لاس رسیدونکی لینک

 
د نوي ډیلي په رېلوې سټېشن د الغاؤ تلغاؤ پېښه کې ۱۵ کسان مړه شوي
تازه خبر

د نوي ډیلي په رېلوې سټېشن د الغاؤ تلغاؤ پېښه کې ۱۵ کسان مړه شوي


د هند د پلازمینې نوي ډیلي په رېلوې سټیشن کې د الغاؤ تلغاؤ جوړېدو په پېښه کې لږ تر لږه ۱۵ کسان مړه شوي اؤ یو شمیر نور ژوبل شوي دي.

د هندي رسنیو له مخې تېر ماسخوتن د نوي ډیلي په رېلوې سټیشن کې ګڼ شمېر خلک د هند تر ټولو لوی مذهبي غونډې، کمبه میلې، ته د تګ لپاره اورګاډیو ته ختل چې په دغه موقعه الغاؤ تلغاؤ جوړ شو.

ټاکل شوې ده چې دغه میله به د فبرورۍ تر ۲۶مې نېټې دوام وکړي.

کمبه میله هر ۱۲ کاله وروسته د هند په شمالي ښار پریاګراج کې جوړیږي، او تر دې مخکې هم اکثره په هند کې په داسې موقعو د ګڼې ګوڼې له کبله د خلکو د مړینې پېښې شوې دي.

تېره میاشت هم لږ تر لږه ۳۰ کسان هغه مهال مړه شول، کله چې د ګنګا، یمنا او د افسانوي سرسوتي سیندونو د یو ځای کېدو په سیمه کې د خلکو الغاؤ تلغاؤ جوړ شو.

د ځايي رسنیو د راپورونو له مخې د نوي ډیلي په رېلوې سټيشن کې د الغاؤ تلغاؤ په رامنځته شوې پېښه کې په مړو شوؤ کسانو کې ۱۰ ښځې او ۳ ماشومان شامل دي.

د نوي ډیلي د لوک نایک روغتون مرستیالې مشرې، ډاکټر ریتو سکسېنا، فرانس پرېس خبري اژانس ته ویلي "زه تا ییدولی شم چې ۱۵ کسان په روغتون کې مړه شوي. د هغوی په جسدونو ښکاره زخمونه نه وؤ. امکان لري چې د اکسیجن د کمښت (هایپوکسیا) یا د کوم سخت فشار له کبله مړه شوي وي، خو دا به له معایناتو وروسته روښانه شي"

هغې زیاته کړه: "تر دې دمه ۱۱ نور کسان هم ټپیان شوي دي، چې ډېری یې د هډوکو زخمونه لري، خو روغتیایي حالت یې ښه دی."

د هند وزیراعظم نریندرا مودي په ټولنیزه رسنۍ"ایکس" په یوه پوسټ کې لیکلي"زما خواخوږي د هغو کسانو له کورنیو سره ده، چې خپل عزیزان یې له لاسه ورکړي. دعا کوم چې ټپیان زر تر زره روغ شي. چارواکي د زیانمنو شویو کسانو سره مرسته کوي".

چارواکو د پېښې د پلټنو امر کړی او ویلي یې دي چې اوس حالات کنټرول شوي دي.

د هند د دفاع وزیر، راج نات سینګ، ویلي "زه د نوي دهلي د اورګاډي سټیشن کې د ګڼې ګوڼې له کبله د خلکو د مړینې له امله ژور خواشینی یم"

هغه زیاته کړې: "په دې غمجن ساعت کې زه د مړه شویو کسانو له کورنیو سره یم. دعا کوم چې ټپیان زر روغ شي."

د هند د پلازمېنې ګورنر، وینای کمار سکسېنا، ویلي چې د بېړني حالت د ادارې کارکوونکو ته امر شوی، او ټول روغتونونه د احتمالي بېړنیو حالاتو لپاره تیار دي.

د اورګاډو وزیر، اشویني وایشناو، ویلي چې د نوي دهلي نه د زیارت کوونکو د ګڼې ګوڼې کمولو لپاره ځانګړي اضافي اورګاډي چلېدلي دي.

کمبه میله، چې د شپږو اونیو لپاره دوام کوي، د هندوانو تر ټولو ستره مذهبي میله ګڼل کیږي چارواکي وايي، تر دې دمه ۵۰۰ میلیونه کسان ددې میلې لیدلو ته ورغلي دي.

په ۱۹۵۴ کال کې، یوازې د دې میلې په یوه ورځ، له ۴۰۰ زیات کسان مړه شوي وو، چې یا تر پښو لاندې شوي وو او یا یې ځانونه سیند ته اچولي وو.

دا د ګڼې ګوڼې له امله د مړینو له تر ټولو خونړیو پېښو څخه یوه ګڼل کېږي.

په ۲۰۱۳ کال کې، چې دا میله د پریاګراج په ښار کې تر سره شوه، ۳۶ کسان پکې تر پښو لاندې راغلي او مړه شوي وو.

Forum

هېلو وي او اې په ټي وي

هېلو وي او اې په ټي وي
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 0:59:57 0:00
  • Auto
  • 240p
  • 360p
  • 480p
  • 720p
  • 1080p

بي بي شیرینه

بي بي شیرینه – په ټیلې ویژن
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 1:59:59 0:00
  • Auto
  • 240p
  • 360p
  • 480p
  • 720p
  • 1080p

Recommended

XS
SM
MD
LG