۲ حملې شوي دي.
په اسرایل د حماس په حمله کې ۱۴۰۰ کسان وژل شوي دي او د حماس د انتظام دلاندې د غزه دصحت وزارت وايي په غزه د اسرایلي په حملو کې ۹۷۰۰ کسان وژل شوي دي.
واشنګټن (روېټرز) د حماس په انتظام چلېدونکي د غزه د صحت وزارت ويلي د جمعې په ورځورځ د اسرایل په هوايي حمله کې هغه اېمبولېنس لګیدلی دی چې د غزه د شمالي برخې نه يې زخمیان منتقېلول. په پېښه کې د 15 کسانو د وژل کېدو او د 60 نورو کسانو د زخمي کېدو وېل شوي دي.
د اسرایل پوځ ویلي د یو اېمبولېنس شناخت یې کړی و چې د حماس یوې "ترهګرې څانګې" استعمالولو. اسرایلي پوځ وویل په حمله کې د حماس وسله وال وژل شوي دي. اسرایلي پوځ په حماس الزام ولګولو چې وسله وال او وسلې په اېمبولېنسونو کې انتېقالوي.
د حماس یو چارواکي عزت الرشق د وسله والو د موجودګۍ الزامات بې بنیاده وبلل.
د غزه د صحت وزارت ترجمان اشراف القدره وویل د اسرایل په حمله کې لګېدلی اېمبولېنس په هغه قطار کې شامل و د غزه الشفا هسپتال سره په هدف شو.
القدره وویل اسرایل دغه قافله د یو نه زیاتو ځایونو کې په هدف کړې ده، یو ځای د الشفا هسپتال د دروازې سره نږدې او بیا یو کېلومېټر لرې په انصار چوک کې.
د پېښې په اړه خپل بیان کې د اسرایل پوځ د دې خبرې په تاید کې داسې څه ثبوت وړاندې نه کړو چې د اېمبولېنس تړون د حماس سره و. اسرایلي پوځ وویل په دې اړه به نور معلومات وروسته شایع کوي.
واشنګټن (وي او ای) د ملګرو ملتونو د بشري امداد ادارې مشر مارټن ګرېفېتس د جمعې په ورځ غوښتنه وکړه چې د اسرایل او حماس په جګړه کې دې په بېړنۍ توګه د انساني خواخوږۍ په بنیاد وقفه وکړي چې دا فلسطینیانو ته امداد ورسوول شي.
هغه وویل د تېرو 26 ورځو راهسې په اسرایل او غزه کې "متوازي غمزېزې" دوام لري چې "زمونږ په اجتماعي ضمیر داغ دی."
ګرېفېتس وویل د اسرایل، مصر، امریکې او د ملګرو ملتونو ترمنځ خبرې دوام لري خو دا کافي نه دي. هغه غوښتنه وکړه پکار ده چې په جګړه کې وقفې وشي.
د اسرایل وزیراعظم بېنجمن نېټن یاهو د جمعې په ورځ وویل چې حماس یرغمال کسان نه وي ازاد کړي په جګړه به وقفه نه کوي.
په اووم اکتوبر په اسرایل حمله کې حماس د 200 نه زیات کسان یرغمال کړل، ځینې يې ازاد کړي او اوس هم وېل کېږي چې 230 پورې کسان د حماس په ولکه کې یرغمال دي. په اسرایل د حماس په حمله کې 1400 کسان وژل شوي دي.
د حملې په جواب کې اسرایل د حماس په ضد په غزه کې حملې شروع کړي دي او د حماس د انتظام لاندې د غزه د صحت وزارت وايي د اسرایل په حملو کې د 9000 نه زیات فلسطینیان وژل شوي دي.
واشنګټن (وي او ای/ای پي/ای اېف پي/روېټرز) د امریکې خارجه وزیر اېنټني بلېنکن د جمعې په ورځ په تل ابیب کې د اسرایلي وزیر اعظم بېنجمن نېټن یاهو او د اسرایلي کابېنې د غړو سره یې ولیدل او ویې وېل اسرایلي چارواکو سره خبرو کې یې ترجیح دا وه چې د اسرایل او د حماس جګړه زیاته او نوره خوره نه شي.
د ملاقات وروسته بلېنکن خبریالانو ته د هغو ګامونو ذکر وکړو چې د هغه په فکر که واخیستل شي نو په اسرایل د اووم اکتوبر په شان د حملو تکرارېدو مخه نیول کېدی شي او د اسرایلیانو او فلسطینانو دپاره "بهتر سباون" یقیني کولی شي.
په اووم اکتوبر په اسرایل د حماس په حمله کې 1400 کسان وژل شوي او د حماس وسله والو 230 کسان یرغمال کړي دي. امریکې حماس ترهګر تنظیم ټاکلی دی.
د حماس د حملې په جواب کې اسرایل په غزه کې د حماس په ضد هوايي او ځمکنۍ حملې شروع کړي دي.
د حماس د انتظام لاندې د غزه د صحت وزارت د زیارت، پنجشنبې، په ورځ وویل په غزه د اسرایل په حملو کې د 9000 نه زیات کسان وژل شوي او په سلګونو بې کوره شوي دي.
بلېنکن وویل امریکا د اسرایل د دې حق او فرض ملاتړ کوي چې خپله دفاع وکړي خو امریکا دا هم ګڼي ملکي کسانو تحفظ ته پام کول هم انتهايي اهمیت لري.