د پاکستان د کورنیو چارو وزارت د هیواد د انتخابي کمیشن نه غوښتې د امریکا لخوا ترهګر ګرځول شوي حافظ سعید سره تړلې نوي سیاسي ګوند ملي مسلم لیګ باندې دې بندیز ولګوي.
امریکه په کال ۲۰۰۸م کې په ممبۍ ښار کې د ترهګر برید په سر حافظ سعید نړیوال ترهګر ګرځولی او د هغه په سریې د یو کروړ ډالر انعام هم اعلان کړی.
د انتخابي کمیشن ویاند هارون شنواري د دغه خبرې پخلی کوي او زیاتوي ملي مسلم لیګ د تندره ګوند لشکر طیبه سره تړون لري نو ځکه د کورنیو چارو وزارت غوښتلي چې دغه ګوند ته دې په انتخاباتو کې د برخه اخستواجازه ور نه کړي.
د هارون شنواري تر مخه ٫٫ دا قضیه په عدالت کې روانه ده، مونږ د دې کیس د اوریدلو لپاره د اکتوبر د میاشتې یولسمه نیټه ټاکلې ده. انتخابي کمیشن به دا قضیه اوري او د غیر رجسټرډ شوي ملي مسلم لیګ ګوند د راتلونکې فیصله به کوي.٬٬
د ملي مسلم لیګ مشر سیف الله د لشکر طیبه وسله والې ډلې د مشر حافظ سعید نژدې ملګرې او پخپله هم په دغه وسله واله ډله کې پاتې دی.
هارون شنواري زیاتوي دوي په میډیا لیدلي دغه کاندید شیخ محمود د ملي مسلم لیګ د بیرغ لاندې د لاهور په انتخاباتو کې برخه اخستې.
د هارون شنواري تر مخه٫٫ دغه یو وسله وال ګوند دی نو ځکه مونږ په خپل سر د دغه تن پرضد نوټس اخستی او هغه ته مو وویلي ګوند يې د انتخابي کمیشن سره رجسټرډ نه دی نوځکه د دې ګوند د نوم لاندې په انتخاباتو کې برخه نه شي اخستې.٬٬
د پاکستان د پوځ د استخباراتي ادارې (ایم اېي) پخواني مشر امجد شعیب مطبوعاتو ته ویلي چې د پاکستان پوځ د ملک تندروه وسلې والې ډلې په قامي سیاست کې د شاملولو کار پیل کړې او غواړي په بیلا بیلو لارو دوي ته په قامي چارو کې برخه وکړې.
