د پښتون ژغورنې غورځنگ مشر منظور پشتین ویلي د دوی د تحریک خلاف چې کوم تورونه لگول کیږي دا یې د حق دپاره غږ پورته کولو نه نشي پشا کولی.
د اتوار، یکشبنې، په ورځ د وي او ای ډیوه خبریال رحمان بونیري سره مرکه کې د ښاغلي پشتین نه پوښتنه وشوه چې په سوشل میډیا ځینې خلک په هغه او په پي ټي ایم دا تورونه لگوي چې گني د افغانستان او یا د هندوستان د استخباراتي ادارو دپاره کار کوي، هغه دغه تورونه رد کړل او ویې چې د دوی د غوښتنو سره سم ځینې چېک پوسټونه لرې کړی شوي دي او ٢٥٠ پورې بې درکه کسان خپلو کورونو ته راغلې دي آیا دا هم د بهرنیو استخباراتي ادارو په وینا شوي؟
ښاغلي پشتین وویل د تورونو پروا نه کوي او د حق دپاره به خپل غږ پورته کوي.
ښاغلي پشتون زیاته کړه چې ریاست اوس هم د هغه خلکو پخ شا ولاړ دی چې د "وینو" په کاروبار کې ککړ دي او نه غواړي چې راڅر گند شي او یا انصاف ته مخامخ شي.
مرکه په لانديني لینک اوریدلی شئ.
