د پاکستان د پوځ مطبوعاتې څانگې ائي اېس پي ار ترمخه د افغانستان لوري نه د پاکستان قبائيلي سيمې مومندايجنسۍ په پوله دې لورې ته راوړېدونکي ۱۰ وسله وال وژل شوي دي .
ځايي ميډيا د پاکستان د پوځ له خلې وايي ، چې تېره شپه ناوخته د افغانستان د لوري نه د پاکستان قبائيلي سيمې مومند ايجنسۍ په پوله د شونکړۍ په علاقه کې تر ۱۵ پورې وسله وال دې لورې ته راوړېدل ، چې امنيتي ځواکونو په گېره کې واخيستل او بيا په نښته کې ۱۰ وسله وال وژل شوي دي .
د راپورونو ترمخه د وژل شوؤ وسله والو مړي امنيتي ځواکونو په ولقه کې اخيستي ، د مومند ايجنسۍ د غلنۍ مرکزي روغتون ته راوړل شوي دي .
سرچينې وايي په وژل شوؤ وسله والو کې د نهه کسانو عمرونه د ۲۵ نه تر ۳۰ کالونو او د يو کس عمر د ۵۰ کالو پورې دی ، او د دويې پېژندگلو لا نه ده شوې .
