د پاکستان پوځ وايي تیره ورځ په قبایلي ضلع جنوبي وزیرستان کې د وسله والو په برید کې د پاکستان د پوځ اووه عسکر وژل شوي او څلور نور ټپي شوي دي چې ذمه واري یې لاقانونه ګرځول شوې د پاکستاني طالبانو ډلې په غاړه اخستې ده.
افغانستان سره په پوله پرته دخیبر پښتونخوا قبایلي ضلعه جنوبي وزیرستان کې د پاکستان پوځي عسکرو د یو کاروان ترڅنګ ځان مرګي برید کې یو عسکر وژل شوی او پینځه نور ټپيان شوي چې پکې د دریوؤ حالت مرګونی ښودل کیږي.
په جنوبي او شمالي وزیرستان کې دوه بیلا بیلې هدفي وژنې شوي چې پکې د علاقې یو مشر او یو ځوان وژل شوي دي، بل لور ته په جنوبي وزیرستان کې په ځمکه کې د ښځو ماينونو يا لېنډ ماین چاودنو ښکار کسانو احتجاجي پرلت نن په شپږمه ورځ هم دوام لري.
دجنوبي وزیرستان مرکز واڼا کې پاکستان پیپلز ګوند داحتجاجي مظاهرې پرمهال غوښتنه کړې چې په سیمه کې د حکومتي واک پرځایې کولو د دعوؤ وروسته دې د ضلعې ټول انتظامي دفترونه او عدالتي نظام بیرته خپلې ضلعې ته انتقال کړی شي.
د قبايلي ضلعې جنوبي وزيرستان سره تعلق لرونکو هغو کسانو چې په ماين چاودنو کې معذوره شوي چې پکې ښځې او ماشومان هم شامل دي، احتجاجي پرلت يې پېل کړی او غوښتنې کوي چې حکومت دې دغو معذورانو ته ځانګړې پاملرنه وکړي.
افغانستان سره په پوله پرته دخیبر پښتونخوا قبایلي ضلعه شمالي وزیرستان کې د هدفي وژنې په یوه بله پیښه کې دوه تنکي ځوانان وژل شوي چې عمرونه نزدې 20 او 23 کاله دي.
په افغانستان کې زده کړې ترلاسه کوونکي پاکستاني زده کوونکي وايي دا وخت په هاسټلو کې بند پاتې دي د خرڅ خوراک د کمي سره مخ دي او په راتلونکې کې خپلو زده کړو او سندونو يا ډګريانو ته پرېشانه دي.
په شمالی وزیرستان کې د یوت اف وزیرستان، پښتون ژغورنې غورځنګ، د سیاسي ګوندونو او ځايي مشرانو احتجاجي مظاهره کړې چې پکې د نور اسلام داوړ په وژنه کې ککړ کسانو مالومولو او هغوی د ته سزا ورکولو سره په علاقه کې د هدفي وژنو او نورې ناامنۍ د پېښو د مخنیوي دپاره په ټینګار غوښتنه شوې ده.
د شمالي وزیرستان شوال تحصیل سیدګي قام سره تړاو لرونکي خلک نن په درېمه ورځ په احتجاجي پرلت ناست دي او غوښتته کوي چې د چلغوزو د فصل پوخ شوی او دوی ته دې علاقې ته د پرېښودواجازت ورکړی شي چې د چلغوزې فصل سمبال کړي.
د جنوبي وزيرستان سره تعلق لرونکي خلک وايي د علاقې نه منتخب کړی استازی (علي وزير) په زندان کې اچول داسې دي چې د علاقې د خلکو د حقونو غږ غلی کړی شوی دی.
د شمالي وزیرستان سدګی قوم دچلغوزو دفصل مالکانو د میرانشاه پریس کلب مخې ته احتجاجي پرلت پیل کړی اؤ وایي دوئ ته دچلغوزو دفصل پریکولو اجازه نه ورکړل کیږي.
د شمالي وزيرستان د دته خېل بازار تاجران وايي د ضرب عضب عملياتو په مهال اووه زره دوکانونه تباه شوي او د اربونو روپو سامان لوټل شوی خو حکومت ورسره تراوسه مرستې ونه کړې.
د خېبرپښتونخوا په قبايلي ضلع شمالي وزیرستان کې په چاودنه وران کړی شوی د جینکو یو هايي سکول 13 کاله ورسته بیرته د زدکړو لپاره پرانستل شوی دی.
افغانستان سره په پوله پرته د خېبر پښتونخوا قبایلي ضلعې جنوبي وزیرستان کې نامعلومو کسانو د انتظامیه یو افسر تښتولي دي، او د هغه سره یو بل چارواکی د ډزو په نتیجه کې ټپي شوې .
د شمالي وزیرستان دچلغوزو ځنګلونه پاخه شوي خو د علاقې خلک وايي باوجود ددې چې چلغوزي یې د ټول کال د ګټې يوازینۍ لار ده خو دوئ ته اجازه نه ورکړل کیږي چې دغه فصل واخلي او د اربونو روپې تاوان سره مخ کیږي.
د قبايلي ضلعې شمالي وزيرستان د کډوالو دپاره حکومت نورې پېسې جاري کړي خو کډوال وايي په دغو مالي مرستو اوس د دوی ګوزاره نه کيږي او ځینې کډوال د مرستو نه محرومه دي یا خو دې دغه پېسې زیاتې شي ټولو کډوالو ته دې ورکړی شي او يا دې بيا دغه کډوال بيرته خپلو علاقو ته ستانه کړی شي.
دافغانستان سره په پوله پرتې دخیبر پښتونخوا دقبایلي ضلعې جنوبي وزیرستان په لدها تحصيل کې دماینونو په پاکولو مامور د امنیتي سرتیرو په یوه ډله وسله وال بريد شوی چې پکې د پاکستان د پوځ دیو افسر کپتان په ګډون پینځه عسکر ټپي شوي دي
د خېبر پښتونخوا او په ځانګړي ډول د قبایلي سیمو یو شمېر زده کوونکي چې په افغانستان کې تعلیمي زده کړې ترلاسه کوي وايي، د افغانستان سره د پولې تړل کېدو يې زده کړې اغېزمني کړي دي او دوی اندېښنه لري چې که په پوله پورې غاړې افغانستان ته د تګ اجازه نه ورکړل کیږي نو د کلونو خواري به يې ضایع شي.
په جنوبي وزيرستان کې د ماسید قبیلې یوې جرګې حکومت نه د ناامنۍ دمخنیوي غوښتنه کړي او ویلي یې دي چې دعملیاتو په پایله کې دې دعامو خلکو د کورونو بې حرمتي نه کیږي او دې دوران کې نیول شوي بېګناه کسان دې خوشي کړی شي.
دخیبر پښتونخوا په ټانک ضلعه کې دنامعلومه کسانو په ډزو پلار او زوئ وژل شوي، بل لوري ته ځایي خلکو دناامني پرخلاف قامي لښکرې جوړې کړې دي او وایي حکومت دوئ ته تحفظ ورکولو کې ناکامه شوی دی.
نور کتل
