پښتانه چې د زرګونو کالو نه شمله تړي ،دا یې یوازې دکلتور برخه نه ده بلکې شمله تړل او پسرول د مشرۍ ،سردارۍ او درناوي علامت دی .
د پښتنو د هرې قبېلې د پټکي یا شملې تړلو خپل خپل انداز او رنګ دی ، څوک يې اوچته قرقره اوباسي څوک يې درميانه او څوک بغېر د قرقرې پټکی تړي ،
پښتانه خپل مېلمه ته چې کله مينه او درناوی ورکول غواړي نو شمله ورته پسر کړي .
دپښتو په لرغوني اؤ کلاسیکي ادب کې هم دشملې یا دستار ذکر په کثرت سره شوی اؤ ددې ترڅنګ په متلونو اؤ محاورو کې هم شمله برابر یاده کړل شوې ده.
نن په جديده ۲۱ پيړۍ کې چې ډيرو کلتوري توکو خپل ارزښت د لاسه ورکړی ولې پښتنه ټولنه کې اوس هم شملې ته هم هاغسې په درنه سترګه کتل کيږي څنګه چي به ورته زرګونه کاله پخوا کتل کيدل ،
دپښتو وتلي شاعر پروفېسر اباسين يوسفزی په خپل يو شعر کی شمله څه په دې ټکو ستائي .
زه هسې په شمله کې د غانټول ګلونه نه ږدم
راغلې مې بابا ته د بابا نه ده دا زمکه
د ډيوه خبريال ارشدمومند په شمله یو خوندور رپورټ راجوړ کړی ، دلته يې اورېدی شئ
