امريکې ويلي، "د ډېنئيل پرل د تښتوؤنکو او وژونکو زمه وارو پرضد دې پوره قانون په عمل کې راوستی شي. په مقدمه کې اورول شوې فېصله د ترهګرۍ ښکار د هر ځای خلکو دپاره د سپکاوي ده".
د سويلي اسيا دپاره د امریکې د بهرنيو چارو ځانګړې استازې اېلس ويلز په ټويټر د پاکستان د عدالت لخوا د وژل شوي ژورنالسټ ډېنئيل پرل په مقدمه کې په اورل شوې فېصله غبرګون څرګند کړی دی.
هغې د پاکستان د حکومت هرکلی کړی چې دغه فېصله چېلنج کوي.
د پاکستان د سند ايالتي محکمې (سند هایکورټ) پرون د زيارت، پنجشنبې په ورځ د امریکايي ژورنالسټ ډېنئيل پرل د تښتولو او وژلو په مقدمه کې فېصله اورولې، په دغه مقدمه کې د مرکزي تورن بنديوان عمرشېخ د مرګ سزا يې په اووه کاله بند بدله کړې ده.
او د هغه سره په مقدمه کې نورو درې کسانو فهدنسيم، سلمان ثاقب اوشېخ عادل ته د عمر بند سزاګانې يې ختمې کړې دي.
د یادې فېصلې وروسته د صوبې څارنوال ( د سند پراسيکيوټر جنرل) ډاکټر فېض شاه ويلي دغه فېصله به په سپريم کورټ کې چېلنج کوي.
له دې نه علاوه د سند صوبايي حکومت هم ويلي چې حالاتو په کتو يې پرېکړه کړې چې عمرشېخ او د هغه درې نور ملګري به د درېو میاشتو پورې په بند کې ساتي.
د سند هايکورټ د دوه ججانو بنچ چې مشري يې جسټس محمد کريم خان اغا کوله، د سزاوار شوؤ لخوا په خواستونو اورېدنه کوله او پرون يې فېصله اورولې وه.
د عمرشېخ وکيل خواجه نويد د عدالتي فېصلې وروسته ميډیا سره په خبرو کې ويلي ؤ، چې عدالت د عمرشېخ د مرګ سزا اووه کاله بند ته راکمه کړه او هغه ته دغه سزا يواځې د تښتولو په تور کې واورول شوه.
هغه وويل پاتې درېو ته چې د عمر بند سزا اورول شوې هغه بري کړی شو په هغو یو څيز هم ثبوت نه شو.
د ژورنالسټ ډېنئيل پرل د وژنو او تښتولو په مقدمه کې په کال ۲۰۰۲ کې مرکزي تورن احمد عمر شېخ ته د مرګ سزا او د هغه سره درې نورو ملګرو فهدنسيم، سلمان ثاقب اوشېخ عادل ته د عمر بند سزاګانې اورول شوې وې.
ډېنئيل پرل د امريکې د وتلې ورځپاڼې وال سټريټ جنرل د سويلي ايشيا خبريال ؤ ، او د کال ۲۰۰۲م د جنورۍ د مياشتې په ۲۳نېټه کراچۍ کې بې درکه شوی ؤ ، او نزدې يوه مياشت وروستو پاکستاني چارواکو ويلي ؤ ، چې د ډېنئيل پرل د وژل کېدو ويډيو ورته مېلاؤ شوې ده .
د امريکايي خبريال د تښتول کېدو او وژنې په کېس کې د څلورو کسانو احمد عمر شېخ ، فهدنسيم ، سلمان ثاقب او شېخ عادل په ضد مقدمه درج شوې وه.
له دې وړاندې په کال ۲۰۱۴م کې په ياده مقدمه کې بل تورن تن قاري هاشم هم د حېدر اباد د ترهګرۍ عدالت بري کړی ؤ.