د کرکټ پوهان وايي، که څه هم د پاکستان او نيدرلېنډ لوبډلې په يو ورځنيو سياليو کې تراوسه پورې شپږ ځله مخامخ شوي او شپږ واړه سیالۍ پاکستان ګټلي خو د دې دا مطلب نه دی چې پاکستان دې د نيدر لېنډ لوبډله اسانه وګڼي.
د کرکټ نړیوال کپ، جام 2023م په روانو سیاليو کې نن د پاکستان او نیدرلېنډ لوبډلې يو بل ته مخامخ کيږي. د دواړو لوبډلو لومړۍ او د نړيوال کپ دويمه سيالي ده.
د کرکټ لوبې کارپوهه فهيم پټېل وايي، د ننۍ لوبې لومړۍ او مهمه خبره، پاکستانۍ لوبډلې ته به زیات رنزونه جوړول وي، ځکه د نوموړي په وينا تېر ته په کتو د نيدرلېنډ په وړاندې د پاکستان تاريخ ښه دی تل يې ترې سيالۍ ګټلي که څه هم تېر کال یې ترې يوه سيالي په کمو رنزونو ګټلې وه.
د پټېل په خبره، پاکستان ته به ځکه زيات رنزونه او په زیاتو رنزونو سيالي ګټل وي چې يو خو د پاکستان په وړاندې راتلونکې سيالۍ د مضبوطو لوبډلو سردي بله دا چې بیا کله د رنزونو په حساب په مخکې تلل وي هغه وخت به یې دا زيات رنزونه پکار راځي.
نوموړي زياته کړه، درېمه خبره دا چې ننۍ سیالي د پاکستان دپاره په دې حواله هم مهمه ده چې لوبډلې ته به خپله وړتيا معلومه شي او د راتلونکې اندازه به ورته ولګي چې کوم ډول لوبډله جوړ ه کړي او څنګه لوبه وکړي.
هغه وويل، د پاکستانۍ لوبډلې سره نسيم شاه هم نشته ځکه زياتې تمې به له شاهين شاه اپريدي څخه وي او په يو بالر يا لوبغاړي ټوله لوبډله هم نه چليږي.
پاکستان د نړيوال جام وارم دواړه سیالۍ بايللې وې، په يوه سیالۍ کې یې د اسټريليا او بله کې یې د نیوزي لېنډ نه ماتې خوړلې وه.
پاکستانۍ لوبډله به خپلې دويمه سيالۍ کې په لسم اکتوبر له سري لنکا او درېمه سیالۍ کې په 14م اکتوبر د هند له لوبډلې سره مخامخ کيږي.
Forum