په منځني ختیځ کې د امن په کوښښونو کې د امریکې خارجه وزیر سعودي عرب ته رسېدلی
واشنګټن (ای اېف پي) ـ د امریکې خارجه وزیر اېنټني بلېنکن د شورو، چهارشنبې، په ورځ د سعودي عرب سرښار ریاض ته ورسېدلو چې د اسرایل او د سعودي عرب ترمنځ سفارتي تعلقات قایمولو دپاره کوښښونه بیا راتازه کړي.
سعودي عرب ته د روانېدو نه مخکې بلېنکن په د اسرایل په تل ابیب ښار کې خبریالانو ته وویل د دې باوجود چې په سیمه کې څه وشول او هم موقعه ده چې په مکمله توګه په مختلف طرف تګ وکړی شي او په دې کې په ممکنه توګه د سعودي عرب او اسرایل ترمنځ تعلقات سمېدل هم شامل دي.
د تېر کال د اکتوبر په اوومه نېټه د اسرایل او د حماس جنګ د شروع کېدو وروسته بلېنکن د منځني ختیځ په ۱۱ دوره دی او د نهې، سه شنبې، په ورځ يې په یروشلم کې د اسرایلي وزیراعظم بېنجمن نېټن یاهو او نورو اسرایلي چارواکو سره وليدل.
په غزه کې جنګ د شروع کېدو نه مخکې د یوې مجوزه معاهدې دلاندې د سعودي عرب او اسرایل د سفارتي تعلقاتو په اړه ګامونه پورته کېدل شروع شوي وو چې اسرایل سره سفارتي تعلقات قایمولو په بدل کې به سعودي عرب سره دفاعي او د غېر پوځي اېټمي پروګرام دپاره معاهده کولی شي.
نېټن یاهو او د نورو اسرایلي چارواکو سره د ملاقاتونو وروسته بلېنکن وویل وخت راغلی چې په غزه کې جنګ ختم کړی شي.
بلېنکن وویل د اووم اکتوبر راهسې اسرایل په غزه کط زیاتره سټرېټيجېک اهداف ترلاسه کړي او اوس وخت دی چې د هغه په قول دې کامیابیو ته مستقل شکل ورکړی شي او په سټرېټيجېک کامیابي شي.
سټېټ ډپارټمنټ: بلېنکن په نېټن یاهو غږ وکړو چې په غزه کې د اوربند دپاره دې کار وکړي
واشنګټن (ای اېف پي) ـ د امریکې خارجه وزیر اېنټني بلېنکن د نهې، سه شنبې، په ورځ په غزه کې د اسرایل او د حماس په جنګ کې ډز بندۍ په اړه د اسرایلي وزیراعظم بېنجمن نېټن یاهو سره خبرې اترې وکړې.
په یروشلم کې د نېټن یاهو سره د بلېنکن د ملاقات وروسته، د امریکې د خارجه وزارت، سټېټ ډپارټمنټ، ترجمان مېټیو مېلر وویل بلېنکن د اسرایلي وزیراعظم نه غوښتنه وکړه چې په غزه کې د ډز بندۍ او فلسطیني سیمې ته د زیات بشري امداد دپاره دې کار وکړي.
مېلر وویل بېلنکن ټینګار وکړو چې نېټن یاهو دې د حماس د مشر یحیا سنوار د وژل کېدو نه ګټه پورته کړي، د یرغمالانو د ازادۍ او په غزه کې د
جنګ بندۍ دپاره دې کوښښونه وکړي چې دا ډول د اسرایلیانو او هم د فلسطینیانو دپاره مستقل امنیت ترلاسه کړی شي.
اسرایل تېره هفته په غزه کې د سنوار د وژل کېدو تصدیق وکړو.
په غزه کې د ډزبندۍ دپاره کوښښونه د بیا تازه کولو په لړ کې بلېنکن اسرایل ته رسېدلی
واشنګټن (ای پي) - د امریکې خارجه وزیر اېنټني بلېنکن د نهې، سه شنبې، په ورځ اسرایل ته ورسېدلو چې په غزه کې د اسرایل او د حماس په جنګ د ډزبندۍ دپاره کوښښونه بیا راتازه کړي، په داسې حال کې چې اسرایلي ځواکونو په غزه کې د حماس مشر یحیا سنوار وژل دی.
د تېر کال د اکتوبر په اوومه نېټه د اسرایل او د حماس جنګ د شروع کېدو راهسې منځني ختیځ ته دا د بلېنکن ۱۱ دوره ده چې د اور بند په لړ کې یې سیمې ته کوي خو د امن دپاره کوښښونه لا نه دي کامیاب شوي.
په غزه کې د حماس خلاف جنګ نه علاوه اسرایل په لبنان کې د حزب الله خلاف هم عملیات شروع کړي او د توقع کېږي چې اسرایل به ایران ته هم د اکتوبر په وړمبۍ نېټه په اسرایل د حملې جواب ورکوي.
اسرایل ته د بلېنکن د رسېدو نه څو ګنټې مخکې، حزب الله په مرکزي اسرایل د راکټونو حمله وکړه او د اسرایل د زیاتې ابادۍ په سیمه او د هېواد په نړیوال هوايي اډه يې د خطرې سایرنې وغږولې خو څه جاني نقصان يې و نه کړو.
اسرایلي پوځ وویل په پينځو کې يې د زیاترو لاره ونیوله او یو راکټ په ازاد مېدان کې وغورځېدو. اسرایلي پوځ وویل ۱۵ نور راکټونه هم د لبنان نه په اسرایل ورول شوي وو.
منځني ختیځ ته د بلېنکن د تګ نه مخکې، د امریکې سټېټ ډپارټمنټ د بلېنکن توجه به په غزه کې جنګ په ختمولو، حماس د ولکې نه د یرغمالانو په ازادولو او په غزه کې د فلسطینیان مشکلات په لرې کولو وي.
اسرایلي پوځ د لبنان د دریو عسکرو په وژلو بخښنه غوښتې
واشنګټن (وي او ای/ای پي/ای اېف پي/روېټرز) ـ د اسرایل پوځ د ګل، دوشنبې، په ورځ د لبنان په جنوب کې د اسرایلي ځواکونو په حمله کې د لبنان د دریو عسکرو په وژل معافي وغوښتله.
په عین حال کې، د اسرایل او حزب الله ترمنځ د ډز بندۍ په ممکنه شرطونو د خبرو دپاره امریکايي استازي د لبنان ښرښار بېروت ته رسېدلی دی.
د لبنان عسکرو د وژل کېدو په اړه د اسرایلي پوځ ترجمان وویل د اتوار، يکشنبې، په ورځ حمله کې د لبنان د پوځ یو موټر په حمله کې په هدف شوی
او دا چې اسرایلي پوځ د لبنان د پوځ خلاف عملیات نه کوي.
امریکايي استازی اېماکس هاکسټین به په بېروت کې د لبنان نګران وزیراعظم نجیب ميقاتي او د لبنان د پارلېمنټ سپیکر نبي بېري خبري اترې کوي.
د اسرایل او حزب الله جنګ د ودرولو د پاره د کوښښونو ترڅنګ، امریکا د لبنان په قانون سازانو دباو اچوي چې حکومتي ادارو د مضبوطولو په غرض دې د هېواد صدر هم منتخب کړي.