د کراچۍ د ترهګرۍ عدالت د نقیب مسيد د وژنې په مقدمه کې په راؤ انوار او هغه سره نورو تورنو کسانو باندې فرد جرم لګولی دی.
راؤ انوار د صحت جرم نه انکار کړی او عدالت په مقدمه کې په ۱۱م اپرېل ګواهان غوښتي دي.
د نقيب مسید د کورنۍ وکيل صلاح الدین وي او ای ډیوه سره په خبرو کې وويل، د نقيب مسيد د وژنې په مقدمه کې ډلې شاملې دي.
هغه وويل يوه هغه ډله ده چې د نقيب او هغه سره د ملګرو تښتولو تور دی پرې، دوېمه هغه ده چې نقيب او ملګري يې د يوې تاڼې نه بلې ته بوتللي او درېمه ډله هغه ده چې په جعلي مقابله کې يې برخه اخيستې وه.
د نوموړي وکيل په وېنا په ۱۱م اپرېل د پېښې دوه عېني ګواهان چې د نقيب دوه دوستان دي عدالت دوي غوښتي دي.
د نقيب مسید د وژنې د مقدمې پلټونکي پولیس افسر اېس اېس پي ډاکټر رضوان احمد خان د فرورۍ په مياشت کې سيند هايکورټ ته په خپل جمع کړي رپوټ کې خواست کړی ؤ چې په ياده مقدمه کې په ضمانت د خوشي شوؤ ملزمانو ضمانت دې ختم کړی شي.
د پوليس افسر د رپوټ ترمخه په مقدمه کې د راؤ انوار په ګډون پينځه تنه په ضمانت خوشي دي، ۱۳ بندي دي او اووه مفروران دي.
د جنوبي وزیرستان سره تعلق لرونکی ځوان نقيب مسيد تېر کال د جنورۍ په ۱۳م نېټه د درېو نورو کسانو سره په کراچۍ کې په يوه جعلي پوليس مقابله کې وژل شوی ؤ.
د هغه وخت د ملير ضلعې د پوليس مشر راؤ انوار په مشرۍ ترسره شوې دغه مقابلې ته د پوليس خپلې پلټنيزه ډلې جعلي وو.
د نقیب پلار بيا د راؤ انوار او هغه سره په نورو پوليسو مقدمه درج کړې وه دا پوليس سره د راؤ انواره پټ وو چې بيا ښکاره شوي او تېر کال د مقدمې په مهال د ترهګرۍ ضد عدالت دوي ته ضمانت ورکړی ؤ.
