د احمدشاه مسعود زوي ویلي د طالبانو پرضد يې مذاحمت پېل کړی
د افغانستان په پنجشير کې د پخواني جهادي قومندان احمد شاه مسعودي زوي احمد مسعود ویلي د طالبانو پرضد يې مذاحمت پېل کړی او ويلي يې د طالبانو پرضد يې د پلار لاره خپله کړې.
په واشنګټن پوسټ ورځپاڼه کې په 18 اګست کې ليکلې مقاله کې احمد مسعود ویلي، مجاهدين يې د طالبانو پرضد تيار دي او د بلار د وخت نه وسله يې ورسره موجوده ده، د هغه په غږ ورسره خلک په پنجشېر کې ملګري شوي او هغه پوځي سرتيري چې د افغان ملي اردو کمانډران د تسليمېدو نه زړه ماتي شوي هم د هغه مل شوي دي.
خو نوموړي دا پوره نه ده که طالبان جنګيالي پرې راغله دوی به يې مذاحمت کوي. نوموړي د لويديځ يا مغرب څخه د ملاتړ غوښتنه هم کړې ده.
احمد مسعود ویلي د اوږدې مودې نه د داسې ازادې ټولنې (چرته چې جينکۍ ډاکټرانې جوړې ښي، مطبوعات ازاد وي، ځوانان په نڅاوي کوي او موسیقي اوري يا په لوبغالو کې د فټ بال نندارې کيږي په کومو مېدانونو کې طالبانو خلک اعدامول او هغه کار به ډېر زر بيا پېل شي) دپاره جنګيږي.
هغه ويلي، طالبان يواځې د افغانانو دپاره مسله ده، د طالبانو د واک لاندې افغانستان به د کوم شک پرته د اسلامي تندلارو دپاره خوندي ځای جوړ شی او د جمهوریت پرضد به ترې بريدونه کيږي.
د افغانستان د استقلال ورځ، په کابل کې رسمي دستورې ونشوې
افغانستان د زیارت، پنجشنبې، په ورځ د هېواد ۱۰۲ د استقلال ورځ ولمانځله خو په کابل کې د حکومت په کچه کومه رسمې دستوره ونشوه.
کابل نه د وي او ای اشنا خبریال لیکي د زیارت په ورځ عاشوره هم لمانځل کېدله.
په کابل کې قراري لیدل کېدله او د برطانيي او کېنېډې د سفارتخانو مخې ته د هېواد نه بهرد تلو خواهش لرونکو افغانانو ګڼه وه. دواړو ملکونو اعلان کړی چې ۲۰ زره افغانانو ته به پناه ورکوي.
په عین حال کې د کابل هوايي اډې نه بهر په څلورمه ورځ هم ګڼ شمېر خلک موجود وو.
رویټرز: د طالبانو په ضد نورې مظاهرې شوي
د افغانستان سر ښار کابل او د کونړ ولایت په مرکز اسداباد کې د زیارت، پنجشنبې، په ورځ د طالبانو په ضد نورې مظاهرې شوي دي او رویټرز خبري اداره په خپل رپورټ کې د عیني شاهدینو له قوله وايي په اسداباد کې د مظاهرې په مهال مرګ ژوبله شوي خو دا نه ده معلومه چې دا د ډزو له امله او که د ټېل ماټېل په سبب شوي ده.
رویټرز وايي په سوشل میډیا خپرې یو وډیو کې لیدل کېږي چې په کابل کې د افغانستان د ازادۍ په ورځ کېدونکي مظاهره کې ښځو او سړو د افغانستان بېرغونه پورته کړي او نعرې کوي چې "زمونږ بېرغ، زمونږ شناخت."
رویټرز په خپل رپورټ کې د مطبوعاتو د خبرونو له قوله وايي چې په ځینو مظاهرو کې خلکو د طالبانو سپین بېرغ شلولی دی. د طالبانو ترجمان په دې اړه څه نه دي ویلي.
د کونړ ولایت په مرکز اسداباد کې د رویټرز ترمخه په مظاهره کې مرګ ژوبله شوي خو یو عیني شاهد محمد سلیم ویلي دا نه ده معلومه چې ایا دغه مرګ ژوبله د طالب وسله والو د ډزو او که د ټېل ماټېل له امله شوي ده.
سلیم وویل په سلګونو خلکو د اسداباد په مظاهره کې ګډون وکړو.
رویټرز وویل د ننګرهار ولایت په مرکز جلال اباد او پکتیا کې هم تازه مظاهرې شوي دي.
د شورو، چهارشنبې، په ورځ په جلال اباد کې د افغانستان د بېرغ پورته کولو د لاریون په موقع ډزو کې رویټرز د دریو کسانو د وژل کېدو رپورټ ورکړی دی.
د شورو، چهارشنبې، په ورځ په خوست او اسداباد کې هم مظاهرې شوي وې.
د افغانستان پخواني نایب صدر امرالله صالح چې ځان موقتي ولسمشر بوي د مظاهرو حمایت یې کړی دی، رویټرز وویل. هغه په ټویټر یو پېغام کې وویل هغو خلکو ته سلام دی چې قامي بېرغ یې پورته کړی او د قام د افتخار دپاره ودرېدلي دي.
امرالله صالح: ملتونه باید د تشدد پرځای د قانون احترام وکړي
د افغانستان پخواي نایب صدر امرالله صالح خارجي ملکونه باید په افغانستان کې د تشدد پرځای د قانون د عملدارۍ ملاتړ وکړي.
بلخوا امریکې د افغانستان په اینده کې د پخوانی صدر اشرف غني کردار رد کړی دی.
امرالله صالح چې په ټویټر ځان د افغانستان موقتي صدر (ولسمشر) بولي د زیارت، پنجشنبې، په ورځ په یو ټویټ کې
ملتونه باید د قانون د تشدد پرځای د قانون د عملدارۍ احترام وکړي.
هغه وویل افغانستان ډیر لوی دی چې پاکستان یې وګالي او طالبان پرې حکومت وکړی شي.
د کوم هېواد نوم د اخیستلو پرته امرالله صالح په خپل ټویټ کې وویل خپل تاریخ کې د "بې عزتۍ" او " ترهګر ډلو ته د ټیټېدو" باب ته ځای مه ورکوئ.
د امریکې صدر جوبایډن افغانستان نه د ځواکونو د وېستلو د خپلې فېصلې دفاع کړې ده او وايي امریکايان به په داسې جنګ کې نه جنګیږي چې افغانان یې خپله نه کوي.
امرالله صالح د ر جوبایډن د دریځ مخالفت کړی.
بلخوا، امریکايي چارواکي وايي پخوانی ولسمشر اشرف غني د افغانستان په اینده کې څه کردار نه لري.
د امریکې د خارجه وزارت یا سټېټ ډپارټمنټ نایب سېکرېټري وېنډي شېرمن د شورو، چهارشنبې، په ورځ خبریالانو ته وویل اشرف غني په افغانستان کې "نور څه کردار نه دی پاتې شوی."
د شورو، چهارشبنې، په ورځ اشرف غني په یو وډیو پېغام کې افغانستان نه د وتلو د خپلې فېصلې دفاع وکړه، ویې وېل چې که چېرې په ملک کې پاتې شوی وی نو وژل شوی به و. هغه ملک ته د ستنېدو ژمنه وکړه.
د دې نه وړاندې د متحده عرب اماراتو خارجه وزارت اعلان کړی و چې اشرف غني او د هغه کورنۍ ته یې د انساني خواخوږۍ په بنیاد په ملک کې هرکلی وېلی دی.