د ایپکس کمیټې له غونډې وروسته د خېبرپښتونخوا د حکومت وياند بیرسټر محمد علي سیف وي او ای ډیوه ته ویلي، د ترهګرو سره بنيادي مقابله به سي ټي ډي او پوليس کوي
سوداګر وايي که ټرانسپوټران په وخت افغانستان ته د تلو لپاره د لنډمهاله داخلېد د اسنادو ترلاسه کولو لپاره خپل اسناد جمع کړي دې سره به دواړو هېوادونو تر منځ تجارتي هلې ځلې پر مخ لاړې شي، خو ډرايوران وايي د اسنادو ترلاسه کولو ورته يو بل مشکل جوړ کړی. تفصیل د فريد شينواري په رپورټ کې:
حکومتي شمېرې ښيي په تېرو لسو کالو کې تر ټولو زيات ۹۴۶،۵۷۱ تنان په ۲۰۱۵ کال کې له پاکستانه د کار اؤ ژوند په لټه کې له هیواده بهر نورو هېوادونو ته تللي وو
په تورخم کې د پاکستاني ادارو چارواکي وايي د هېواد بېلابېلو سيمو څخه په ناقانونه توګه د مېشتو افغانانو د بیا ستنېدنې لړۍ دوامداره ده او هره ورځ په سلګونو کډوال خپل وطن ته ځي .چارواکي تایيدوي چې د تېرو څو هفتو راهیسې د بې اسناده ستنېدونکو افغانانو شمېر زیات شوی دی. تفصیل د فرید شینواري په رپوټ کې:
پاکستان کې د قدرتي افتونو په وخت د انتظام ادارې په ټول هېواد کې په جولايي کې د سختو بارانونو، سېلابونو، غرونو ښویېدو او واورې ويلي کېدو امکان څرګند کړی وایي سېلابونه د خلکو ژوند هم اغېزمن کولی شي. تفصیل د فريد شينواري په رپورټ کې:
د پاکستان د کسټم محکمې په تورخم پوله افغانستان ته د پاکستان برامدات وړونکي هغه ګاډي ايسار کړي چې د سفر دپاره عارضي اسناد نه لري. پاکستان په وروستيو کې د اسنادو لپاره له ټاکلې نېټې وروسته هم دوه ځل پينځلس پينځلس ورځې وخت ورکړی خو لږ ډرايورانو دغه اسناد اخیستي دي. نور حال د فريد شينواري په رپورټ کې:
د پښتونخوا په خېبر ضلع کې د ترهګرۍ او هدفي وژنو د پرله پسې پېښو په ضد احتجاجي پرلت پیل شوی. د احتجاجي جرګې ګډونوالو حکومتي ادارو ته پينځه ورځې مهلت ورکړی چې د خبریال خليل جبران په وژنه کې ککړ کسان باید ونیول شي ګنې دوي به تر نامعلومې مودې پورې خپل احتجاجي پرلت وغزوي. تفصیل د فرید شینواري په رپوټ کې:
د پښتونخوا د خېبر ضلعې خبريال خليل جبران د نامعلومه وسلوالو په ډزو وژل شوى دى. د سيمې د پوليسو مشر رسنيو ته ويلي د پېښې په اړه يې پلټنې روانې دي او وروسته به له خلکو سره معلومات شريکوي. نور تفصیل فريد شينوارى په دې رپورټ کې درکوي:
څېړونکي وايي د موسمي بدلون اثرات په ټولنه او بيا د خلکو په ژوند هره ورځ کېږي او ښځې او ماشومان هم د دې د بدو اثراتو ښکار کېږي. دوي وايي د موسمي بدلون له امله د واورې ګټان يا ګليشير په تېزۍ سره ویلي کېږي، د اوبو کچه لاندې غورځېږي، بارانونه بې وخته او کمېږي. تفصیل د فرید شینواري په رپوټ کې:
ليکوالان وايي د رېډيو پاکستان پېښور سټېشن د پښتو او نورو ژبو لوی خدمت کړی. مطبوعاتو یو خبر ورکړی چې ريډيو پاکستان پيښور د پښتو په شمول د سيمه ايزو ژبو د پروګرامونو وخت کم دی، خو د رېډیو پاکستان پېښور سټېشن مشر وایي د پښتو ژبې پروګرامونه نه دي کم شوي. تفصیل د فرید شینواري په رپوټ کې:
د پاکستان حکومت او افغان طالب چارواکي په تورخم سرحدي لار د تګ راتګ لپاره پاکستاني او افغان ډرايورانو ته د يوې اجازت نامې په ورکولو سلا شوي.
په پېښور زرعي پوهنتون کې د کمپيوټر او انفارمېشن ټکنالوجۍ په موضوع درې ورځنی نړيوال کانفرنس جوړ شوی د دې کانفرانس مقصد ځوانانو ته د نوې ټيکنالوجۍ په اړه د پوهې ورکول ښودل شوي. پوهانو کانفرنس ته په خپلو وينا ګانو کې وویل په ياده برخه کې ډېرې موقعې دي او دې نه ګټه پورته کول د وخت ضرورت دی.
څېړونکي وايي، که پاکستان او افغانستان د تېر په څېر په یو او بل تورونه لګوي نو د ترهګرۍ ستونزه د حل کېدو پر ځای نوره هم زیاتېدای شي
نور کتل
