څېړونکي او د ښځو د حقونو فعالانې وايي، که ملګري ملتونه له افغانستانه ووځي نو دې سره به د افغان ولس ستونزې يو په دوه شي او له یو بل بحران سره به مخ شي.
ملګرو ملتونو د اپرېل په پېل کې ويلي وو چې که طالبان ښځې د دوی په دفترونو کې کار ته پرې نه ږدي نو په مۍ مياشت کې به له افغانستان نه ووځي.
څېړونکي وايي، که ملګري ملتونه دغه پرېکړه وکړي نو له دې سره به په افغان ټولنه منفي تاثير وشي او طالبان به د نړيوالو له نورو سختو بندېزونو سره مخ شي.
نور تفصيل د فرید شینواري په راپور کې اورئ.
