په لکي مروت کې د نامعلومه ډاکوانو د غلا يا ډاکې په وخت يو ډرايور وژل شوی او د ګاډو څخه په لکونو روپۍ تښتول شوي، او ځایی خلکو د دې پېښې او ناامنۍ پرضد احتحاجي مظاهره کړې ده.
ځايي خلک وايي په سيمه کې د ناامنۍ نورې پېښې او وسله وال فعاليتونه هم سېوا شوي دي، خو پوليس وايي حالات په قابو کې دي.
پولیسو پېښه تاييد کړې او ويلي يې دي، پېښه د لکي مروت پیزو سیمه کې د خېبرپښتونخوا او کراچۍ ترمینځ په انډس هایي وی شوې ده.
پولیس وايي په پېښه کې وژل شوي تن پېژندګلو د محمد حاجي مسید په نوم شوې چې تړاو د جنګ ځپلې سیمې بر جنوبي وزیرستان سره دی.
د احتجاج یو ګډوان وال او ټرانسپو ټرانو د اتحادیي یو غړي وقاص مروت په خبره، د شپې پرمهال نامعلوم کسان راغلي په لسګونو ګاډو او ډریورانو نه په لکونو روپۍ، جامې او زیاتره پکې د اختر د پاره سامانونه اخستي او وړي دي.
هغه وويل، دا زیاتره ډايوران دي چې ټول کال یې مزدوري کړې اختر ته کلي ته روان وو چې دا د مزدرۍ پېسې ترې لوټل شوي دي.
وقاص مروت وي او اې سره یوه ویډیو شریکه کړې چې پکې یو ډرایور وايي نیزدې 25 کسان وو دوی ته یې لاره بنده کړې وه د سړک دواړو خواو ته په لسګونو ګاډي ولاړو په نور کسانو یې سخت تشدد وکړو یو ډرایور ورسره لږ تکرار وکړو هغه یې فورا ووژولو، نه خو پولیس وو او نه ورته په وخت رسېدلي ځکه دوی ټول لوټ کړل شوي دي.
خو د لکي مروت پولیس چارواکي وايي، د پېښې اطلاع تر لاسه کېدو سره سم دې پېښې ځایی ته رسېدلي خو ډاکوان د وړاندې نه تښتېدلي وو.
پېزو تاڼه نیزدې پینځه کلو میټره فاصله کې له بايي باس سړک موقیعت لري.
انډس هايي وی د خېبرپښتونخوا او کراچۍ ترمینځ د ګاډو تګ راتګ لویه دو مخې تجارتي لاره ده چې 24 ساعته پرې ټریفک روان وي او شپې پرمهال زیاتره د سامان نه ډک غټ ګاډي پرې لیدل کیږي.
د دغه لارې سر د افغانسان او پاکستان ترمینځ تجارتي لارې د خېبر طورخم، کرمې خیر لاچي، د شمالي وزیرستان غلام خان او د جنوبی وزیرستان انګور لارې تړلې دي.
د دغه پېښې او په سیمه کې روانې د ناامني پېښو پرضد لکي مروت سیمه کې ځايي خلکو ولسي پاڅون کړی دی.
د مظاهرې پرمهال ځايي خلکو د امنۍ په پېښو اندیښنه څرګنده کړه او دغه پېښو غندنې ترڅنګ د امنیت د ټنګښت عوښتنه کوله.
ځايي خلک چې د پېزو په ملټري ګروانډ سیمه کې راغونډ شوي وو، ويل یې، دوی په علاقه کې د عادي خلکو په څېر ژوند نه، او د ناامنۍ دې پېښو سخت پریشانه کړي دي.
د احتجاج یو ګډون وال طفیل مروت وویل دغلته ناامني په دومداره توګه سیوا کیږي مخنيوي د پاره هیڅ ګامونه نه اخستل کیږي.
هغه وویل امنیتي ځواکونه په شمېره دومره سیوا دي چې په پوځي اډو، پوستو او تاڼو کې نه ځایی کیږي او د علاقې په سکولونو، کالجونو او د صحت په مرکزو کې موجود دي، خو بیا هم علاقه کې په امنیتي ځواکونو بریدونو کولو سره ځايي خلک په کورونو کې د ننه وژل کیږي خلکو د سرونو غوڅ کولو سره د برامتې او قلنګ سلسله روانه ده.
هغه وویل کله چې دغلته عملیات کیږي بیا د عملیاتو پرمهال عام ولس ته لارې او موبایل سروس بند کړي او ځايي خلکو کورونه ته ګولې ویشتل کیږي.
د لکي مروت د بیټني او مروت اتحاد مشر انعام مروت ویلي احتجاح د دوی ايیني او جمهوري حق دی خو بد بختانه چې کله دوی د ناامنۍ پرخلاف احتجاج کوي پولیس په دوی د ترګرۍ د مادو لاندې مقدمې درج کوي.
هغه وویل امنیت د ریاست زمه داري ده خو دغلته دوی ته ویل کیږي چې لښکرې جوړې کړې هغه ویلي دوی ته علاقه خالي کړي ټیکس دې نه غواړي بس خلک په خپله د امنیت د پاره تګلاره جوړه وي.
هغه غوښتنه وکړه چې په دغې پېښه کې ککړ کسان دې زر تر زره مالوم کړل شي او سزاګانې دې ورکړي.
لکي مروت ولې په هدف دی؟
د لکي مروت پولې د پنجاب میانوالي د پښتونخوا د نورو ضلعو کرک، بنو، جنوبي وزیرستان ټانک او ډیره اسماعیل خان سره لګېدلې دي.
په پېښور کې وتلی خبریال ناصر داوړ وویل دغلته نه یوازې د لکي مروت ځایي وسله وال د شمالي وزیرستان حافظ ګل بهادر ډله ، د بیټنو شاهین د مسیدو او د پنجاب طالبان فعال دي چې لکي مروت کې بریدونه کولو وروسته پنجاب او نورو سیمو ته وتښتي.
د لکي مروت د بیټني او مروت قام اتحاد مشر انعام الله وویل لکي مروت نه یوازې د ترهګري د مفرورانو د پاره خوندي ځاله جوړه شوې چې هر ورځ په فېسبک پاڼو د وسلې لیږدلې د ګواښ ویډیو خپره وي خو د دغه ډلو پرضد هیڅ کاروايي نه کیږي.
د لکي مروت سره تړاو لرونکي د پېښور بار وکیل او د لکي مروت ولسي پاڅون مشر فهیم مروت وویل په دې ورستیو کې په لکي مروت او شمالي وزیرستان کې د تیلو او ګیس غټې ذخیرې موندل شوي، چې یو لوی هدف یې په دې قبضه کول دي.
هغه وویل په دې حیران دي چې دغه ګېس پایپ لاین پنجاب ته په غځولو پروژه له کامیابۍ سره کار روان دی په هغه بریدونه نه کیږي خو د لکي مروت ځايي خلک وژل کیږي.
حکومتي غبرګون
د لکي مروت پولیس مشر طارق حبیب وايي داسې پېښې په هر ځایی کې کیږي خو د دې مطلب دا نه وي چې ریاستي واکمني ختمه شوې حالت په قابو کې دي امنیت د پاره پکې پولیس سره امنیتي ځواکونه موجود دي او امنیت د ټینګښت او د خلکو خوندي کولو د پاره زیاتره بریدونه په پولیس کیږي پینځه ورځې وړاندې هم دغلته پولیسو هم په دې ځایی د ناکې پرمهال نان کسټم ګاډي نیولي وو.
هغه وویل په علاقه کې سخت امنیتي تدابیر نیول شوي په مهمو لارو ناکې لګول شوې او د شپې پرمهال پولیس ګشتونه کوي، او زیاته یې کړه خلکو سره یې شخصي موبایل شمیره شریکه کړې او چې چرته ستونزه وي پولیس به هغه ځایی ته رسي.
دې تازه پېښې په اړه هغه وویل دا سیمه غريیزه ده خوا کې ورسره لویه ابادي او لکي سیمنټ فیکټري ده پولیسو پلټنې پیل کړي او په دې پېښه کې ککړ کسان به مالوم کړي.
د پاکسان پوځ د وړاندې نه دا دریځ دی چې دوی ته د کوم ځایی نه وسله والو د شتون اطلاع کیږي پرضد یې کارووايی کوي او هیواد د ترهګرۍ نه پاکوي.
تیره اوونۍ په سیمه کې د پوځ افسر جي او سي میجر جنرل زوالفقار علي بهټي د لکي مروت د سفر پرمهال د امنیتي ځواکونو ستاینه کړې او ویلي وو دوی د ناامنۍ پر وړاندې فرنټ لاین کردار ترسره کوي هغه د لکي مروت څخه د ترهګري د ختمولو هوډ ښکاره کړی وو.
Forum