هڅې خو اکثره ماشومانو ته په سکولونو او کور کې د استاذانو او مشرانو لخوا د ښه لیکلو وینا بیا بیا کیږي. خو ډیر کم خلک به د دې نه خبر وي چې خوشخطي (خطاطي یا کېلي ګرافي) پخپله یو هنر یا ارټ هم دی.
خوشخطي چې په انګریزۍ ژبه کې کیلي ګرافي نومیږي د یوې ژبې ټکي یا توري په بیلا بیلو او ښکلي انداز لیکلو ته وېل کیږي. د بلوچستان کچلاغ سېمې ځوان انځورګر او پېنټر نصیب خان د کېلي ګرافۍ په اړه وي او ای ډیوه ته وايي دا د لیک هغه هنر یا فن دی چې د یو تن هنر، مهارت او ښه نقاشي څرګندوي. نصیب خان وايي دغه خوشخطي یا کېلي ګرافي د قلم تر څنګ په برش هم کیږي.
د کچلاغ نصیب خان په خپل هنري ژوند کې په لومړي ځل د خطاطۍ نمونې جوړې کړي او د دغې نندارتون یا نماېش کې خلکو د هغه دغه هنر ډیر ستاېلی او خوښ کړی.
د وي او ای ډیوه سره د خبرو په مهال دغه ځوان وایي خطاطي په قلم هم کیږي او په اېل پېنټ هم خو ده خپله کېلي ګرافي په ائل پېنټ کړی ده.
د خطاطۍ د قسمونو په اړه دغه ځوان وي او ای ډیوه ته وايي په پېژندلو قسمونو کې يې خط کوفي، خط دیواني، خط نستعلیق، خط ثلث او خط رعوق ډیر مشهور دي او په خپل کار کې يې دغه ټول قسمونه د یو بل سره ګډ کړي.
ډیوه سره په خبرو کې نصیب خان زیاتوي دا وخت په خط ثلث کې ډېر کار روان دې چې ورته د خطاطۍ مشر (شهنشاه) هم وېل کیږي او زیاتوي په مکه شریف کې چې کومه خطاطي شوې دغه ټوله په خط ثلث کې شوې ده.
د نصیب خان د لاسو جوړې خوشخطۍ یو څو نمونې په لاندیني عکسونو کې ووینئ.
