د افغانستان صدارتي ماڼۍ د افغان طالبانو د یوې ډلې روس ته د سفر په غبرګون کې ویلي، طالبانو ته به د روس او چین د سفرونو نه هیڅ هم ترلاسه نه شي او زیاته کړې ده چې د سولې اصلي ځای د افغانستان خلک دي.
د افغانستان صدارتي ماڼۍ ویاند صدیق صدیقي نن په کابل کې یو خبري غونډې ته د وینا په وخت ویلي د امریکا او طالبانو ترمنځ د خبرو اترو ختمیدو وروستو طالبان په سیاسي سفارتکارۍ کې ناکامه شوي.
نوموړي ویلي افغان حکومت د سولې خبرې اترې مخ په وړاندې بوتلل ودرولي او دا چې د افغانستان صدارتي انتخابات دا وخت د حکومت لومړۍ ترجیح ده.
صدیق صدیقي زیاته کړې د صدارتي انتخاباتو په نتیجه کې راتلونکی افغان حکومت به د طالبانو قطر دفتر سره د افغان صلحې خبرو اترو په اړه فیصله کوي.
روانه میاشت د امریکې سره د اوږدو خبرو اترو ځنډیدو وروستو د افغانستان راتلونکې په سر خبرو اترو لپاره طالبانو خپل یو وفد روس ته لیګلی.
روس د طالبانو د وفد سره د خبرو اترو پخلی کړی او ویلي دوي د واشنګټن او طالبانو ترمنځ خبرو اترو بیا شروع کولو په ضرورت زور راوړی.
روسي میډیا د طالبانو د قطر دفتر ویاند سهیل شاهین د خولې ویلي د طالبانه پلاوي افغانستان کې د روس سفیر ضمیر کابلوف سره لیدلي او په افغانستان کې یې ورسره د صلحې په روان بهیر خبرې اترې کړي.
د افغانستان د طالبانو یو پلاوی تیره ورځ (جمعې) د روس سرښار ماسکو ته سفر کړی . د اېسوسي اېټډ پرېس خبري اداره وايي د طالبانو دغه ډله روس ته په داسې حال کې رسېدلې ده چې څو ورځې وړاندې امریکې د طالب استازو استازو سره په امریکا کې کېدونکې خبرې ختمې کړي دي.
ای پي د روس حکومتي خبري ادارې تاس له قوله وویل چې په قطر کې د طالبانو د دفتر ترجمان سهیل شاهین وویل طالب استازو په ماسکو کې د ضمیر کابلوو سره خبرې وکړې. ښاغلی کابلوو د افغانستان دپاره د روس صدر ولادېمیر پوټن استازی دی.
ای پي وویل چې د طالبانو یو چارواکي د نوم نه څرگندولو په شرط روس ته د طالب استازو د سفر تصدیق وکړو.
د روس انټرفېکس خبري ادارې د روسي خارجه وزارت د ترجمان له قوله وویل چې روسي مامورینو او طالبانو په خبرو کې د امریکې او طالبانو خبرې دې بیا پېل کړی شی او دا چې طالبان د واشنگټن سره خبرې بیا شروع کولو ته تیار دي.
ای پي وايي امریکې سره د خبرو ختمیدو وروسته روس ته د طالبانو تگ د دوي لومړی نړیوال سفر و. د طالبانو د پلاوي مشري ملا شیرمحمد ستانکزي کوله.
