د اسلام اباد ضلعي عدالت د توشه خانې په قضيه کې د پاکستان تحریک انصاف ګوند مشر او پخواني وزیر اعظم عمران خان ته د دريو کالو بند او يو لک روپو جرمانې سزا اورولې ده. عمران خان په ټوېټر ويلي چي هغه دا مبازره د هغه په وينا د پاکستانيانو د اولادونو د ښه راتلونکي لپاره کوي.
پاکستاني څېړونکو د واکمنو طالبانو دا خبره ناسمه بللې چې د پاکستان مخالف د ټي ټي پي وسلوال په افغانستان کې نه شته کارپوهان وايي، که د افغان طالبانو ډلګۍ له پاکستان سره ښې اړیکې ساتل غواړي نو د امنیت په اړه د پاکستان ستونزې به له منځه وړي. تفصيل له اسلام اباد نه د ارشد حسین په راپور کې.
د پاکستان د خزانې مرکزي وزير اسحاق ډار ويلي، چين اسلام اباد ته ورکړې د 2.4 اربو ډالرو د قرضې ستنولو موده تر دوو نورو کلونو پورې غځولې ده. خو په ملک کې ګراني نوره سېوا شوې ده.
د پاکستان د پارليمان غړو د پارليمان د سپکاوي ضد جوړ مجوزه قانون پرځای او د وخت د غوښتنو سره سم ګرځولی دی خو ځينې غړي بيا په دې اعتراض کوي او وايي باید پارلیمان او غړي یې د خپل ښه عمل د لارې ولس د پارليمان درناوي کولو ته مجبوره کړي.
د پاکستان سپريم کورټ په پوځي عدالتونو کې د مي د نهمې پېښو په تور کې د نيول شویو عادي خلکو د مقدمو چلولو پرضد د خواستونو د اورونې پر مهال ویلي، د سپريم کورټ له خبرولو پرته دې په پوځي عدالتونو کې د ملزمانو ټراېل پېل نه کړای شي.
د پاکستان حکومت د ملک د معاشي بحالۍ قامي منصوبه تېاره کړې ده چې مقصد يې هېواد کې سرمایه کارۍ ته وده ورکول دي. پدې لړ کې د پرتو خنډونو لېرې کولو لپاره د سرماېه کارې د اسانتياو يو ځانګړې کونسل هم جوړ شوې دی. څېړونکي ددې منصوبې د کاميابې په اړه څومره خوشبينه دي؟
عايشه غوث بخش: د پاکستان سره وخت کم دی او غواړي د ايي ايم ايف نه پور زر تر زره واخلي د پاکستان حکومت د نړيوالې مالياتي ادارې ايي ايم ايف سره د ځنډ ښکار شپږ بيلين ډالرو د پور اخستلو ستونزه زر تر زره حل کول غواړي.
اقتصاد پوهان وايي، د حکومت لخوا د اقتصادي چېلنجونو دپاره د ځانګړې پانګونې د اسانتياو کونسل [سپېشل انوسمنټ فيسيلټېشن کونسل] جوړول غوره پاليسي ده، خو پاکستان ته د ورپېښو اقتصادي چېنلجونو دپاره سمدستي لاره لټول پکار وو.
پاکستان د ايي ايم ايف غونډو ته نه دی بلل شوی د نړيوالې مالي ادارې د انتظامي بورډ د جون د 29 نېټې د غونډو مهال وېش اعلان شوی خو پاکستان پکې يوې غونډې ته هم نه دی بلل شوی. پاکستان د ايي ايم ايف پور ته سخته اړتيا لري او د ادارې سره شوې لوظنامه يې د جون په اخري نېټه ختميږي.
نړیوالې مالياتي ادارې ای اېم اېف د انتظامي بورډ د جون د 29 نېټې غونډې اعلان کړي، راپورونه وايي پاکستان په يوه غونډه کې هم نه دی شامل کړی شوی، خو ويل شوي د ضرورت ترمخه په ايجنډا کې بدلون کېدی شي.
د پاکستان د خزانې مرستيالې وزیرې عايشه غوث بخش پاشا ويلي، د نړیوالې مالياتي ادارې [ای اېم اېف] سره په رابطه کې دي او ای اېم اېف د مالي کال 2023-24 د بجټ په ګډون د نورو څيزونو جزيات غوښتي او دوی ورسره پرې خبرې کوي خو په ټېکسونو یې اندېښنه څرګنده کړې ده.
پوهان وايي، پاکستان ته به د راتلونکي مال کال بجټ کې د ټاکل شويو اهدافو ترلاسه کول لوی چېلنج وي. تفصیل د ارشد حسین په راپور کې.
د پاکستان مرکزي حکومت د نوي مالي کال لپاره د 14 زره، 500 اربه روپو کلنی بجټ قامي اسمبلۍ ته وړاندې کړی. د مالي کال 2023-24 په دې بجټ کې د محصولاتو هدف 9200 اربه روپۍ او د قرض او سود د اداېګې لپاره 7300 اربه روپو د مختص کولو وړاندیز شوی دی.
د انټرنيشنل مانيټري فنډ (ايي ايم ايف) او پاکستان ترمنځ د سټاف ليول د مامورينو په کچه خبرې د تېر کال د نومبر مياشتې نه د ځنډ ښکار دي خو وزير اعظم شهباز شريف وايي هيله ده چې په روانه مياشت کې دا مسله حل شي ځکه د هغه په وينا هېواد يې د ايي ايم ايف ټولې غوښتنې پوره کړي. تفصيل د ارشد حسين په رپوټ کې
د پاکستان وزيراعظم شهباز شريف ويلي هېواد يې د نړیوالې مالياتي ادارې [آي اېم اېف] ټول پېشګي شرطونه پوره کړي دي او هېله يې ښودلې چې په روانه میاشت د آي اېم اېف سره د پوره لوظنامه وشي.
اسحاق ډار: ګراني سېوا شوې خو پاکستان به دېواليه نه شي د پاکستان د شمېر شمېرو ادارې په خپل تازه رپورټ کې ويلي په تېرو يولس مياشتو کې ګراني زیاته شوې او د می په مياشت کې دا کچه 38% ته رسېدلې ده. د خزانې وزير ګراني د تېر حکومت د پاليسۍ نتيجه بللې خو وايي، پاکستان به په اقتصادي توګه دېواليه نه شي.
د پاکستان حکومت د جون په 30 مه ختمېدونکي مالي کال لپاره د مجموعي کورني پېداوار د ودې شرح له 2 فيصده څخه 0.29 فيصده ته راټيټه کړې ده. د قامي اکاونټس کمېټۍ له غونډې وروسته د منصوبه بندۍ د وزارت لخوا خپور شوي بيان کې ويل شوي دي چې په روان مالي کال کې د لویو صنعتونو په څانګه کې منفي وده شوې ده.
نور کتل
