د اسرایل وزیراعظم بنجمن نیتن یاهو یو ځلې بیا د جنګ بندۍ غږونه رد کړي، نوموړي ویلي هغه ډزبندي به نه کوي چې پکې د اکتوبر په ۷مه نېټه د حماس وسله والو لخوا تښتول شوي اسرایلیانو د خوشي کیدو خبره نه وي.
بې پولې ډاکټرانو ویلي په غزه کې هسپتالونه د ٫٫ بې رحمه بمبارۍ٬٬ سره مخ دي. د ادارې تر مخه د غزه الشفا هسپتال څو وارې په نخښه شوی چې پکې د ماشومانو د پېداېش څانګه او د عامو ناروغانو څانګه شامله ده. د ادارې تر مخه په دغه بریدونو کې ګڼ شمېر ناروغان وژل شوي.
د اسرایل وزیراعظم بنجمن نیتن یاهو دا خیال رد کړی چې کله د حماس او اسرایل جګړه ختمه شي نو د غزه واک دې فلسطیني ادارې ته حواله کړی شي. د اسرایلي وزیراعظم دغه خبره د امریکا صدر جو باېډن د انتظامیې د دریځ سره په ټکر کې ده.
خالي/ شنبې په ورځ په یو خبري کانفرنس کې چې کله د نیتن یاهو نه د غزه واک فلسطیني انتظامیې ته ورکولو په اړه پوښتنه وشوه نو نوموړي ووېل، ٫٫ هلته به نور څه وي،٬. فلسطیني انتظامیه د غربي غاړې کنټرول لري. د اسرایل وزیراعظم زیاته کړې، ٫٫ هلته به داسې انتظامیه نه وي چې خپلو ماشومانو ته د اسرایل نه کرکه ورښایي، ورته ښايي چې اسرایلیان مړه کړۍ او یا د اسرایل ریاست د منځه یوسۍ.٬٬
د اسرایل وزیراعظم بنجمن نیتن یاهو نن د اتوار/ یکشنبې په ورځ ویلي ٫٫ داسې هیڅ علت نشته ٬٬ چې د غزه محاصره شوي شفا روغتون نه په خوندي توګه ناروغان وه نه ویستل شي، او دعوه یې کړې چې د حماس جنګیالي ٫٫ دوي ته د زیان رسولو لپاره هر څه کوي.٬٬
د اسرایل وزیراعظم د امریکا سي اېن اېن ټي وي ٫٫ سټېټ اف دي یونین ٬٬ خپرونې ته ویلي د دغه روغتون نه ۱۰۰ ناروغان بهر ویستل شوي او په لسګونو زره فلسطینیان چې دغه سیمې سره نژدې پاتې کیدل په ٫٫ خوندي لارو٬٬ د غزه ښار خوندي سویلي برخې ته تللي دي.
د غزه دغه لوې روغتون سره د اسرایل او حماس وسله والو تر منځه جګړه روانه ده او د هسپتال مشر محمد ابو سلمیه ویلي د هسپتال چار چاپیره جګړه روانه ده.
د واېټ هاوس د قامي امنیت سلاحکار جېک سولیون د امریکا سي بي اېس نیوز ٫٫ فېس دي نېشن ٬٬ خپرونې ته ویلي ٫٫ امریکا نه غواړي د روغتون دننه جګړه نه غواړي چرته چې معصومه خلکو پناه اخستې او د ناروغانو علاج ترسره کیږي او په جګړه کې ګېر شوي. مونږ د اسرایل دفاعي ځواکونو سره په دې اړه مسلسل رابطه کې یو.٬٬
په دغه روغتون کې د تیلو د کموالي د لاسه د یو شمېر ناروغانو درملنه ځنډول شوې چې له امله یې دوه ماشومان مړه شوي او د ګڼ نور ناروغان د ژوند د خطر سره مخ دی.
د اسرايل وزیراعظم بين يامين نېتن ياهو د اسرايل او حماس د جګړې ختمېدو وروسته فلسطيني اتارټۍ ته د غزې د انتظامي واک ورکولو وړانديز رد کړی دی.
نېتن ياهو د خالي/ شنبې په ورځ د يو خبريال دې پوښتنې، چې ايا د فلسطيني اتارټۍ چې په لويديځه غاړه یې جزوي کنټرول دی، د غزې انتظامي واک به ولري؟
په ځواب کې نېتن ياهو ويلي، هلته به نور څه کول وي. هغه زياته کړې، داسې اتارټي نه شي کېدی چې خپلو بچو ته د اسرايل څخه د نفرت، اسرايليانو د وژلو او اسرايلي رياست ختمولو درس ورکوي.
د امریکې د بهرنيو چارو وزير انتني بلينکن د شورو په ورځ د جنګ وروسته خاکه وړاندې کړې وه. هغه ويلي وو، دغلته دې د فلسطينيانو د واک حکومت وي او د غزې لويديځه غاړه به ورسره شامله وي. او د فلسطيني اتارټۍ صدر محمود عباس ویلي، د فلسطين اتارټي د يو ازاد رياست سره د پراخه سياسي حل برخه جوړېدی شي.
د رویټرز ترمخه، عباس ويلي، "غزه د فلسطين څخه نه بیلېدونکې برخه ده او مونږ به د يو کوټلي سياسي حل په چوکاټ کې دنننه خپلې زمه وارۍ پوره کوو چې پکې ختيځ يروشلم او غزې په ګډون لويديځه غاړه دواړه شاملې وي".
واشنګټن (وي او ای/ای پي/روېټرز/ای اېف پي) اسرایلي ځواکونو د غزه په الشفا هسپتال کې دننه او چارچاپېره د لټون عملیات جاري ساتلي دي. اسرایلي ځواکونو د حماس وسله والو په تکل کې د شورو، چهارشنبې، په ورځ په هسپتال چاپه وهله. د چاپې نه څو منټه مخکې اسرایلي چارواکو د غزه د صحت مامورینو ته په هسپتال د چاپې په اړه خبرداری ورکړی وی.
د اسرایل ډيفېنس فورسز دغه عملیات کره او هدفي بللي. اسرایل وايي حماس هسپتال د کمانډ مرکز، او مریضان او انسانان د ډال په توګه استعمالوي. حماس او د غزه د صحت وزارت چارواکي د اسرایل دغه خبره ردوي.
په شفا هسپتال کې د حماس د وسله والو په اړه اسرایل د خپلې دعوې په دفاع کې نه خو څه تصویران او نه څه وډیوز شریک کړي دي خو داسې وډیوز یې شریک کړي چې په رهایشي علاقو کې وسله وال فعالیتونو کوي او د سکولونو او جوماتونو سره نږدې راکټونه او وسله ځای په ځای کوي. شفا د غزه تر ټولو لوی هسپتال دی.
د ملګرو ملتونو د صحت ادارې ورلډ هېلت ارګنایزېشن شمر ټېډروس اېدونیم ګېبريېسېس په شفا هسپتال د اسرایلي ځواکونو چاپه په مکمله توګه ناقابل قبول بللې.
د امریکې صدر جوبایډن په حماس الزام لګولی چې په شفا هسپتال کې کمانډ مرکز چلوي او دا یې "جنګې جرم" بللی.