دپاکستان لخوا افغانستان سره دپولې په تړلو د دواړو هیوادونو دسیاسي اؤ مدني فعالینو لخوا سخت غبرګون رامینځته شوی اؤ دپاکستان دغه ګام یې بې ځایه بللی دی.
څیړونکي وایي عجیبه خبره داده چې چاودنه د پاکستان په سندهـ ایالت کې وشوه اؤ زور یې له افغانستان ویستل کیږي.
فعالینو په دې عمل نیوکه کړې چې د دواړو هیوادونو د پښتنو ترمینځ پرته کرښه خو پاکستاني چارواکو ډیره زر وتړله خو د هند سره لګیدلې پوله واهګه باندې هم هاغه رقم د خلکو ترمینځ تګ راتګ روان دی.
د پاکستان پښتون قام پرست سیاسي افراسیاب خټک پخپل یو ټویټ کې لیکلي “ولې د سیهون د برید غصه زر کیلو میټره لرې په پروت افغانستان سړوئ”
هغه وايي د پاکستان لخوا د تورخم لاره تړل دپاکستان کمزورې پالیسي په ډاګه کوي.
ښاغلي خټک پوښتنه کړې چې ایا افغانستان د پاکستان دنیشنل ایکشن پلان( دترهګرۍ په ضد ملي تګلارې) ته خنډ شوي ؟
په پاکستان کې د تیرو پنیځوؤ ورځو په مهال د شوؤ شپږو بمي چاودنو اؤ ځان وژونکو بریدونو نه وروستو تیره ورځ دپاکستان حکومت د افغانستان سره خپلې سرحدي لارې تړلي دي.
ښاغلي افراسیاب خټک وایي دپاکستان اؤ افغانستان ترمنیځ د اوختو رااوختو په لس لارې دي ، د تورخم د لارې تړلو سره به د ترهګرۍ مخه ونه نیول شي خو د دواړو هیوادونو ترمینځ تاؤ تریخوالی به ورسره نور هم سیوا شي.
بلخوا د افغانستان خبري ادارې پژواک د افغانستان د ملي امنیت د پخواني رئیس رحمت الله نبیل له خولې لیکلي چې په پاکستان کې وروستي ترهګریز بریدونه تیکنیکي دي.
ښاغلی نبیل وایي ددغسې بریدونو دلارې پاکستان غواړي د امریکا نوې انتظامیې ته ځان د ترهګرۍ قرباني وښايي.
رحمت الله نبیل دغه بریدونه د پاکستان داستخباراتو لخوا د نیابټي جګړو دپاره د جوړو شوؤ ډلو لشکر طیبه ، لشکر جنهګوي اؤ جیش محمد کار بولي.
هغه وایي پاکستان کې د کیدونکو دغو بریدونو اؤ په افغانستان یې د تورونو پورې کولو موخه داده چې وښایي د ترهګرو ځالې په افغانستان کې دي اؤ پآکستان یې قرباني دي هغه وایي دغه بریدونه په داسې مهال ترسره کیږي چې امریکا دپاکستان په هکله په نوې پالیسۍ غور کوي.
د بسم الله اڅکزي په نوم د سوشل میډیا یو فعال بیا په ټویټر اردو ژبه کې لیکلي چې چاودنه په سیهون کې وشوه ، وتړل شوې د تورخم اؤ چمن لارې خو هغه پوښته کوي چې د واهګه لاره ؟
