د پاکستان په سينټ کښي د حکومت مخالفو گوندونو په رياستي ادرو سخت تنقيد کړی دی او ويلي یې دي چي د بلوچستان او خېبر پښتونخوا پښتانه وژل کيږي خو حکومت د دې هر څه نه ځان بې خبره ساتلی دی.
د پاکستان مسلم ليگ (ن) سېنټر مشاهد الله خان د سينټ په غونډه کې د بلوچستان په لورالاي کښي د پښتون ژغورنې فعاله غړي ارمان لوڼي او د خېبر پښتونخوا دپوليسو افسر طاهر ډاوړ د وژنې په سختو ټکو کښي غندنه وکړه.
د مشاهد الله خان وينا وه چې ارمان لوڼي د پوليسو دلاسه وژل شوی دی اوظلم دا دې چي دې کله هغه ژوبل و نو پوليسو دا اجازت هم چا ته نه ورکولو چې هغه دې هسپتال ته ورسول شي.
سېمېټر مشاهدالله وویل د خېبر پښتونخوا د پوليسو افسر طاهر ډاوړ ووژل شو او په تېرو ورځو کې د سند په لاړکانه کښي د باجوړ پښتانه ووژل شول خو حکومت یې تپوس وه نکړو.
د مشاهد الله خان وينه وه چې پښتانه وژل کيږي او بايد چي حکومت په دې خبر شي چي دايوازې د پښتون د وژنې مسله نه ده، دا يوه قامي مسله ده.
د پشتون تحفظ موومنټ سره تړاو لرونکي ارمان لوڼې دا مياشت په پيل کښي د بلوچستان لورالاي کښي د پوليسو لخوا د تشدد په تنيجه کښي وژل شوې و خو پولیس په ارمان لوڼي د تشدد خبره ردوي او صوبايي حکومت د هغه د قتل د تحقیقاتو امر کړی دی.
پولیس افسر طاهر ډاوړ تير کال د اکتوبر په مياشت د اسلام آباد نه تښتول شوې و او وروسته یې مړی په افغانستان کې وموندل شو. خو دا لا نه ده په ډاگه چې طاهر داوړ چا او یا ولې وژلی دی.
