بنو: د وسله والو په بريد کې د پوليو ټيم په تحفظ مامور پولیس وژل شوی

د خېبرپښتونخوا په جنوبې ضلعه بنو کې د پوليو ضد څاڅکو ورکوونکو په ټیم د نامعلومه وسله والو په ډزو کې يو پوليس اهلکار وژل شوی دی. په جدا پېښه کې د ځنګلي حيات محکمې يو ساتونکی وژل شوی دی تحریک طالبان پاکستان یې زمه واري منلې ده.

د بنو ضلعې پوليس وي او اې ډیوه ته د تشدد دواړه پېښې تاید کړې او ویې ويل دغه واقعې د شورو، چهارشنبې، په ورځ د بنو په ميريان او چکډاډان سيمو کې شوي دي.

د ضلعې پوليس وياند خانزلا قريشې وايي د پېښو نور معلومات کوي او پلټنې پېل کړی شوي دي.

د پوليو ټيم د ساتونکي اهلکار د وژلو زمه واري تراوسه چا نه ده منلې او د ځنګلي حیات محکمې د ساتونکي د وژلو زمه واري تحریک طالبان پاکستان ومنله.

د خېبرپښتونخوا د جنوبي ضلعو بنو او هنګو په ګډون 17 ضلعو کې د اګست د اوومې نېټې څخه د پوليو ضد څاڅکو پينځه ورځنی کمپاين روان دی.

د پوليو د مخنیوي د پروګرام چارواکي وايي، د تازه پېښې ورته تراوسه معلومات نه دي ترلاسه شوي خو کمپاين روان دی او که چرته په کوم ځای کې پېښه کيږي د څو ساعتو دپاره کمپاين ودرول کيږي او بيا روانيږي.

تېر د مې په مياشت کې د خېبرپښتونخوا په شمالي وزیرستان او خېبر کې د پولیو په ټیمونو ساتونکو پولیسو دوه بريدونه شوي، او دوه ساتونکي پوليس اهلکار وژل شوي وو.

او هم روانه اګست میاشتې په لومړۍ نېټه د بلوچستان صوبې په مرکزي ښار کوټه کې د پوليو په ټيم بريد کې دوه ساتونکي پوليس اهلکار وژل شوي وو.

پاکستان کې وخت په وخت د پوليو ضد څاڅکو په ټيمونو او ساتونکو پوليسو یې وسله وال وژونکي بريدونه هم کيږي.

خو چارواکي دعوه کوي چې د پوليو ختمولو دپاره پوره هڅې کوي او دغه وايرس به قابو کړي خو د پنجاب مرکزې ښار لاهوراو د خېبرپښتونخوا هنګو، پېښور، ډېره اسماعيل خان او بر جنوبي وزيرستان وروسته د سيند صوبې مرکزي ښار کراچۍ کې ماحولياتي مثبتې نمونې ترلاسه شوي دي.

هغه وخت د صحت وزیر قادر پټېل ویلي وو، "ماحولياتي د پوليو نمونې ترلاسه کېدل ښيي چې زمونږ د پولیو د څارنې معیار لوړ دی خو د دې مطلب دا هم دی ماشومانو ته د پولیو خطره ده".

په پاکستان کې سږ کال تراوسه پورې د پوليو دوه پېښي مخې ته راغلي او دواړه پېښې په بنو کې رپورټ شوي دي.

په 2022م کال کې پاکستان کې د پوليو 20 پېښې مخې ته راغلې او ټولې په خېبرپښتونخوا صوبه کې معلومې شوې وې، 17 په شمالي وزیرستان، دوه په لکي مروت او يوه په جنوبي وزيرستان کې رپورټ شوې وه.

پاکستان کې د پولیو د مخنيوي د پروګرام چارواکي وايي، دوی ته اوس هم د پوليو ضد کمپاین کې غټه مسله د ځینو مياندو پلارانو لخوا ماشومانو ته د پوليو ضد څاڅکو ورکولو نه انکار دی خو دوی د خلکو قانع کولو او خوندي کمپاينو چلولو پوره هڅه کوي.