د ملګروملتونو د ماشومانو د ملاتړ ادارې یونېسېف ويلي چې په جنوبي اسیا کې له پنځو کلونو نه د کم عمر ماشومانو د مړه کېدو کچه په تېرو دوو لسيزو کې راکمه شوې ده
نړيوال بېنک: د 2024 کال په جنورۍ کې په افغانستان کې ګراني په کلنیز بنياد منفي 10،2 فيصدي کمه شوې دوی د دې یو علت د خوراکي او غېر خوراکي توکو په نرخونو کې په تېزۍ سره کمښت یاد کړی. تفصيل د عبدالرزاق په راپور کې.
روغتیا پوهان وايي د تور زيړي، شوګر او د پښتورګو ناروغان بايد په روژه نيولو کې له احتياط څخه کار واخلي او په دې اړه له ډاکټرانو سره مشوره وکړي دوی وايي، دغه ډول کسان دې په روژه کې د ورزش کولو ترڅنګ، په يوځای زيات خوراک اخيستلو، کولډرنکس، تليدلي او زياتو خوږو شيانو خوړو نه وکړي.
یو شمېر افغانان د طالبانو د بندیزونو له امله د خپلو لوڼو د تعلیم لپاره په پاکستان کې له اندېښنو ډک د کډوالۍ ژوند کوي دوی وايي، په دولتي سکولونو کې ورته داخله نه ورکول کېږي او د سختو مالي ستونزو له وجې توان نه لري چې په شخصي سکولونو کې خپل ماشومان داخل کړي. تفصيل د عبدالرزاق په راپور کې.
د اقتصادي چارو افغان څېړونکي وايي يوازې مرستې د افغانستان اقتصادي حالت نشي ښه کولی او که نړيواله ټولنه غواړي چې د افغانانو حالت په مستقل ډول ښه شي نو پکار ده چې اقتصاد د جوړولو دپاره افغانستان سره امداد وکړی شي
په افغانستان کې د ملګرو ملتونو د بشري مرستو د همغږۍ دفتر ويلي چې په هرات ولايت کې د شویو زلزلو نه متاثره شويو خلکو لپاره د مرستو اړتيا ده دوی ويلي چې د هرات ولايت په ځپل شويو سيمو کې د کورونو او کليو بيارغونې او میعشت د برابرولو دپاره د 124،5 ميليونه ډالرو ته ضرورت دی.
د پاکستان تحریک انصاف په ملاتړ ازادو امیدوارانو د خېبرپښتونخوا د صوبايي اسمبلۍ او په وفاق کې د قومي اسمبلۍ د نورو ګوندونو نه زیاتې چوکۍ ګټلي دي چې څېړونکي يې لوی علت د اسټېبلشمنټ په ضد د پخواني وزير اعظم او د ګوند د مشر عمران خان موثره بيانيه بلي
څېړونکي: د راتلونکي حکومت لپاره به ګرانه وي چې په سیاست او پارلمان کې د غیر جمهوري ادارو د لاسوهنې مخنیوی وکړي د پاکستان تحريک انصاف حمایت یافته ازاد امیدواران د اسټېبلشمنټ پرضد د پي ټي آی د بیانيې په سبب په لویه شمېره کې په انتخاباتو کې کامیابه شوي. تفصيل د عبدالرزاق په راپور کې.
په پاکستان کې د ټاکنو کمېشن د شمېرو ترمخه د خېبرپښتونخوا صوبايي اسمبلۍ په څوکیو تر ټولو زيات د پاکستان تحريک انصاف ملاتړي اميدوران کامياب شوي دي د سياسي چارو څېړونکي وايي دغه ازاد اميدواران د دروند اکثريت په صورت کې خپل يا د بلې کومې پارټۍ په مرسته حکومت جوړولی شي.
د پاکستان پارلېمنټ په کال 2017 کې د ټاکنو قانون منظور کړی دی چې مخه په کومه حقله يا پولنګ سټيشن کې چې د ښځو د ووټونو شرحه د 10 فيصده نه کمه وي نو په هغې کې به دوباره انتخبات کولی شي
د سياسي چارو څېړونکي وايي د سيمي او نړۍ سره د مثبتو اړيکو او د هېواد دمعاشي نظام پياوړي کولو د پاره مهمه ده چې بهرنۍ تګلاره سياسي ګوندونه وټاکي.
استاذان وایي د پښتونخوا پوهنتونونه د لسو کالو راهسې له مالي بحران سره مخ دي خو سیاسي ګوندونه ورته پام نه لري د پوهنتونونو مالي ستونزې سياسي ګوندونو ته په نخښه کولو او دا چې سياسي ګوندونه په راتلونکو ټاکنو کې د لوړو زده کړو دپاره په منشورونو کې څه تګلاره ټاکلې او کنه؟
ځيني زنانه وايي سياسي ګوندونه چې د انتخاباتو وړاندې د ښځو د پرمختګ په لړ کې کومې ژمنې وکړي هغه نه پوره کوي او هم دغه وجه ده چې اکثره ښځې په موجوده سياسي نظام ډیر اعتماد نه کوي چې د پرمختګ دپاره به يې کار وکړي
نور کتل
