پېښور —
د مرکزي کرمې بې کوره شوي خلک چې اوس خپلو سیمو ته ستانه شوي دي وايي د کورونو په ابادولو کې ورسره د لوظونو پرته حکومتي مالي مرستې نه دي شوي.
یو ځايي مشر پټان عبدالقادر د وي او ای ډیوه خبریال ابراهیم شنواري ته وویل که چرې حکومت د فېبرورۍ د میاشت تر د ٢٢ مې نېټې پورې ددوی غوښتنې پوره نکړې نو په پېښور کې به د گورنر هاوس مخې ته احتجاج پیل کړي.
د مرکزي کرمې اوسیدونکي دا هم وايي چې سیمه کې د شناختي کارډونو جوړولو ادارې نادره دفتر نشته چې له امله یې خلک د شناختي کارډونو ترلاسه کولو کې د مشکلاتو سره مخامخ کیږي نو ځکه دې هلته د نادره دفتر هم پرانستل شي.
په دې اړه نور تفصیل د خبریال ابراهیم شنواري په رپورټ کې اوریدی شئ:
