دملگرو ملتونو سيکرټري جنرل بانکي مون يمن کې په سمدستي توگه داوربند غږ کړى دى.
دسعودي عرب په مشرۍ دائتلافي هيوادونو له لوري يمن کې دشيعه حوثي ياغيانو په ضد درې اوونۍ دمخه دپيل کړل شوؤ فضائي حملو څخه راپديخوا دا لمړى ځل دى چې دملگرو ملتونو دمشر يمن کې دسمدستي اوربند غږ کړى دى.
واشنگټن کې نيشنل پريس کلب ته دوينا په مهال بانکي مون خبردارى ورکړو چې يمن په”لمبو“ کې دى اؤ زياته يې کړه چې” زۀ ټولو ډلو ته يمن کې دسمدستي اوربند غږ کووم“
هغه وويل سعودي ورته باور ورکړى چې هغوي هم په دې خبره پوهيږي چې يو سياسي عمل ضروري دى.
يمن کې دشيعه حوثي ياغيانو په ضد درې اوونۍ دمخه دسعودي عرب په مشرۍ دائتلافي هيوادونو په فضائي کارروائيو کې تر دې مهاله لږ ترلږه ٧٠٠ کسان وژل شوي دي.
تيره اوونۍ دملگرو ملتونو امنيتي شورا يا سيکورټي کونسل يمن کې فعاله حوثي ياغيانو ته دوسلې په ورکړه بنديز لگولى ؤ.
