د پاکستان د بلوچستان صوبې په مستونګ سيمه کې د جمعې په ورځ بم چاودنه کې د وژل شویو کسانو شمېره نهه ته ورسېده. اوولس کسان زخمیان شوي دي. په چاودنه کې په وژل شویو کسانو يو پوليس اهلکار او د سکول څلور ماشومان هم شامل دي.
د مستونګ ضلعې د پوليسو يو افسر مياداد [سرکل ډي اېس پي] وي او اې ډيوه ته وويل، نن د لومړي نومبر په سهار، چاودنه د سېول روغتون او جينکو د سکول سره په چوک دپاسه شوې، د پوليسو ګاډی [موبايل] پکې په هدف کړل شوی دی.
نوموړي تاييد کړه، پېښه کې يو پوليس اهلکار، د سکول څلور ماشومانې جينکې او درې لاروي وژل شوي دي. چارواکو وروسته وویل په حمله کې د وژل شویو کسانو شمېره نهه ته رسېدلې ده.
هغه زیاته کړه، دغه پوليس موبايل چې پینځه تنه اهلکار پکې سواره و، د پوليو ډيوټۍ له سېول روغتون ته په لار وو چې د چوک دپاسه پرې چاودنه شوې ده.
نوموړي، زياته کړه ژوبل کسان اول د مستونګ روغتون ته منتقل کړل شوي او سخت ټپي یې کوټې ته لېږل شوي دی.
د پېښي زمه واري د رپوټ جوړولو تر وخته چا نه دہ منلې.
د بلوچستان حکومت وياند شاہد رند ویلي، "د پېښې پر ځای د ضلعي انتظامي چارواکي، بم ډسپوزل سکواډ او امنيتي عسکر موجود دي ، او د پېښي معلومات راټولوي".
د ډيوه خبريال حفيظ الله ستوری شېراني وايي، د مستونګ پولیس یو چارواکي د نوم پټ ساتلو په شرط ډیوہ ته وویل، "چاودیدونکي توکي په یوہ موټر سایکل کې اېښول شوي وو، د پولیس د موټر د تیریدو پر وخت د ریموټ کنټرول په زریعه چاودنه شوې".
د کوټې د سیول روغتون د ایم ایس ډاکټر نور الله موساخېل په وینا،"د کوټې سول هسپتال، ټراما سنټر او بي ايم سي هسپتال کې ايمرجنسي نافذه کړل شوې او ھر ډول انتظام شوي دي".
د بلوچستان اعلا وزیر میر سرفراز بګټي پېښه غندلې او ويلي یې دي، "ترهګرو اوس اسانه هدف بې ګناہ ماشومان په نخښه کړي دي، د بې ګناه ماشومانو او بې ګناه خلکو وينې حساب به ځینې اخیستل کېږي".
Forum