د پيپلز ګوند چيرمين بلاول بهټو زرداري او د مسلم ليګ (ن) مرستيالې مشرې مريم نواز شريف په ګلګت لېده کاته کړي او د ملک په ورستي سیاسي حالاتو یې خبرې وکړې.
د پيپلز ګوند د ميډيا څانګې تر مخه دغه ليده کاته لومړې يوازې د دواړو تر منځه يو په يو تر سره شو او دواړو په روان سياسي صورتحال خبرې اترې اوکړې ، خو وروستو د دغه يو په يو خبرو بيا د دواړو ګوندونو له خواه پلاوي د يو بل سره مخامخ شول ۔
د پيپلز ګوند له لوري د بلاول بهټو زرداري سره سناتور شيري رحمان او سناتور مصطفا کوکهر او د مريم نوازشريف سره پخوانې صدر اعظم شاهد خاقان عباسي ، احسن اقبال، پرويز رشيد او د ګلګت بلتستان پخونې اعلی وزير حافظ حفيظ الرحمان هم شامل وو ۔
د دواړه ګوندونو مشرانو دغه ليده کاته په داسې حال تر سره شوي چه په ګلګت بلتستان کې په ١٥م نومبر د قانون ساز اسمبلۍ ټاکنېتر سره کيګي او دواړه ګوندونو مشران د خپلو کنديدانو د کمپاين په غونډو او سياسي لاريونونو کې بوخت دي ۔
د مسلم ليګ ن او پيپلز ګوند دواړه د موجوده حکومت پرضد د پي۔ډي۔ايم په نوم جوړ شوي غورژنګ برخه دي ، او دغه غورژنګ په هيواد کې دحکومت مخالفه احتجاجي لاريونونه هم پيل کړي ۔
