لاهور کې د خرابې هوا له امله سکولونه تړل شوي

د پاکستان د پنجاب صوبې مرکزي ښار لاهور کې نن د ګل، دوشنبې په ورځ د هوا د خراب معيار يا خرابې هوا له امله د پينځم ټولګي پورې سکولونه د يوې اوونۍ دپاره تړل شوي دي.

چارواکو ويلي، دا پرېکړه د هوا د خرابۍ د لوړې کچې ته رسېدو وروسته شوې ده.

چارواکو ويلي، د 14 ميلينه ابادۍ ښار لاهور کې دا ګامونه د هغو هڅو په لړ کې پورته کړل شوي چې ماشومان د ناروغو څخه وژغوري، او ټولو خلکو ته ویل شوي چې ماسک اچوي.

خو نن د پاکستان ټيلي ويژن چېنلو ښوولي چې لاهور کې خلک بغېر د ماسک نه ګرځي.

حکومت ويلي، لاهور کې به د ګرېن لاک ډاون سره به 50فيصده کارکوونکي له کوره کار کوي، او همدارنګه، بار بي کيو خوراکونه تيارول بغېر د فلټر څخه او رکشې چلول محدود کړل شوي.

د دې ترڅنګ د ودونو هالونو يا تالارونو ته د شپې د لسو بجو پورې بندول کېدو ويل شوي، او د خچنې هوا لپاره په ممکنه ډول د مصنوعي باران کولو هم ويل شوي دي.

په لاهور کې د هوا خرابوالی يا خچنوالی په دې اونۍ کې تر 1000 انډېکس څخه زیات شوی او دا پاکستان کې ريکارډ کچې ته لوړ شوی وو.

د پنجاب لاهور ښار کې له تیرې میاشتې راهیسې هوا په خرابېدو پيل شوې، زهرجن خړ سموګ يا دوړې د زرګونو په شمېره کې خلک ناروغه کړي، زياتره د واړه او پاخه عمر کسان یې اغېزمن کړي دي.

حکومت اعلان کړی، سکولونه به د يوې اوونۍ پورې تړلي وي او په ځینو سیمو کې یې د ودانیو کارونه هم بند کړي دي.

لاهور، چې یو وخت د شنو باغونو ښار يادېدو، او د مغلو په زمانه کې د 16مې نه 19مې صدۍ، پېړۍ پورې د باغونو دپاره مشهور وو، د ابادۍ د زیاتوالي له امله اوس په دغه ښار کې د شينکي دپاره ډېر کم ځای پاتې دی.

خبر د اې پي په مننه