د پاکستان د مذهبي او سیاسي گوند جمعیت علما اسلام (ف) په بلوچستان صوبه کې مهم مشر او پخواني سنیټر حافظ حمدالله د خپل پاکستان د شهریت په ختمیدلو توند غبرگون ښودلې او وايي پاکستان یې په شهریت ډرون حمله کړیده:
"زما په شهریت ډرون حمله شوې"
هغه وي او ای ډیوه ته اوویل د خپل شهریت د بیرته اخستلو لپاره به قانوڼي جگړه به کوي.
د یو تپوس په ځواب کې ښاغلي حمدالله اوویل چې د نادرا چارواکو ورته مشوره ورکړه چې پلاني ځای ته لاړ شه، د حمدالله مطابق:
" ما ورته ویل بل پلان ځای ته نه شم ورتلې بیا به نو زه کابل له ولاړ شم یا به ډلي له ولاړ شم"
د حافظ حمدالله د شهریت د ختمولو په حقله چې وي او ډیوه په پښتونخوا کې د حکومت د اطلاعاتو د وزير شوکت یوسفزي نه تپوس وکړو نو هغه اوویل:
"دا د فیډرل گورنمینټ ایشوز دي،په دې حواله به هغوي ځواب کولی شي"
د پاکستان د نورو وفاقي وزيرانو سره ډیوه د هڅو باوجود هم بریالۍ نه شوه چې خبرې وکړي خو په مطوبوعاتو کې راغلي د پاکستان حکومت د سینیټر حافظ حمدالله د پاکستان شهریت ختم کړی اؤ هغه یې غیرملکي وگړی گرځولی.
د پاکستان د میډيا د څار اداره پیمرا وایي هغوئ ته په 11م اکتوبر نیشنل ډیټابیس رجسټریشن یا نادرا لیک استولی وو چې پخوانی سینیټر حافظ حمدالله ایلین (غیرملکي وگړی) گرځول شوی. نادرا نور تفصیل نه دی ورکړی چې داسې یې ولې کړي.
حافظ حمدالله صوبایي اسمبلی غړی، دصوبې د روغتیا وزیر د سینیټ غړی پاتې شوی دی.
حافظ حمدالله وايي د ده جرم دا وو چې رښتیا به یې ویل او د ائين د بالادستۍ خبره بې یې کوله.
د حمدالله مطابق هغه په چمن ښار کې زیږدلې، پلار یې د پاکستان د جوړیدلو نه مخکښې دغلته پاتیکیدلو او د پاکستان په محکمه تعليم کې ملازم وو. د حمدالله یو زوی شبیر احمد د پاکستان په پوځ کې سیکنډ لیفټېنینټ شبیر دی.
هغه اوویل د خپل افغانیت نه انکار نه شي کولې:
"افغان یم، افغان ووم، افغان به یم"
نور تفصیل په لانديني لینک اوریدی شئ
