یوه نیمه میاشت پس چې په پېښور کې د لاک ډاون نه وروسته بازارونه پرانیستل شول نو په لوی شمېر کې مېرمنې، ماشومان او سړو سوداګانې یې کولې چې زیاترو پکې د اختر خریداري وه.
صدر بازار کې یو دوکاندار امیر حمزه وي او ای ډیوه ته وویل د لاک ډاون په مهال چې یې څومره تاوان شوی هغه دې ورځو کې نشي پوره کولی خو بیا هم ښه شوه چې بازارونه پرانیستل شول.
یوبل دوکاندار محمد اسماعیل وویل د حکومتي هدایاتو مطابق به په ټولو احتیاطي تدابیرو عمل کوي او مازیګر څلور بجې به خپل دوکانونه تړي خو غوښتنه یې وکوه چې د ورځې چې اجازه ورکړل شوه باید د روژه ماتي نه پس هم د کاروبار اجازه وي.
بازار کې ځینو تنانو پوزو ته ماسکونه او لاسو ته دستانې اچولې وې خو زیاترو پکې د احتیاط نه کار نه اخیستو او اوږه په اوږه ولاړ خریداري یې کوله.
دا په داسې مهال ده چې پښتونخوا کې د کرونا اغیزمنو شمیره ورځ تر بلې په سیوا کیدو ده او ډاکټران وایي ټول بند کې په داسې وختونو کې نرمي کول به د کرونا مریضانو کې نوره اضافه وکړي.
نور تفصیل په دې اړه دې راپور کې واورئ:
