د حزب الله نایب مشر وایي ډله یې د ډزبندۍ د هڅو ملاتړ کوي
واشنګټن (وي او ای/ای پي/ای اېف پي/روېټرز) ـ د حزب الله نایب مشر نعیم قاسم د نهې، سه شنبې، په ورځ ویلي دي ډله یې د لبنان او اسرایل په پوله د خپریدونکی جګړې کې د ډزبندۍ د هڅو ملاتړ کوي.
نعیم قاسم په ټیلي ويژن وینا کې د جګړې د ودرولو دپاره د پارلیمان د سپیکر مشر نبيح بیري هڅې په ګوته کړې چې په کې د سه شنبې په ورځ د لبنان په جنوب لویدیځ کې د اسرایل د نوي ځمکنیو عملیاتو اعلان او د بیروت په سیمه کې پرله پسې هوایي بریدونه شامل دي.
د حزب الله نایب مشر نعیم قاسم وویل تنظیم يې منظم دی او په دردونکو ضربو يې قابو موندلی دی.
د اسرایل پوځ د نهې، سه شنبې، په ورځ د لبنان په جنوب مغربي سیمه کې يې عملیات شروع کړل، چې په لبنان کې دننه د اسرایلي عملیاتو پراختیا څرګندوي.
اسرایلي چارواکو ویلي په لبنان کې دننه د اسرایل د عملیات هدف حزب الله وسله واله ډله د پولې نه په وروسته کول دي.
اسرایل په لبنان کې د تازه اپرېشن په اړه وویل دا محدود، په مقامي کچه او هدفي عملیات دي. اسرایل هم دا خبره د سېپټمبر په ۳۰ نېټه په لبنان کې د اپرېش شروع کولو په وخت هم کړې وه.
د نهې، سه شنبې، په ورځ عملیاتو کې اسرایلي ځواکونو د لبنان سرښار بېروت په جنوبي مضافاتي علاقه ضاحیه کې هوايي حملې هم وکړې.
د اسرایل پوځ وویل د نهې، سه شنبې، په ورځ یوه هوايي حمله کې د حزب الله یو کمانډر سهېل حسېني هم ووژل شو. وېل کېږي چې حسېني حزب ته
د ایران نه وسلې په منتقلولو کې ککړ و. لس ورځې مخکې اسرایل د حزب الله مشر حسن نصرالله هم وژلی دی.
حزب الله وویل د نهې، سه شنبې، په ورځ يې د اسرایل شمالي ښار حیفا په راکټونو وویشتلو. اسرایل وویل لبنان نه د راکټو چلېدل يې معلوم کړي دي.
اسرایلي پوځ وايي په جنوب مغربي لبنان کې يې ځمکني عملیات شروع کړل
واشنګټن (وي او ای/ای پي/ای اېف پي/روېټرز) ـ د اسرایل پوځ د نهې، سه شنبې، په ورځ د لبنان په جنوب مغربي سیمه کې يې عملیات شروع کړل، چې په لبنان کې دننه د اسرایلي عملیاتو پراختیا څرګندوي.
اسرایلي چارواکو ویلي په لبنان کې دننه د اسرایل د عملیات هدف حزب الله وسله واله ډله د پولې نه په وروسته کول دي.
اسرایل په لبنان کې د تازه اپرېشن په اړه وویل دا محدود، په مقامي کچه او هدفي عملیات دي. اسرایل هم دا خبره د سېپټمبر په ۳۰ نېټه په لبنان کې د اپرېش شروع کولو په وخت هم کړې وه.
د نهې، سه شنبې، په ورځ عملیاتو کې اسرایلي ځواکونو د لبنان سرښار بېروت په جنوبي مضافاتي علاقه ضاحیه کې هوايي حملې هم وکړې.
د اسرایل پوځ وویل د نهې، سه شنبې، په ورځ یوه هوايي حمله کې د حزب الله یو کمانډر سهېل حسېني هم ووژل شو. وېل کېږي چې حسېني حزب ته
د ایران نه وسلې په منتقلولو کې ککړ و. لس ورځې مخکې اسرایل د حزب الله مشر حسن نصرالله هم وژلی دی.
د حزب الله نایب مشر نعیم قاسم د نهې، سه شنبې، په ورځ تنظیم يې منظم دی او په دردونکو ضربو يې قابو موندلی دی.
حزب الله وویل د نهې، سه شنبې، په ورځ يې د اسرایل شمالي ښار حیفا په راکټونو وویشتلو. اسرایل وویل لبنان نه د راکټو چلېدل يې معلوم کړي دي.
حماس سره د مالي مرستې په سر امریکې په دریو تنانو، یو بېنک او په یوې خېراتي ادارې پابندۍ ولګولې
واشنګټن (روېټرز) ـ د امریکې خزانې وزارت د ګل، دوشنبې، په ورځ فلسطیني مسلح ډلې حماس سره د مالي امداد په سر په دریو تنانو او يوې امدادي ادارې د پابندیو اعلان وکړو.
د امریکې د خزانې وزارت په یو بیان کې په غزه کې په النتاج بېنک هم د بندیزونو اعلان وکړو چې د وزارت ترمخه، د حماس د واک اختیار لاندې و.
امریکايي بندیزونه په غزه کې د اسرایل او د حماس د جنګ یو کال د پوره کېدو په موقع اعلان شول.
د خزانې وزارت وویل یوې جعلي امدادي ادارې حماس ته پېسې رسوولې.
يو کال مخکې شروع شوي د اسرایل او د حماس په جنګ کې ۱۲۸ خبریالان وژل شوي دي
واشنګټن (وي او ای) ـ د صحافیانو د تحفظ دپاره کارکونکي نړیوالې ادارې کمېټي ټو پروټېکټ جرنلېسټس، سي پي جی، د شمېرو ترمخه د اسرایل او د حماس د یو کال په جنګ کې لږ تر لږه ۱۲۸ خبریالان وژل شوي دي.
سي پي جی وايي په یوجنګ کې د خبریالانو د وژل کېدو دا د ټولو نه زیاته شمېره ده چې د تېر کال د اکتوبر د اوومې نېټې راهسې دوام لرونکي په دې شخړه کې صحافیانو دپاره د خطراتو عکاسي کوي.
په غزه کې خبریالان د ټولو نه زیات د تشدد سره مخامخ شوي دي. د وژل شویو ۱۲۳ څخه ۹۵ فیصد خبریالان فلسطینیان وو.
د سي پي حی مشرې جوډي ګېنزبرګ په نیویارک کې وي او ای ته وویل په غزه د جنګ د اثراتو په اړه د خبرونو ورکولو د ټولو نه زیاته ذمه واري د فلسطيني خبریالانو په اوږو پرته ده.
ګېنربرګ وویل د خبریالانو د وژل کېدو زیاتې شرحې دا تشویش هم راپارولی دی چې اسرایلي پوځ میډیا قصداً په نخښه کوي.
سي پي جی وايي دوه اسرایلي او درې لبناني خبریالان هم وژل شوي دي.
اسرایلي خبریالان په هغه ۱۲۰۰ کسانو کې شامل دي چې په اووم اکتوبر په اسرایل د حماس په حمله کې وژل شوي. حماس تر ۲۵۰ پورې نور کسان یرغمال نیولي وو.
د حملې په جواب کې اسرایل په غزه کې د حماس خلاف جنګ شروع کړی چې د غزه د صحت وزارت وايي ۴۱۶۰۰ فلسطینیان په کې وژل شوي دي. اسرایلي پوځ وايي په غزه کې په وژل شویو کسانو کې په زرګونو وسله وال هم شامل دي.
د خبریالانو د تحفظ په اړه وي او ای د اسرایل د خارجه وزارت سره رابطه وکړه خو وزارت د اسرایل ډېفېنس فورسز یا ايي ډي اېف سره د رابطې مشوره ورکړه. ايي ډي اېف د وي او ای ايمېل ته جواب لا نه د ی وېلی.