د پاکستان د صحت د محکمې چارواکي وايي د خيبر پښتونخوا ايبټ اباد ښار د کيهال سيمې اوسيدونکې د پاکستان پوځ يو پخوانې ميجر محمد الياس د کرونا وايرس له امله کبله مړ شوې دی.
چارواکي زیاتوي چې څو ورځې وړاندې د قرغیزستان نه د تبليغيانو لس کسيزه یوه ډله سيمې ته راغلې وه او ميجر محمددالياس د دغه تبليغي ډلې سره يو ځايې ګرځيدو او بيا درې ورځې په تبليغ کې تيرولو وروستو چې کله کور ته بیرته راغلو نو ناروغي یې څرګنده شوه ۔
پخوانې ميجر محمد الياس د ايبټ اباد په پوځي روغتون يا سي.ايم.ايچ کې درملنه روانه وه چې اتوار په ورخ يي سا ورکړه ۔
د ايبټ اباد ضلعې د صحت د محکمې مشر ډاکټر فيصل خانزاده وي او اې ډيوه ته ويلي چې د محمدالياس د مړينې وروسته یې دغه تبليغي ډله يي په شيروان سيمه کې معلومولو وروستو ايبټ اباد کې جوړ د کرونا قرنطین ځانګړې مرکز ته راوستلي دي ۔
په دغه بهر ملکي تبليغي ډله کې پنځه ښځی او پنځه نارينه شامل دي ۔
ډاکټر فيصل په وينا د ايبټ اباد کيهال سيمې داخلي او خارجي لارې يي دهرقسمه تګ راتګ لپاره تړلې دي ۔
د محمد الياس د مړينې وروستو د کرونا په ناروغې خيبر پښتونخواه صوبه کې د مړو شميره پينځو ته رسيدلې دی.
د پاکستان حکومت په خلکو غږ کړی چې د ګڼې ګوڼې په ځایونو کې د عبادتونه محدود کړي او د ګڼه جوړولو نه دې ډډه وکړي.
