د وزیراعظم عمران خان د حکومت خلاف د ۱۱ سیاسي ګوندونو اتحاد پاکستان ډېموکرېټک مومنټ مشر مولانا فضل الرحمان ویلي پي ډي اېم به فېصله کوي چې د حکومت په ضد خپل لاریون د اسلام اباد او که د راولپنډۍ په لوري وکړي.
په راولپنډۍ کې د پاکستان د پوځ مرکز یا جنرل هېډ کوارټرز دی چې په عامه توګه په جي اېچ کیو پېژندل کېږي.
پي ډي اېم په پوځ د وزیراعظم عمران خان د ملاتړ او په ملکي سیاست کې د لاس وهنې الزام لګوي خو حکومتي مامورین وايي په پي ډي اېم کې شامل ګوندونه احتساب نه د ځان بچ کوولو په خاطر یوځای شوي او په پوځ تنقید کوي.
پي ډي اېم د عمران خان د حکومت خلاف جلسې شروع کړي او د لاریون دړګه یې هم کړې ده.
د پي ډي اېم مشر مولانا فضل الرحمان وویل حکومت سره یوه میاشت ده چې استعفا ورکړي کړي او اقتدار پرېږدي. د پي ډي اېم سیاسي ګوندونو پارلېمنټ د مستعفي کېدو دړکه هم کړې ده خو حکومت ویلي که چېرې د پارلېمنټ چوکۍ خالې شوې نو ضمني انتخابات به پرې کوي.
د جمعې په ورځ د پي ډي اېم د مشرانو غونډه په لاهور کې وشوه.
د غونډې وروسته مولانا فضل الرحمان وویل چې دوی بہ په ضمنی انتخابونو کي برخه اخلي البتہ د سینټ د ټاکنو پہ اړہ فیصلہ بہ وروسته کوي.
د جمعې په ورځ د لاهور په غونډه کې پخواني وزیراعظم نواز شریف، د پیپلز ګوند مشر بلاول بھټو زرداری او پخواني صدر اصف علی زرداری دا ویډیو لنک د لارې ګډون وکړو.
د غونډې وروسته میډیا سرہ خبرو کې مولانا فضل الرحمن وویل چې حکومت سرہ یو میاشت وخت دی چې استعفا ورکړي. هغه وویل د دې وروسته به د پي ډي اېم قیادت فیصلہ کوي چې د حکومت په ضد لانګ مارچ د اسلاماباد او کہ دا راولپنډۍ پہ لوري وکړي.
مولانا فضل الرحمان وویل چې عمران خان د هغه په قول د شط رنج یوہ مہرہ دہ او د پي ډي اېم تحریک د ھغہ خلقو پر ضد ھم دی چې دا حکومت یې راوستی دی۰
بلخوا وزیر اعظم عمران خان وايي د پوځ او حکومت پر ضد سازش کیږي او پي ډي ایم د دې سازش برخه ده.
نور تفصیل د اسلام اباد مخه د وي او ای ډیوه خبریال الیاس خان وړاندې کوي:
Your browser doesn’t support HTML5
په لاهور کې د پي ډي اېم غونډه وشوه