د ایران اسلامي واکمنو په نومبر کې د تیلو قیمتونه سوا کړل چې په هیواد کې یې خونړۍ بې قراري پیدا کړه . د دغه لانجمنه پریکړې پاکستان ته د تیلو په سمگلینگ هم اثر او نه شو ځکه چې سمگلرانو د پیټرولو په ځای د ډیزلو سمگلینگ شورو کړو.
په ایران کې د تیلو نرخونه د واشنگټن په تهران د معاشي بندیزونو ورستو ختلي وو. د امریکاي چاوراکو تر مخه د تیلو د نرخونو ختلو سره په ایران کې سختې مظاهرې شورو شوې.
ایراني چارواکو مظاهرچیان وچقول چې پکې 1500 کسان اووژل شول. ایراني چارواکي واي په دغو شمیرو کې مبالغه شوې ده خو سمې شمیرې څه دي؟ دا یې نه دي ښودلي.
د ایران سرکاري خبري ادارې ایرنا په دسمبر 17 ويلي وو په نومبر کې د تیلو د نرخونو سوا کولو سره تمه پیدا کیدله وه چې د ایران په پوله به سراسري د سمگلینگ مخ اونیول شي. په دغه خبر کې د ایران په سویل ختیز سیستان او بلوچستان کې د تیلو د سمگلینگ د څارنې د یو چارواکي مجيب محيبي په حواله ليکل شوي وو څومره سمگلينگ چې پاکستان او افغانستان ته پخوا کیدلو د تیلو د نرخونو سوا کولو ورستو هم هغه شان روان دی.
یو چارواکي ويلي دي افغانستان او پاکستان ته روزانه پینځه میلینه تیل سمگل کیږي.
د پاکستان د سرکاري ادارې پاکستان سټیټ ایل یو اعلا چارواکي وي او ای ډیوه ته ويلي دي چې د ایران نه په لویه کچه پاکستان ته ډیزل سمگل کیږي چې ټول هیواد ته رسي.
په پاکستان کې د پاکستاني ډیزلو د بیعې په مقابل کې دغه ډیزل ډیر ارزان دي.
د پاکستان په بلوچستان کې په لویه کچه په وړو وړو دوکانونو کې دغه ډیزل ښکاره خرسیږي.
ډیوه ته د تیلو یو دوکاندار بایزید خان اوویل د پاکستاني ډیزلو په پرتله په ايراني ډیزلو کې ډیره گټه ده.
