د پنجاب صوبې د لاهور د ترهګرۍ ضد مقدمو اورېدونکي عدالت د پاکستان تحریک انصاف ګوند [پي ټي ايي] د څو مشرانو د نيولو حکم کړی خو دوی مشرانو بيا ضمانت ترلاسه کړی دی. د پي ټي ايي د مشرانو پرضد د 25 د لانګ په مهال مقدمې جوړې شوې وې.
د پي ټي ايي ګوند د 25 مې اسلام اباد ته د لانګ مارچ په مهال د پنجاب او اسلام اباد پوليسو د عمران خان او د هغه د ګوند د يو شمېر مشرانو پرضد مقدمې درج کړې او د دغه لانګ مارچ څخه چې عمران خان د بني ګاله په ځای پېښور ته تللی او بيا اسلام اباد ته د ستنېدو وړاندې يې په دوېم جون د پېښور هايکورټ نه راهداري ضمانت اخستی وو.
او په پينځم جون بیا د پاکستان د کورنيو چارو وزیر رانا ثناالله ويلي وو، د مخکني وزيراعظم عمران خان "د عدالتي ضمانت په ختمېدو به ورکړی شوې سيکورټي عمران نيازي په ښه طریقې سره ګرفتاره کړي"، خو د عمران خان ګوند پاکستان تحریک انصاف (پي ټي ايي) ويلي وو، "چې دغه کار ته به سخت غبرګون وويل شي".
د زیارت/ پنجشنبې په ورځ د لاهور عدالت د مخکني مرکزي وزيرانو حماد اظهر او شفقت محمود سره د صوبې د وزیرانو په ګډون د پي ټي ايي د 12 ځايي مشرانو ناقابل ضمانت ورانټ جاري کړي وو.
خو پرون د جمعې په ورځ د پي ټي ايي دغه مشران عدالت ته رسېدلي او د 17 جون پورې يې د نه نيولو ضمانت ترلاسه کړی دی.
د 25 مې د لانګ په مهال پوليسو دعوه کړې وه چې د پي ټي ايي مشرانو د لاهور په ګډون په بېلابیلو ښارونو کې ګډوډي جوړه کړې وه. او د وراني په تور يې د دغو کسانو پرضد مقدمه درج کړې او عدالت ته يې د دغو کسانو د نيولو د حکم دپاره خواست کړی وو.
د پي ټي ايي په مشرانو د 144 دفعې/ مادې د سرغړونې تور لګول شوی او ويل شوي چې د لانګ مارچ په مهال د پي ټي ايي د غړو په مبيینه حملو کې درې پوليس اهلکار وژل شوي او د 100 پورې نور ژوبل شوي وو.
د خو د پي ټی ايي ګوند مشرانو ويلي د دوی لانګ مارچ پرامن وو، او حماد اظهر ويلي د دوی پرضد مقدمې د کورنيو چارو وزير رانا ثناالله په وېنا جوړې کړی شوي دي.
د وي او اې اردو څانګې د خبر ترمخه د اسلام اباد پوليسو هم د پي ټي ايي د لانګ مارچ په اړوند خپل رپورټ سپريم کورټ ته وړاندې کړی دی.
په رپورټ کې ويل عدالت د لاریون ګډون وال رېډ زون/ حساسه ځای ته د تلو څخه منع کړي خو مخکني وزيراعظم عمران خان بيا خپلو پلويانو ته ويلي وو چې ځان رېډ زون ته ورسوي.
د پوليس رپورټ ترمخه پوليس او نورو قانون نافذونکو ادارو د دوی د ودرولو هڅه کړې خو لاريون کوونکو د لارې څخه خنډان لرې کړي او په مخکې تللي دي.
ویل شوي د پي ټي ايي د غړو سره وسلې او ډنډې وې او پوليسو د دوی د ودرولو دپاره اوښکې بهيونکی ګېس هم کارولی چې پکې 21 تنه ژوبل شوي وو.
په ياد رپورټ کې په عمران خان تور لګول شوی چې په ډي چوک کې ګډوډ د هغه په وجه جوړ شوی وو، ځکه چې عدالت د پي ټی ايي د جلسې دپاره د اېچ ناين ګراونډ ورکولو حکم کړی خو دوی بيا ډي چي چوک ته رسېدلي وو.
