په پاکستان کې په تېر شوا روز کې په کرونا وايرس اخته نور ۲۴ تنه مړه شوي چې ورسره په ملک کې د کرونا وايرس نه د مړو شمېره ۳۸۵ ته رسېدلې ده.
د سرکاري شمېرو ترمخه په تېرو ۲۴ ساعتونو کې په نورو ۹۹۰ کسانو کې د کرونا وايرس پخلی شوی دی.
په پاکستان کې د کرونا په وايرس د اخته کسانو شمېره ۱۶زره ۴۸۳ ته رسېدلې او تراوسه ترې ۴۳۱۵ کسان صحتمند شوي دي.
خېبرپښتونخوا
په خېبرپښتونخوا کې په تېر شوا روز کې نهه تنه د کرونا وايرس نه مړه شوي او په صوبه کې د کرونا وايرس نه د ټولو مړو شمېره ۱۴۶ ته رسېدلې ده.
په پاکستان کې د کرونا وايرس نه تر ټولو زیات کسان په خېبرپښتونخوا کې مړه شوي دي.
په صوبه کې په ۲۶۲۷ کسانو کې د کرونا وايرس پخلی شوی او ۶۵۴ ترې صحتمند شوي دي.
سند
د پاکستان په سند صوبه کې په تېرو ۲۴ ساعتونو کې ۱۲ تنه د کرونا وايرس نه مړه شوي چې ورسره په صوبه کې د مړو شمېره ۱۱۲ ته رسېدلې ده.
په سند کې تراوسه پورې په ۶۰۵۳ کسانو کې د کرونا وایرس پخلی شوی او ۱۲۲۲ ترې روغ شوي دي.
پنجاب
پنجاب کې د درې نورو تنو د مړه کېدو سره په صوبه کې د کرونا وايرس نه د مړو شمېره ۱۰۶ ته رسېدلې ده.
په پنجاب کې ۶۳۴۰ کسانو کې د کرونا وايرس مالوم شوي چې ترې ۱۹۲۱ صحتمند شوي هم دي.
بلوچستان
په بلوچستان صوبه کې ۱۴ تنه د کرونا وايرس نه مړه شوي او د کرونا وايرس د ۷۱ نوؤ پېښو سره په صوبه کې په کرونا د اخته کسانو شمېره ۱۰۴۹ ته رسېدلې ده.
