په خېبرپښتونخوا کې د پوليو د دوه نورو پېښو مخې ته راتلو سره سږ کال په صوبه کې د پوليو پېښې ۴۸ او په ملک کې يې شمېره ۶۴ ته ورسېده.
په خېبرپښتونخوا کې د پوليو دوه تازه پېښې په لکي مروت او تورغر ضلعو کې رپوټ شوي دي.
د خېبرپښتونخوا د پوليو اېمرجنسي اپرېشن سنټر ترمخه په لکي مروت کې د يونيم کاله ماشومه او په تورغر کې د دوه کالو ماشوم پوليو وهلي دي.
د پوليو د مخنيوي د پروګرام چارواکو ادعا کړې دغو ماشومانو ته د پوليو ضد څاڅکي نه ؤ ورکړی شوي.
پوليو کې د پوليو د مخنيوي د پروګرام مشر عبدالباسط ويلي د پوليو ويکسين محفوظ دي او مياندې پلاران دې د پوليو پرضد څاڅکو په اړوند په منفي اوازو يقين نه کوي.
پاکستان کې سږ کال د پوليو په پېښو کې ۴۸ په خېبرپښتونخوا چې تر ټولو زيات ۲۲ يي په بنو ضلع ، پينځه پېښې په پنجاب او شپږ په سيند صوبه او پينځه په بلوچستان صوبه کې مخې ته راغلي دي.
