واشنګټن - پاکستان ته په سفر د برتانيي کرکټ لوبډلې پر ضد د 20 اورونو په ټورنمنټ کې ترټولو زیات رنز جوړونکی پښتون لوبغاړی محمد رضوان د 6 مې مقابلې نه د ارام په خاطر ویستل شوی و.
دې ټورنمنټ کې محمد رضوان 315، بابراعظم 281 رنز جوړولو سره دویم او د برتانيي هنري برووک د 192 رنز په کولو سره دریم نمبر باندې دی.
د پاکستان لوبډله کې ځوان نوی لوبغاړی نسیم شاه هم د کرونا په ناروغۍ د اخته کیدو له کبله د ټورنمنټ پاتې سیالیو نه بهر کړی شوی دی.
د محمدرضوان او نسیم شاه نه علاوه په دې ټورنمنټ کې د پاکستان 11 کسیزه لوبډله کې نور شپږ (6) پښتانه لوبغاړي افتخاراحمد، خوشدل شاه، محمد وسیم، محمدنواز، محمدحارث او عثمان قادر هم شامل دي.
فخرزمان او شاهین افریدي دې وخت د علاج لپاره برتانیه کې دي.
د اکتوبر په 16مه په اسټریلیا کې د 20 اورونو نړیوال کپ لپاره د پاکستان په 11 کسیزه لوبډله کې اته پښتانه لوبغاړي شامل دي.
د دې نړیوال ټورنمنټ لپاره چې کله لوبغاړي د اسټریلیا د کرکټ میدان ته ورکوزیږي نو پښتو ویونکي لوبغاړي به د توکم په حساب په دویم ځائ کې ولاړ وي، ځکه چې په دوی کې به 15 کسیزه افغان ډله هم دې سیالیو کې شرکت کوي.
د ژبې یا توکم په حساب تر ټولو زیات لوبغاړي انګریزي ویونکي وي په دغه کې انګلستان، اسټریلیا،نیوزي لینډ، ویسټ انډیز، سویلي افریقه او نور شامل دي.
