پاکستان
د زرگونو خلکو په قتلونو کې د ککړو طالبانو پخلا کول به غلط مثال جوړ کړي: څېړونکي
د پاکستان د حکومت د طالبانو سره د سولې د خبرو په اعلان یو شمیر څېړونکو او په ترهگرۍ کې د ځپليو شوېو کورنیو غړیو په حیرانۍ سره تپوس کړی دی چې د حکومت سره داسې کوم قانوني او اسلامي واک دی چې ترهگرو ته د دويي مړي وربخښی؟
د پښتون ملت پال عوامي نيشنل ګوند د پښتونخوا ويانده ثمر هارون بلوروايي جرګه کول ښه خبره ده، دويي غواړي چې جگړه ختم شي خو ریاست ترهگرو ته د دويي د مړو د بخښلو اختیار نه لري، هغې ډېوه ته وویل:
"دوي (حکومت) زمونږ شهادتونو او قربانیو ته سپک گوري"
د ثمر، خسر بشیر بلور او خاوند هارون بلور د ترهگرۍ په بریدونو کې د وژلو پړه تحریک طالبان پاکستان منلې وه، پاکستان دا وخت ددغې ډلې سره مزاکرات کوي. د څېړونکو په خیال د ثمر په رنگه په زرگونو کونډې له حکومته ددغه تپوس پوره حق لري.
د پاکستان د انگریزۍ ژبې په ورځپاڼه ډان کې مدني فعال اسامه خلجي د"قصابانو پخلا کول" په سر خط په خپل مضمون کې لیکلي د ټي ټي پي بخښل یو غلط مثال قایموي.
هغه خبرداری ورکړی دی د طالبانو د بخښلو سره به نور ترهگر هم دا پیغام واخلي چې هغه څوک چې د حکومت په ضد جرمونه کوي په اینده کې د معاهدو د لارې بخښل کیدی هم شي.
اسامه خلجي په خپل مضمون کې تپوس کړی چې ددې معاهدې پس به بیا حکومت خلک د وسلې پورته کولو نه څنگه منع کړی شي؟
د پاکستان طالبانو ددغه هیواد د وزیراعظمې بينظیر بټو د وژلو نه پرته د سکول د ماشومانو، عامو خلکو او حکومتي عسکرو د وژلو زموارۍ وخت په وخت منلي دي. د پاکستان حکومتي چارواکي پخپله هم وايي چې د ترهگرۍ په ضد روانه جگړه کې خوا وشا 80000 وگړي وژل شوي دي.
البته د پاکستان وسني وزیراعظم عمران خان په یو شمیر موقوع په خپلو خبرو کې ویلي چې پاکستان ته د ترهگرۍ په ضد جگړه کې شامیلیدل نه وو پکار، دهغه په خیال که چري پاکستان د ترهگرۍ خلاف په جگړه کې د امریکا ملگرتیا نه وې کړی نو دومره زیانونه به نه وو شوي.
امریکا وايي پاکستان ته یې د تر هگرۍ خلاف په جگړه کې د مرستې لپاره 33 بیلینه امریکايي ډالرې ورکړي دي. دترهگرۍ په موضوع لیکل کونکي څېړونکي د پاکستان د حکومت دترهگرو سره په لوظنامه د نیوکو تر څنگ دا هم خبردارې ورکوي چې دا نوې معاهده به یو وار بیا وسله والو ته گټه ورسوي.
د ډیوه سره په خبرو کې لیکوال او د مشال ریډیو منیجینگ اډیټر داود خټک وویل په 2004 کې د طالب کمانډر نیک محمد سره شوې معاهدې نه اونیسه په کال 2008 کې په سوات کې شوې معاهدېپورې ټولې نه یواځې ناکامه شوي دي
بلکې ددغو معاهدو ریاست ته زیان او وسله والو ته گټه رسېدلې، هغه وايي:
"وس چې وسله وال طالبان د پاکستان سره خبرې کوي نو د کمزورۍ د پوزیشن (مقام) نه، نه کوي، بلکې هغه د یو مظبوط مقام خبرې کوي"
د ښاغلي خټک په خیال په 2014 کې دغه دعوې سمې نه وې چې د طالب نوغې وښکل شوی، هغويي په تېرو څو میاشتو کې یو وار بیا حملې سوا کړي او ورسره په افغانستان کې د طالبانو د واکمنۍ په وجه هغه نور هم مظبوط شوي دي، خو ښاغلی خټک دا هم گمان کوي که د طالبانو سره چري معاهده وشوه:
"داسې عوامل شته دی چې د هغې په بنیاد دا ویلي شي چې دا معاهده به ناکامه شي"
دښاغلي خټک ددغو فکر مندیو په پرتله د پاکستان حکومتي چارواکي خوشبینه دي چې د طالبانو سره ددې معاهدې ورستو به د څو کلونو راپدیخوا روانه تر هگري ختمه شي.
په کال 2014 وسله والو په پېښور کې په ارمي پبلک سکول په خونړۍ حمله کې 149 کسان وژلي وو چې 132 پکې د سکول ماشومان وو.
په وژل شویو ماشومانو کې یو د مدني فعال او قانون پوه فضل خان زوی هم ؤ.
فضل خان وايي که د پاکستان سره د ترهگرۍ خلاف د جگړې ختمیدلو لاره مزاکرات ده نو دا یې وړاندې ولې نه کول؟
د هغه په خیال د زرگونو بې گناه خلکو د قتلونو پس دا مزاکرات ډېر مشکوک دي:
"داسې نه ده چې دوي د عوامو د مفادو لپاره مزاکراتو ته ناست دي"
د فضل خان په آند حکومت د طالبانو سره د مزاکراتو په نوم هغويي یو وار بیا د خپلو پټو مقصدونو لپاره کارول غواړي، فضل خان وايي:
" مونږ د ریاست پاکستان دغه فیصله بلکل هم نه منو"
د پاکستان طالبانو د هیواد په ضد جگړه کې تل دا دریځ خپل کړی چې دوي د اسلام د نفاذ لپاره د "کُفري نظام" ( جمهوریت) په ضد جنگیږي.
په پېښور کې د مېشت څېړونکي عرفان اشرف نه مو چې کله تپوس وکړو چې ایا وس چې طالبان د حکومت سره خبرې کوي نو معنا یې دا شوه چې دوي نور د اسلام نفاذ نه غواړي او جمهوري نظام منلو ته تیار شو؟ نو هغه وویل داسې نه ده چې طالبان به د خپل دریځ نه په شا شي، هغويي مخکې هم د پاکستان ریاست او ایئن نه منلو او وس هم داسې وايي:
" پاکستان وايي چې مزاکرات د پاکستان د ایئن په چوکاټ کې کیږي خو طالبان دغه ایئن نه مني"
ښاغلی اشرف وايي د عمران خان حکومت اولس ته یوه وايي اود طالبانو سره پټې نورې خبرې رواني دي.
د طالبانو سره د مزاکراتو د خبرونو پس د عمران خان د حکومت مخالفو گوندومو مشرانو هم په دې پرېکړه نیوکې کړي دي.
د پاکستان پيپلز ګوند مشر بلاول بټو زرداري ویلي د پاکستان د صدر، وزیراعظم او بهرنيو چارو وزير د تحریک طالبان پاکستان سره د مذاکراتو په اړه يې وړاندې هم نيوکې کړې وې او اوس یې هم کوي ځکه چې د دوی سره مشوره نه ده شوې او نه کومه اتفاق رایی جوړه کړی شوې ده.
دپاکستان دملي امنیت سلاکار ښاغلي معید یوسف دافغان طالبانو په منځګړتوب پاکستاني طالبانو سره روغې جوړې لپاره د حکومت دسولې د روانو خبرو ننګه کړې اؤ وایي دپاکستان دننه په تیرو وختونو کې هم داسې خبرې اترې شوي دي.
تېره اونۍ دلته په واشنګټن کې دموقعیت لرونکي میډل ایسټ انسټي ټیوټ په تابیا راجوړې شوي دستورې ته په ویډیوي بڼه خپله وینا کې ښاغلي معید یوسف دپاکستان دحکومت اؤ ټي ټي پي ترمنځ دروانو خبرو دفاع وکړه اؤ وئ ویل ټول ریاستونه باید داسې خبرې اترې وکړي.
هغه وویل که چرې نورو ریاستونو ته هم داسې لارې ګودرې په نظر ورځي چې خپل وګړي پرې دقانون تابع کولی شي نو هغوئ باید داسې وکړي.
See all News Updates of the Day
امریکا کې د کېدونکو صدارتي ټاکنو اغېز به په پاکستان څه وي؟
په پينځم نومبر کېدونکو د امريکا څلور کلنیو صدارتي انتخاباتو ته د ټولې نړۍ په څېر د پاکستانيانو هم سترګې دي.
د ډېموکرېټک ګوند کاملا هېرېس او د ريپبلېکن ګوند ډانلډ ټرمپ ګټې به د پاکستان او د سيمي د پاره څه اغېزې ولري؟ په دې اړه په پاکستان کې دننه هم په سنجیده طبقو کې بحثونه پېل شوي دي.
څېړونکي ګڼي چې د پاکستان په اړه د امريکې سټرېټيجيکي تګ لاره کې بدلون د صدر اوبامه د وخت نه پېل شو او د اوسني صدراتي کانديد په وړومبني صدراتي دور کې په کال 2017م کې امريکې د پاکستان نه خوريدونکې ترهګري د خپل قامي امنيتي تګ لارې اساس وګرځولو.
خو بيا موجوده صدر جو بایيډن په کال2022م کې پخپله دغه تګ لاره کې د پاکستان بلکل ذکر ونه کړو، څيړونکي وايي دا د دې خبرې ثبوت ؤ چې په سټرېټجيکي او امنيتي تګ لارو کې امريکا په پاکستان ځان ناجاڼه کړی دی.
د پېښور پوهنتون د جرنلزم د څانګې مشر فېض الله جان وي او اې ډیوه ته وایي"د پاکستان يو سټرېټیجک پوزيشن دی، مونږ په نقشه باندې دا ګورو، پاکستان سېنټرل ايشيا ته نزدې دی، پاکستان روس ته نزدې دی، پاکستان چين ته نزدې دی، دا سټرېټجک پوزيشن د پاکستان اهميت جوړوي۔ خو دا اهميت بيا هله راښکاره کيږي چې کله د امريکي سټرېټیجک ک مفاد په دې منطقه کې ډير راپېدا شي"
هغه ویي "مونږ وکتل په دې وخت کې امريکا د افغانستان نه وتلې ده، او افغانستان يې طالبانو ته حواله کړو او باقي د امريکي چې کوم سټرېټیجک اهداف دي نو هغه د طالبانو په لاس ترلاسه کوي بلکې زه به دا ووايم چې د هغې باقاعده طالبانو له قرضې ورکوي"
په پاکستان کې ډير خلک او امريکايي پاکستانيان هم د امريکا صدراتي انتخابات د پاکستان کورني سياست سره تړي۔
که څه هم د واشنګټن او د اسلام اباد ترمېنځه د سفارتي تعلقاتو خبره کيږي، خو څيړونکي وايي د واشنګټن سره په خبرو کې د پاکستان د سر فريق سياسي قيادت نه بلکې پوځي اسټېبلشمنټ دی، نو که خلک دا ګڼي چې د يو کانديد سره به پاکستان کې د عمران خان یا د هغه د ګوند تحريک انصاف په اوسنیو مشکلاتو کې کمی راشي نو دا به بې وخته خبره وي۔
د پېښور پوهنتون د نړيوالو اړيکو څانګې استاذ محمد خورشید ډیوه ته وایي"يو ټرمپ دی چې هغه يو وار واک کې پاتې شوی دی او د هغه د پاکستان سره تعلقاتو ته يو خاص قسمه سوچ ؤ"
د محمد خورشید په خبره "هغه(ټرمپ) د پوځي امداد په اړه ډير سخت ؤ، د هغه وخت وزير اعظم عمران خان ته يو قسم له ورنزدې شوی ؤ، او کاملا هېرېس چې کوم کمپېن رانيولی هغه به پاکستان اسټېبلشمنټ او اوسني حکومت د پاره ډېر نرم وي او د عمران خان د پاره څه خاص قسم ريليف يا پاکستان چې څه کوي نو په هغې به یې څه خاص اثر نه وي"
په ريپبلېکن او دېموکرېټک ګوندونو کې دا يو عمومي اتفاق ګڼل کيږي چې ګنې پاکستان چين ته له نزدېکت نه شي ايسارېدلی، خو بيا به هم ريپبلېکن او ډيموکرېټک د پاکستان سره خپلو اړېکو ته د چين ، هند او ايران سره د خپلې سټريجيکۍ تګ لارې په چوکاټ کې ګوري۔ او هم دا وجه چې د څه نوي سيکورټي او امنيتي بدلون پرته د امريکايي انتخاباتو روستو هم د پاکستان په اړه په پاليسۍ کې کوم زيات بدلون نه اټکل کيږي.
ښاغلی فېض الله جان وایي،د چين او امريکي چې کوم اقتصادي مخالفت روان دی نو په هغې کې به په پاکستان اثر کيږي.
د هغه په وینا "هغه اثر به داسې وي چې چاینه د سي پېک په ذريعه باندې ګوادر ته رسايي غواړي او امريکا نه غواړي چې د هغوي دې دا منصوبه کاميابه شي، نو د هغې وجې په پاکستان باندې يو فشار هم راځي خو ټول عمر پاکستان دا فشار په دې طريقه باندې په شا تمبولی دی چې هغه د امريکي نور سټريټیجک کارونه وکړي"
د کاملا هېرېس او ډانلډ ټرمپ او د هغوي دګوندونو د موسمي بدلون په اړه د يو بل نه بدل نظرونه دي۔
د موسمي بدلون د اثراتو د ښکار هېواد په توګه پاکستان د کاملا هېرېس نه د همدردۍ او کومک تمه کولی شي، خو موسمي بدلون ته د ډانلډ ټرمپ د معلوم مخالفت له وجې د هغه د ګټې روستو پاکستان ته په دې لړ کې ترلاسه کېدونکي مشکلات د وړاندې نه معلوم دي۔
بلوچستان: د ډیم په ساتونکو د وسله والو برید کې پینځه کسان وژل شوي
د پاکستان د ناکراره صوبې بلوچستان د پنجګور ضلعې په پروم سیمه کې نامعلومو وسله والو د ډیم په حفاظت مامورو کسانو باندې وسله وال برید کړی چې پکې د ډيم پينځه ساتونکي وژل شوي دي.
د بلوچستان حکومت ویاند وایي په دې پېښه کې دوه کسان ژوبل شوي هم دي خو حالت یې له خطرې بهر دی.
د لیویز ځواک سرچینو ویلي له پېښې وروسته په ګڼ شمیر کې امینتي ځواکونه سیمې ته رسیدلي اؤ پېښه کې د ککړو کسانو لټون یې پیل کړی دی.
په پېښه کې د وژل شوؤ کسانو جسدونه اؤ ژوبل تنان د پنجګور ضلعي روغتون ته رسول شوي دي.
د پېښې ذمه واري لا تر دې دمه چا پغاړه نه ده اخستې.
په برید کې د وژل شوؤ کسانو پېژندګلو د ظاهر علي بلوڅ،حسین علي شاه ، محمد حیات ، امین الله اؤ علي نواز په نومونو سره مخې ته راغلې ده چې د پنجګور ځایي اوسیدونکي ښودل کیږي.
د بلوچستان حکومت ویاند شاهد رند رسنیو ته ویلي دا پېښه د پنجګور په سرحدي سیمه پروم کې تېره شپه مخې ته راغلې ده اؤ وایي وسله والو د ډيم په څارونکو ناتاره ډزې کړې دي.
هغه ویلي د ضلعي انتطامیې اؤ پولیسو افسران د پېښې په ځای کې موجود دي اؤ د پېښې پلټنې روانې دي.
د بلوچستان وزیراعلا میر سرفراز بګټي ددې پېښې غندنه کړې اؤ پخپل یو بیان کې یې ویلي چې د ترهګرۍ دا پېښه چې څومره وغندل شي کمه به وي.
وزیراعلا بګټي ویلي ترهګر د هیواد د ترقۍ اؤ امن د مخالفه ملک دښمنه عناصرو د لاس ګوډاګي دي .
هغه زیاته کړې ده چې بلوچستان کې ترقي اؤ امن د دښمن په سترګو کې چوکه شوي خو حکومت به ترهګر خپلو ناوړه ارادو کې کامیابېدو ته پرې نه ږدي.
تر دې پېښې وړاندې د اکتوبر په ۱۰مه نېټه د بلوچستان په پښتني سيمه دوکۍ کې شل تنه د کوېلې مزدوران نامعلومه وسله والو په ډزو وژلي وؤ.
د تېرې څه مودې راهسې پاکستان کې ترهګریز بریدونه سیوا شوي اؤ پاکستان انسټيټوټ فار کنفلکټ اینډ سیکيورټي سټډيز نومې ادارې، پیکس رپورټ وایي چې یوازې د تېر ستمبر په میاشت کې په پاکستان کې د ترهګرۍ 77 پېښې شوي.
په دې بریدونو کې 47 يوازې په خېبر پښتونخوا کې شوي دي.
په رپورټ کې ويل شوي، په 77 بريدونو کې 77 کسان وژل شوي، چې پکې 38 امنيتي اهلکار، 23 ملکي وګړي او 16 جنګيالي شامل دي۔ دې کې د زياترو پېښو زمه وارۍ تحريک طالبان پاکستان منلې دي.
د پاکستان حکومت او پوځ په دې وروستیو کې د عزم استحکام په نوم د نوو عملياتو اعلان کړی ، خو د پاکستان اکثره سیاسي ګوندونو د دې نوؤ پوځي عملیاتو پرضد غږ پورته کړی وو
د خېبر پښتونخوا جنوبي ضلعو کې د پولیو په ډلو اؤ پولیسو بریدونو کې دوه پولیس وژل شوي، دوه ژوبل
د خېبر پښتونخوا په جنوبي ضلعو کې يو ځل بيا پر پوليسو څلور بريدونه شوي چې پکې کې دوه پوليس عسکر وژل شوي او دوه نور ژبل شوی دی.
پولیس د دې پېښو پخلی کوي او وايي په دې بريدونو کې دوه پر هغه پوليسو شوي چې د پوليو ټیمونو په ساتنه مامور وو.
په خېبر پښتونخوا صوبه کې د تېرې څه مودې راهسې په امنیتي ځواکونو وسله وال بریدونه چټک شوي او په تیرو درېوؤ ورځو کې پر امنیتي ځواکونو شل بریدونه شوي، چې په کې د 29 پولیسو په ګډون 42 وګړي وژل شوي دي.
امنیتي سرچینې وایي د خېبر پښتونخوا په قبایلي ضلعه اورکزۍ کې وسله والو د پولیو په ډله برید کړی چې پکې دوه پولیس عسکر وژل شوي.
د سیمې نه پولیس سرچینو وې او اې ډيوه ته ویلي دا پېښه د نهې یا سه شنبې په ورځ د بره اورکزۍ په ډبوري بادان کلي کې مخې ته راغلې ده.
د پولیسو وینا ده چې دغلته د پولیو د مخنیوي ډلې ماشومانو ته د پولیو څاڅکې ورکول چې ناساپه څو وسله والو په هغوي ناتاره ډزې وکړې .
د سرچینو په وینا دې پېښه کې یو پولیس عسکر په موقعه ساه ورکړې اؤ بل په سخت ژوبل حالت کې هسپتال ته ورسول شو خو هلته یې د زخمونو توان رانه وړو اؤ ساه یې ورکړه.
د پېښې سره سم په ګڼ شمیر کې د پولیس اؤ ایف سي ځواکونه د پېښې ځای ته رسیدلي اؤ برید کې د ککړو کسانو د نیولو لپاره یې په سیمه کې د لټونې عملیات پيل کړې دي.
د پولیسو سرچینو دعوه کړې ده چې د لټونې د عملیاتو په مهال امنیتي ځواکونو سیمه کې د وسله والو سره نښته کړې چې پکې درې وسله وال وژل شوي خو ددغو وسله والو پېژندګلو لا په سمدستي توګه مخې ته نه ده راغلې.
همدا شان په یوه بله پېښه کې د لکي مروت ضلعې په کوټکه شېر خان سيمه کې ناپېژانده وسله والو په یو پولیس عسکر ډزې کړي اؤ د عارف الله په نوم د سپيشل برانچ پولیسو یو عسکر یې وژلی دی.
دریم بريد په ټانک ضلعه کې شوی چیرته چې د ضلعې د مرکزي روغتون پر امنیت مامور پولیس اهلکار نظام الدين باندې وسله والو ډزې کړي اؤ هغه په دې ډزو کې سخت ژوبل شوی دی.
د پوليسو وياند محمد ابراهيم په وینا، نظام الدين په ټپي حالت کې د ټانک روغتون ته وړل شوی چې وروسته بیا د نور علاج لپاره ډیره اسماعیل خان ته لېږل شوی.
د روغتون چارواکي وایي پولیس اهلکار په سر په ګولۍ لګېدلی اؤ حالت یې مرګونی دی.
څلورم بريد د شمالي وزيرستان په شېواه سيمه کې شوی، دغلته ناپېژندلو وسله والو کسانو د پوليو کارمندان او د هغوی ساتونکي پوليس اهلکاران يرغمل کړل.
د پوليسو په وينا، د تحصيل شېواه د ماميت کوټ ډسپنسرۍ سيمې څخه د پولیو کارمندان اؤ پولیس هغه مهال يرغمل شوي کله چې د پوليو کارمندان وماشومانو ته د پوليو ضد څاڅکي ورکول.
د دوی په وینا بريد کوونکو لومړی د پوليسو څخه وسلې واخستې او وروسته يې هغوی يرغمل کړل.
وروستي راپورټونه وايي یرغمل شوي کارمندان او پولیس اهلکار د ځايي مشرانو په هڅو خوشي کړل شوي دي
چارواکي وايي له دې پېښو وروسته په دغه سیمو کې د پوليو کمپاين په لنډمهاله توګه ودرول شو او په سیمه کې د لټون عملیات دوام لري.
دا بريدونه په داسې وخت کې شوي دي چې په ټول هېواد کې د ګل د ورځې نه د پوليو ضد پنځه ورځنی کمپاين پېل شوی، چې د نومبر تر تر دریمې نېټې به دوام ولري.
د نیشنل ایمرجنسي آپریشن سينټر په وینا، په دې کمپاين کې به څلور نیم کروړه ماشومانو ته د پوليو ضد څاڅکي ورکړل شي.
راپورونه ښيي چې سږ کال په ټول پاکستان کې د پوليو 41 پېښې ريورټ شوې، چې پکې 21 په بلوچستان، 12 په سند، 6 په خیبر پښتونخو۱ 1په پنجاب او ۱ په اسلام آباد کې مخې ته راغلي دي.
د صحت نړیواله اداره (ډبلیو ایچ او ) د پوليو پېښو زیاتېدو په اړه ژوره اندېښنه ښودلې او خبرداری یې ورکړی چې له پاکستان څخه پوليو وايرس نورو هېوادونو ته د انتقالېدو فوري خطر شته.
د دوی په وينا، د افغان کډوالو د زیات شمېر راستنېدو او په پاکستان کې د پوليو ټيمونو ته د امنیت ګواښونو له امله د دې ناروغۍ مخنیوی له لویو ستونزو سره مخ دی.
په پاکستان کې د پوليو د خاتمې لپاره د ایمرجنسي آپریشن سينټر له خوا په دغه کمپاين کې 81 زره پوليو ټیمونه کار کوي، چې د هغوی د خونديتوب لپاره 19 زره امنيتي اهلکاران ګمارل شوي دي.
په پاکستان کې 1994 کال راهیسې د پوليو مخنيوي پروګرام روان دی، او دعوه کوي چې د دې پروګرام له امله په هېواد کې د پوليو پېښو کچه 99 سلنه کمه شوې. خو بيا هم، له افغانستان وروسته پاکستان په نړۍ کې يوازينی هغه هېواد دی چې لا هم پکې د پوليو پېښې په دوامداره توګه رپورټ کیږي.
د افغانستان او پاکستان ترمنځ سرحدي سیمو کې اوس هم ځای پځای د پولیو وېکسین نه انکار موجود دی، او دې خبرې د پولیو ضد هڅې زیانمنې کړې دي.
د سرحدي کرښې دواړو غاړو ته تندلاري د وېکسین په ضد هلې ځلې کوي او د وېکسین په کارمندانو او د هغو په محافظانو یې د تشدد نه ډکی حملې کړې دي.
په پاکستان او افغانستان کې په دې لړ کې په سلهاوو تنان وژل شوي دي.
په جنوري میاشت کې، د پاکستان په شمال غربي سیمه کې د پولیو ټیمونو او محافظانو یې یوه ستره حمله شوې وه چې په کې لږ تر لږه پنځه پولیس اهلکار وژل شوي او د لسو نه زیات نور زخمیان شوي وؤ.
په خیبرپښتونخوا کې د بېړنیو عملیاتو د مرکز (اي او سي) ترمخه، تندلارو په دې روان کال کې تر اوسه د پولیو په ډلو او امنیتي ساتونکو یې یوویشت (21) حملې ترسره کړې دي.
د سعودي حکومت تر څلورو زرو د زیاتو پاکستانیانو پاسپورټونه بلاک کړي دي
د سعودي حکومت د هغو څلورو زور پاکستاني وګړو پاسپورټونه بلاک کړي چې په سعودي کې د سوالګرۍ اؤ نورو جرمونو په تړاؤ نیول شوي اؤ په زندانونو کې پراته دي.
د پاکستان ډان ورځپاڼه وایي په سعودي کې نیول شوؤ دې پاکستانیانو کې تر 60 فیصدي د زیاتو وګړو تعلق د خېبر پښتونخوا اؤ پنجاب صوبو سره دی.
رپورټ کې ویل شوي چې د څلورو زرو نه د زیاتو بندي پاکستانیانو پاسپورټونه د اوو کالو لپاره بلاک کړل شوي دي.
ډان وایي پاکستاني چارواکي په سعودي کې د بندي دغو پاکستانیانو د بېرته راوستو لپاره بیړني سفري اسناد جاري کوي.
د پاکستاني چارواکو د وینا له مخې د سعودي نه ددغو پاکستانیانو د ډي پورټ کولو یا راویستلو لړۍ به زر پېل کړل شي اؤ بیا به پاکستان ته په رارسیدو ددغو ملزمانو په ضد قانوني اقدام کیږي.
د پاکستان نه هر کال د لکونو په شمېر کې پاکستاني وګړي سعودي عرب ته مزدورۍ یا هم حج اؤ عمرې له ځي خو په دې کې بیا ګڼ شمیر داسې کسان هم شامل وي چې هغوي په سعودي کې خېراتونه یا خېرونه غواړي اؤ د سعودي پولیسو په دې جرم ګڼ شمیر سوالګر نیولي هم دي.
روانه میاشت هم د پاکستان وفاقي تحقیقاتي ایجنسي (ايف آي ای) د ملتان په هوایي اډه هغه اته سوالګر د جاز نه راکوز کړي وؤ چې غوښتل یې د عمرې کولو په اړ کې سعودي ته سوالګرۍ لپاره لاړ شي.
تر دغې کارروایۍ دوه ورځې وړاندې هم ایف آي ای د عمرې په اړ کې سوالګرۍ لپاره سعودي ته تلونکي 16 سوالګر د ملتان هواي اډې څخه هغه مهال نیولي وؤ چې په جاز کې ناست وؤ اؤ د عمره کوونکو لباس یې په تن ؤ.
په دغه ډله کې یو ماشوم،11 ښځې اؤ څلور سړي شامل وؤ .
دغو نیول شوؤ کسانو د پلټنو په مهال ایف آي ای ته ویلي وؤ چې دوي په سعودي کې په سوال کومې پیسې وګټي هغې کې ترې نیمایي هغه ایجنټان اخلي چې د سوالګرۍ لپاره یې سعودي ته لیږي.
د روسي فیډرېشن کونسل سپېکره وایي روس پاکستان سره د اقتصادي پرمختیا څانګو کې مرستې ته لېواله دی
د روسي فیډریشن د فیډریشن کونسل سپیکرې ویلنتینا موتویانکو ویلي چې روس د پاکستان سره د اقتصادي پرمختیا په څانګو کې مرستې ته لیواله دی اؤ دواړه هیوادونه د نړیوالې ایجنډې په زیاتره معاملو کې یو شان نظر لري.
د ګل یا دوشنبې د پاکستان په سفر راغلي د روسي فیډریشن کونسل سپيکرې د پاکستان د سینیټ غونډې ته پخپله ځانګړې وینا کې ویلي چې په سخت وخت کې هم ماسکو اؤ اسلام اباد خپل تماسونه دوامداره ساتلي دي.
ویلنتینا موتویانکو وویل پروسږکال د پاکستان اؤ روس تر منځ کلنۍ سوداګري تر 50 فیصدي زیاته شوې ده خو د هغې وینا وه چې په تجارتي اؤ معاشي اړیکو کې د ودې تر څنګ په نورو څانګو کې هم د همکارۍ سیوا کولو ګامونو اخستو ته اړتیا ده.
هغې وویل د روس اؤ پاکستان کلنی تجارت تر یو ارب ډالرو اوښتی دی اؤ سږکال د جنورۍ نه تر اګست میاشتې په دې تجارت کې نوره هم 13 فیصدي اضافه شوې ده.
ویلنتینا موتویانکو وویل د روس د خامو تېلو یوه جوپه پروسږکال پاکستان ته رارسېدلې اؤ ددې تر څنګ روس د پاکستان مارکیټ ته د غلې دانې ورکړه هم سیوا کړې ده.
موتویانکو وویل، پاکستان ته د روس د وزیراعظم د وروستي سفر سره به د دواړو هیوادونو اړیکې نورې هم پرمخ لاړې شي اؤ "زه باوري یم چې مونږ به نړیوال امنیت اؤ ثبات کې خپل رول ولوبوو".
روسي سپیکرې وویل دواړه هیوادونه د افغان کشالې په هواري اؤ د منځنۍ ایشیا د سلامتیا باوري کولو کې خوښي لري اؤ مونږ به د نړیوال امنیت اؤ ثبات ،په خلا کې د وسلو د مخنیوي،د حیاتیاتي کیمیایي اؤ زهرجنو وسلو د معانعت په اړه خپل یووالی پځای ساتو.
هغې وویل "مونږ باور لرو چې د غیر قانوني بندیزونو ډاډګیرنه به نه کوؤ اؤ په ټولو څانګو کې به په سیاسي انداز د معاملو په هواري اتفاق پځای ساتو"
د هغې وینا وه چې د کال26-2025 لپاره د ملګرو ملتونو امنیت شورا کې د پاکستان د انتخاب هرکلی کوي اؤ وې ویل "مونږ برکس سره د همکارۍ پیاوړې کولو په لړ کې د پاکستان په خوښۍ پوهیږو".
نوموړې زیاته کړه چې زمونږ لپاره د شمال جنوب نړیوال ټرانسپورټ کوریډور د اهمیت وړ دی اؤ له دې لارې شمالي یوریشیا اؤ ګلوبل ساوتهـ سره تړون وده موندلې ده.
د هغې وینا وه چې دواړه هیوادونه د اړیکو یو تاریخ لري اؤ د نړۍ سره په اړیکو کې د نظر یو شان والی هم لري.
د روسي سپیکرې وینا وه چې ماسکو اؤ اسلام اباد به په ګډه د زراعت د ودې لپاره کار کوي اؤ د خپلو اولسونو سوکاله ژوند ته به پام ورګرځوي.
تر دې وړاندې د ستمبر په میاشت کې د روس مرستیال وزیراعظم الیکسي اوورچک پاکستان ته دوه ورځنی سفر کړی ؤ اؤ دلته یې د ملک د وزیراعظم شهباز شریف، د پوځ مشر جنرال عاصم منیر اؤ نورو چارواکو سره لېدنې کړې وې.
په هغه مهال د پاکستان مرستیال وزیراعظم اؤ خارجه وزیر اسحاق ډار ویلي وؤ چې روس سره خپلو اړیکو ته وده ورکول د پاکستان د خارجه پالیسۍ مهمه برخه ده اؤ د پاکستان اؤ روس د لوړې کچې د تماسونو له امله به د دواړو هیوادونو اړیکې له پسې وغځيږي.
اسحاق ډار ویلي وؤ د روس اؤ پاکستان خپلو کې په اړونده درناوي اؤ مفاد اډاڼه دوه اړخیزه تعلقات په مثبت لوري روان شوي اؤ د روس اؤ ړپاکستان تجارتي اؤ معاشي اړیکو کې اضافه د ستایلو ده.
په کال 2023م کې د پاکستان پخواني وزیراعظم عمران خان د روس سفر هغه وخت کړی و چې روس په اوکراين يرغل کړی و.
د عمران خان په سفر نه يواځی پاکستان دننه نيوکې شوې وې، بلکې امریکې پرې هم د ناخوښۍ څرګندونه کړې وه.
د مطبوعاتي رپورټونو ترمخه په پاکستان داسې تورونه هم لګي چې روس او اوکراين جنګ کې پاکستان په پټه په اوکراين د میلینونو ډالرو وسله خرڅه کړې وه خو تیر د پاکستان نګران حکومت داسې خبرونه په کلکه رد کړي وو.
څيړونکي وايي روس سره تعلقات پراخه کولو سره پاکستان او د امريکې تعلقات اغېزمن کيدای شي ځکه امريکا به چري هم نه غواړي چې په دې سيمه کې د روس اثر سېوا شي.
Forum