اسلام اباد های کورټ اېون فیلډ نومې مقدمه کې د پخواني وزیراعظم نوازشریف سزا کالعدم کړه او هغه یې بري کړو.
د وي او ای اردو څانګې د رپورټ ترمخه، د جسټس عامرفاروق په مشرۍ کې د اسلام اباد های کورټ دوه کسیزه ډلې د شورو، چهارشنبې، په ورځ د نوازشریف په اپيل دغه فېصله واروله.
د احستاب عدالت د کال ۲۰۱۸ د جولای په میاشت کې په اېون فیلډ رېفرنس کې ۱۰ کاله د قېدا سزا اورولې وه. په ۲۰۲۰ کې د اسلام اباد های کورټ نوازشریف په دې مقدمه کې اشتهاري بللی و.
په نواز شريف تور لګېدلی و چې هغه په لندن کې د اربونو روپو جايداد اخستلی خو د پيسو د لېږلو ورکولو زرريعې يې نه ښودلي.
په اسلام اباد های کورټ کې د اورېدنې په وخت د نواز شريف وکيل امجد پرويز ايډوکيټ وويل دا داسې مقدمې وې چې د جايداد د مالي ارزښت په اړه خو معلومات وو خو د امدن په حقله يې معلومات نه وو ورکړي. عدالت د دې په ځواب کې وويل که د امدن په اړه يې معلومات نه هم وو بيا هم دا مقدمه نه جوړيږي.
ايوان فيلډ رېفرنس
د لندن د جايداد په حقله په نواز شريف تور و چې په ايوان فيلډ کې يې د خپل ايپارټمنټ د اخستلو زرايع نه وې ښکاره کړې.
احتساب عدالت په دې مقدمه کې نواز شریف ته د کال 2018 د عامو ټولټاکنو نه وړاندې د قيد سزا ورکړې وه.
د نواز شريف لور مريم نواز او د هغې مېړه کيپټن صفدر ته په مقدمه کې قيد سزا وررکړل شوې وه چې وروستو بيا هايي کورټ معطل کړه او بري شول.
د نواز شريف مقدمه يېې د هغه په لندن کې موجودګۍ په وجه بيله کړې وه.
د ايوان فيلډ ريفرنس نه علاوه په نواز شريف د العزيزيه مقدمه روانه ده چې نواز شريف ته پکې اوه کاله قيد ورکړل شوی و.
Forum