د پاکستان په کراچۍ ښار کې د کرونا وايرس نهه نوې پېښې مخې ته راغلي د کوم سره چې په پاکستان کې د کرونا وايرس د پېښو شمېره ۱۶ ته رسېدلې ده.
د صحت په چارو کې د وزيراعظم مرستیال ډاکټر ظفر مرزا ويلي "په کراچۍ کې د کرونا وايرس د نهه پېښو پخلی کوم".
د کرونا د تازه نهه پېښو سره په کراچۍ کې د کرونا وايرس څخه اغېزمنو شمېره ۱۳ ته رسېدلې ده.
د سنده صوبې د صحت د محکمې چارواکو ويلي تازه پېښې د ګل/ دوشنبې په ورځ مخې ته راغلي دي.
چارواکو ويلي په کرونا وهلو نهه کسانو کې شپږ هغه دي چې په وروستيو کې یې د شام سفر کړی دی او په دوی کې درې هغه دي چې د دوبۍ په لار د لندن نه راغلي دي.
له دې وړاندې چارواکو ويلي په سند صوبه کې د وړاندې نه کرونا وهلی يو ۲۲ کلن تن صحتمند شوی او د روغتون څخه کور ته لېږل شوی دی.
په سند صوبه کې چارواکي وايي کراچۍ ته د ايران څخه بيرته په راتلونکو کسانو کې د کرونا وايرس پخلی شوی دی.
ويل شوي د فرورۍ د مياشتې نه چې د ايران څخه کراچۍ او د صوبې نورو برخو کې ته کوم کسان راغلي چې شمېره يې په سوؤنو کې ښودل کيږي د هغو مالومات رايوځای کولی شي.
چارواکي وايي د ځینو مالوم شوؤ کسانو ټېسټونه يې کړي چې زياتره پکې د کرونا څخه پاک مالوم شوي دي.
د سند صوبايي حکومت د کرونا وايرس له خطره د ۱۳م مارچ پورې په تعليمي ادارو کې رخصتي اعلان کړې ده.
چارواکي وايي د صوبې په پينځه روغتونونو کې يې د کرونا وايرس وهلو دپاره ځانګړي وارډونه جوړ کړي دي.