په پاکستان کې څيړونکي او د بشري حقونو فعالان وايي د جمهوريت او نورو بشري حقونو د حفاظت بنيادي نکته د رای د اظهار ازادي ده خو په نژدو وختونو کې په پاکستان کې په ميډيا قدغنونه او د ټولنيزو رسنيو د پاره نوي قوانين ښايي دغه د بنيادي بشري حقونو سره په ټکر کې دي۔
پاکستاني چارواکي وايي د اظهار رای د ازادۍ احترام کوي خو د رياست خلاف ، کرکه او د فحاشۍ موادو د خپورلو اجازه به په هيڅ صورت ورنکړي۔
د ميډيا ازادۍ لپاره کارکونکې هارون بلوچ وايي په پاکستان کې چې په روستي وختونو کې کوم قوانين منطور شوي دي ور سره د رای د اظهار ازادۍ ته زيان اوختی دی۔
هارون بلوچ وايي دې سره تړلې د احتجاج،مبارزې او نورو بشري حقونو د پاره په نن صبا وخت کې ټولنيزې رسنۍ کارول کيږي خو نوي قوانينو سره په دغې هم بد اغېز پريوتې دې
" د صایبر کرایم قانون ارټکل ۳۷ دوېمه ماده کال ۲۰۲۰ د ټولنزو رسنيو د کارولو په لار کې ډير خنډان راوالاړ کړي دي، د دې قانون مونږ جاج اخستې ، دا قوانين په دې خيال نه دې جوړ شوي چې ټولنيزي رسنۍ د قانون چوکاټ ته راوستل شي بلکه د قامي امنيت، ځنې ادارو ته تحفط او د تنقيد مخه پرې ونيولو د پاره جوړ شوي کوم چې جمهوري اقدار بنيادي جز دې"
په دې وروستیو کې په میډیا داسې راپورونه مخې ته راغلي چې ګنې دپاکستان حکومت د ټولنیزو رسنیو دمهارؤلو دپاره په نوؤ جوړو کړل شوؤ قوانینو کې په حکومت، پوځ اؤ نورو ریاستي ادارو نیوکه هم جرم ګرځولی دی۔ هارون بلوچ وايي د دې قوانينو پرضد دوي عدالت ته هم تللي دي۔
څيړونکي وايي په پاکستان کي ملکي ميډيا د وړاندې نه د قدغنونو ښکار ده، او اوس په سوشل ميډيا بنديزونه به بې پلوا اوازونه نور غلي کړې کوم چې د بشري حقونو پرضد ده۔
څيړونکې او خبريال اسلام ګل افريدې وايي خبريالان او ټولنيز فعلان په موجوده کې وخت د بيلا بيلو چېلنجونو سره مخ دي، د دوي کارونه محدود کړی شوې او نظر پرې ساتل کيږې
" د دې قوانيو د لارې د ټولنيز فعالانو او خبريالانو لاس و خپې تړل شوي او که هيواد کې دننه بيا داسې خلک ژوند کوي نو بيا د هغوي ژوند د ډيرو مشکلاتو ښکار وي"
وکيل او د پښتون ژغورنې غورځنګ غړی شاه فېصل غازي وايي په ټولنيزو رسنيو د خپل حق د پاره اواز پورته کولو په سر د غورځنګ يو شمېر غړي نيول شوي او زورول شوي دي۔
د پاکستان د انفارمېشن ټيکنالوجۍ وفاقي وزير امين الحق څوورځې وړاندې الجزيره ټي وي ته د ټولنيزو رسنيو نوي قوانيو په اړه ويلي وو دوی د اظهار رای د ازادۍ پرضد نه دي خو د رياست خلاف، کرکه او فحاشي خورونکي موادو خپورولو اجازه به هيڅ کله هم ورنکړي۔
