ایران دګل- دوشنبې په ورځ په برتانیه د "ناسمه رول" سخت تنقید کړیدی.
یوه ورځ وړاندې اسلامي جمهوریت اعلان کړی ؤ چې د برتانیې سره تړلې "ډله" نیول شوې چې د دریو میاشتو راهسې د مهسا امیني د مړینې په سر راپورته شوي مظاهرو کې یې لاس درلود.
په ایران کې د سپتمبر په 16مه د 22 کلنې ایرانۍ کرد مهساامیني له وژل کېدو وړاندې په تهران کې د ښځو لپاره د دغه هېواد د سخت لباس له قانون څخه د سرغړونې په تور نیول شوې وه، له مهسا له وژنې ورستو په ایران کې لاریونونه پیل شوي دي.
تهران په عمومي ډول لاریونونه "بلوه" بولي او د برتانیه په ګډون خپل بهرني دښمنان په ناکراریو تورنوي.
سرکاري خبري اژانس ایرنا وايي چې د هیواد په سویل کې د اسلامي انقلابي ګارډ د دوه ګونی شهریت لرونکو په ګډون اوه کسان نیولي چې "د برتانیه د نه ورته په ایران کې د اړي ګړي لارښوونه کیدله.
د بهرنیو چارو وزارت ویاند ناصر کناني د ګل- دوشنبې په ورځ په یوه خبري کنفرانس کې د دوی د نیول کیدو په اړه وپوښتل:
"ځینې هیوادونو په ځانګړې توګه [برتانیه] د ایران په وروستیو پرمختګونو کې غیر رغنده رول درلود."
کناني د بهرنیو هیوادونو په اړه وویل:
"د دوی رول د افراطیت او فساد په هڅولو کې خورا پاروونکي وو."
دا ډله، چې IRNA د "منظم شوي شبکې" په توګه تشریح کړې، "د تخریبي دسیسو مشري کوله.
ایران وايي:
په کرمان ولایت کې نیول شوي اوه کسان "په پلان جوړولو، رهبري کولو او همدارنګه په وروستیو قهرجنو مظاهرو کې ښکیل وو."
په بیان مې وویل شوي:
په دوی کې ځینې یې "دوه ګونی تابعیت (شهریت)لرونکي دي چې هڅه یې کوله له هیواد څخه وتښتي."
د ایران عدالتي ادارې تېره میاشت ویلي وو، چې په ناکراریو کې د دوه ګونی شهریت لرونکیو په ګډون 40 بهرنیان نیول شوي دي.
د بهرنیو چارو وزارت ویاند کناني د ګل- دوشنبې په ورځ وویل چې:
"د وروستیو لاریونونو کې، د اروپايي هیوادونو یو شمیر وکړي په مختلفو درجو کې په فساد کې د ښکیلتیا سره نیول شوي دي."
هغه زیاته کړه:
"قونسلګرۍ او سیاسي معلومات خپلو اړوندو هېوادونو ته ورکړل شوي دي."
هغه وویل:
"د یو شمیر هیوادونو د وګړو رول په ځانګړې توګه د اروپا او لویدیځې اروپا هیوادونو ... روښانه او ثابت دی."
د سپتمبر په میاشت کې د مظاهرو له پیلیدو مخکې یو شمیر لویدیځوال چې غبرګوني شهریت لرونکي هم په کې وو په ایران کې نیول شوي وو.
لوېدیځو حکومتونو په تهران تور پورې کړی چې د:
"یرغمل کولو" تګلاره یې خپله کړې چې مقصد یې د امتیازاتو ترلاسه کول یا په بهر کې د بندیانو ایرانیانو خوشې کول دي.
