امرالله صالح: زه سرپرست ولسمشر یم
د اشرف غني مرستیال امرالله صالح ویلي د افغانستان د ايين ترمخه هغه د افغانستان سرپرست صدر یا ولسمشر دی.
د نهې، سه شنبې، په ورځ په یو ټوېټ کې پېغام کې امرالله صالح وویل د اساسي قانون دلاندې که چېرې افغان ولسمشر مستعفي، مړ شي او ای ملک پرېږدي نو لومړی نایب صدر سرپرست صدر شي.
خپل ټویټ کې امرالله صالح وویل هغه د افغانستان دننه موجود دی او د نورو مشرانو ملاتړ ترلاسه کولو دپاره یې ورسره رابطې کړي دي.
کابل ته د طالبانو د رسېدو وروسته اشرف غني د افغانستان نه وتلی. هغه ویلي دغه ګام یې د خونریزۍ د مخنیوي په خاطر اخیستی دی.
په یو بل ټوېټ کې امرالله صالح خلکو ته بلنه ورکوي چې د هغه په قول په مزاحمت کې شامل شي.
فېس بک او ټېک ټاک وايي طالبانو ته ترهګر تنظیم په څېر ګوري
د سماجي رابطې وېب پاڼو فېس بک او ټېک ټاک ویلي د طالبانو سره تړلی مواد به د دوی په پلېټ فارم نه خپرول کېږي ځکه چې دوی طالبانو ته د ترهګر تنظیم په څېر ګوري.
د سي اېن بي سي ټېلې وژن د خبر ترمخه فېس بک ویلي د کمپنۍ یوه ډله په فېس بک نظر ساتي او د طالبانو تصویران، وډیوګانې او د طالبانو سره تړلی نور مواد لرې کوي.
د فېس بک ترجمان سي اېن بي سي ته ویلي چې د امریکايي قانون ترمخه طالبان یو ترهګر تنظیم ټاکل شوی دی نو ځکه پرې فېس بک هم بندیز لګولی دی.
د رپورټ ترمخه فېس بک په طالبانو د تېرو څو کلونو راهسې پابندي لګولې ده.
دا لا نه ده معلومه چې په دې اړه طالبان څه دریځ لري.
طالبان: په نوي حکومت به ټول افغانان نمایندګي لري
کابل ته طالبانو د رسېدو وروسته خپلې لومړۍ خبري غونډه کې د ډلې ترجمان ذبیح الله مجاهد وویل د یو داسې حکومت د جوړېدو دپاره کوښښونه دوام لري چې ټول افغانان به پکې نمایندګي لري.
د وي او ای اشنا څانګې ترمخه ښاغلي مجاهد د افغانستان د حکومت د رسنیو او اطلاعاتو په مرکز کې له خبریالانو سره خبرې کولې.
د دې نه وړاندې په قطر کې د طالبانو د سیاسي دفتر ترجمان سهېل شاهین د وي او ای انګریزۍ څانګې ته وویل د نوي حکومت جوړولو دپاره طالب مشران د نورو افغان ډلو او افغانستان دپاره د امریکې استازي زلمي خلیلزاد سره په خبرو اترو کې مصروف دي.
ښاغلي شاهین وي او ای ته قطر نه د ټېلې فون دلارې وویل په یو څو ورځو کې به واک منتقل کړی شي. هغه وویل د دغه حکومت اعلان به زر وکړی شي.
په قطر کې طالبانو د سیاسي دفتر مشر ملا عبدالغني برادر کندهار ته ورسېدو
په قطر کې د طالبانو د سیاسي دفتر مشر او ملا عبدالغني برادر د یو پلاوي ترڅنګ کندهار ته ورسېدو.
په دوحه کې د طالبانو د دفتر ترجمان محمد نعیم د ټوېټر دلارې کندهار ته د برادر د رسېدو اعلان وکړوږ
محمد نعیم په ټوېټر ولیکل: "نن ماسپښین دافغانستان اسلامي امارت یو لوړ پوړی پلاوی د محترم ملا برادر آخند په مشرۍ له قطر هیواد څخه روان او مازدیګر مهال خپل ګران هيواد ته ورسید او دقندهار په هوایي ډګر کې ښکته شو."