د ملګرو ملتونو د امنیت شورا په ناسته کې د افغانستان دپاره د ملګرو ملتونو یا یوناما ادارې د يو کال دپاره پاتې کېدو ته مثبته رايې ورکړل شوې ده.
یوناما یا د افغانستان دپاره دملګرو ملتونو اداره به د دې شوې پریکړې له مخې د ۲۰۲۰ م کال د سپتمبر تر ۱۷م خپلو فعالیتونو ته دوام ورکوي.
د چین هېواد په افغانستان کې د ملګرو ملتونو یا یوناما ماموریت له تمدید کیدو سره مخالفت درلود خو دا ځل یې مثبته رایه ورکړه.
د راپونو له مخې وړاندې د چین مخالفت له دې امله ؤ چې په افغانستان کې د ملګرو ملتونو د ماموریت له تمدید کیدو سره دې یو ټریلیون ډالرو ستر پروژه د یوناما د ماموریت د تمدید په پریکړه کې یاده ونه شي.
انډونيشيا او جرمني هغه هېوادونه دي چې د چین هېواد ته قناعت په ورکولو سره یې د افغانستان دپاره د ملګرو ملتونو د ماموریت نوي کیدو ته یې په امنیت شورا کې مثبتې رایې ورکړې.
د امنیت شورا په غونډه کې د امریکا متحدو ایالتونو سفیرې کیلي کرفت د خپل هیواد په استازیتوب له افغان ولس او د افغانستان له دولت څخه ملاتړ په ډګه کړ او د دایمي سولې ټینګښت ته یې خپله ژمنتیا څرګنده کړه.
کیلي کرفټ ویلي د ملګرو ملتونو امنیت او دملګرو ملتونو مرستندویه ماموریت به دسولې ،ثبات او دبشري حقونو دلاپراخیتا په برخو کې درافغانستان د خلکو او ملت ترشا ودریږي او ملاتړ یې کوي.
د امنیت شورا پرونۍ غونډې ته په ملګرو ملتونو کې د چین سفیر ژنګ چون هم وینا درلوده او ویلي دي چې د افغانستان اقتصادي پرمختګ ته باید ځانګړې توجه وشي.
نوموړي چې د امنیت شورا مسودې ته یې مثبته رایه وکاروله د افغانستان د سولې او ټکاو لپاره یې اقتصادي وده مهمه وګڼله او په وینا یې هیڅوک د دې حق نه لري چې دافغان وګړود ښه ژوند کولوپه چارو کې خنډونه رامنځته کړي.
روس چې دا مهال د ملګرو ملتونو د امنیت شورا مشر تابه پر غاړه لري په افغانستان کې د ملګرو ملتونو د ماموریت نوي کیدو ته د ټولو هېوادونو لخوا د مثبتې رایې له ورکولو هرکلی کړی دی.
