د پاکستان پوځ وایي د خېبر پښتونخوا په لکي مروت اؤ خېبر ضلعو کې یې د ترهګرو په ضد دوؤ بیلابیلو عملیاتو کې "۹ ترهګر" وژلي دي.

د ګل یا دوشنبې په ماښام د پوځ ویاندې ادارې آي ایس پي ار خپل بیان کې ویلي،امنیتي ځواکونو د قبایلي ضلعې خېبر په لرې پرته سیمه تېراه کې د ترهګرو په ضد عملیات کړي چې په کې ۷ ترهګر وژل شوي دي.

پوځ وایي په وژل شوؤ کې دوه ترهګر کمانډران نجیب عرف عبدالرحمان اؤ اشفاق عرف معاویه هم شامل دي.

پوځ دعوه کړې ده چې وژل شوؤ ترهګرو پسې امنیتي ځواکونه له ډیرې مودې ګرځېدل اؤ هغوي په یو شمیر ترهګریزو بریدونو کې ککړ وؤ.

پوځ ددغو ترهګرو له ولکې د وسلو اؤ چاودیدونکو توکو ترلاسه کېدو دعوه هم کړې ده.

د آي ایس پي ار د بیان له مخې په لکي مروت سیمه کې هم امنیتي ځواکونو د ترهګرو یوه ځاله په نخښه کړې اؤ دوه وسله وال یې وژلي دي.

د پوځ بیان کې ویل شوي چې سیمې نه د ترهګرۍ ختمولو لپاره د پاکونې عملیات روان اؤ امنیتي ځواکونه د ترهګرۍ نوغي ویستو ته لوړه حوصله لري.

پاکستاني چارواکي په ملک کې د زياتېدونکې ترهګرۍ په اړه په تکرار وايي، په افغانستان کې د طالبانو په واک کې د راتلو وروسته پاکستان کې ناامني او ترهګرۍ سېوا شوې او تحریک طالبان پاکستان د افغانستان د خاورې څخه پاکستان کې ترهګري کوي، خو په افغانستان کې واکمن طالبان د پاکستان دغه تورونه په کلکه ردوي.

پاکستان کې د څيړنې او امنيتي مطالعې مرکز سېنټر فار ریسرچ اېنډ سیکيورټي‌سټديز نومې غېر دولتي ادارې ويلي، په تیرو درېو میاشتو کې په ګرد هیواد کې ترهګریزو پېښو کې ۹۲ فيصده مرګ ژوبلې په خېبرپښتونخوا او بلوچستان صوبو کې شوي دي.

پخپل تازه رپورټ کې یادې ادارې ویلي دغه موده کې د پوځ د يو کپتان په شمول ۶۵ پوځیان ،دوه پوليس افسران اؤ ۲۹ پولیس عسکر وژل شوي دي.

د پاکستان د وزيراعظم شهباز شریف په مشرۍ په 22م جون په ملک کې د ترهګرۍ او توندروۍ پرضد د عزم استحکام په نوو عملياتو منظوري ورکړې او د دفاع وزير خواجه اصف ويلي، په ضرورت پېښدو د پولې پورې غاړې افغانستان کې هم عمليات کولی شي.

خو په افغانستان کې د طالبانو د دفاع وزارت خبرداری ورکړی، که چا یې هم د پولې يا حريم سرغړونه وکړه، د نتيجو زمه وار به یې په خپله وي.

پاکستان کې د څيړنې او امنيتي مطالعې مرکز سېنټر فار ریسرچ اېنډ سیکيورټي‌سټديز نومې غېر دولتي ادارې ويلي، په تیرو درېو میاشتو کې په ګرد هیواد کې ترهګرو پېښو کې 92 فيصده مرګ ژوبلې په خېبرپښتونخوا او بلوچستان صوبو کې شوي دي. او په دغه موده کې د پوځ د يو کپتان پشمول 65 پوځیان او دوه پوليس افسر پشمول 31 پوليس اهلکار وژل شوي دي.

پاکستاني چارواکي په ملک کې د زياتېدونکې ترهګرۍ په اړه په تکرار وايي، په افغانستان کې د طالبانو په واک کې د راتلو وروسته پاکستان کې ناامني او ترهګرۍ سېوا شوې او تحریک طالبان پاکستان د افغانستان د خاورې څخه پاکستان کې ترهګري کوي، خو په افغانستان کې واکمن طالبان د پاکستان دغه تورونه په کلکه ردوي.

د پاکستان د وزيراعظم شهباز شریف په مشرۍ په 22م جون په ملک کې د ترهګرۍ او توندروۍ پرضد د عزم استحکام په نوو عملياتو منظوري ورکړې او د دفاع وزير خواجه اصف ويلي، په ضرورت پېښدو د پولې پورې غاړې افغانستان کې هم عمليات کولی شي، خو په افغانستان کې د طالبانو د دفاع وزارت خبرداری ورکړی، که چا یې هم د پولې يا حريم سرغړونه وکړه، د نتيجو زمه وار به یې په خپله وي.

سي ار اېس اېس نن د جولايۍ په لومړۍ نېټه خپور کړي رپورټ کې ويلي، په تیرو درېو میاشتو کې په ګرد هیواد کې ترهګرو بریدونو او ترهګرو پرضد عملياتو کې ټولې 240 پېښې شوي، د عامو ملکي وګړو او امنیتي ځواکونو د عسکرو په ګډون پکې 380 کسان وژل او 240 ژوبل شوي دي.

د رپورټ ترمخه خېبرپښتونخوا او بلوچستان صوبې د ترهګرۍ او ناامنۍ څخه تر ټولو اغېزمنې پاتې شوي، 87 بريدونه او امنيتي ځواکونو عمليات هم په دغو صوبو کې شوي او 92 فيصده مرګ ژوبلې هم په دغو صوبو کې اوښتي دي.

په رپورټ کې ويل شوي، د روان کال د لومړيو درېو میاشتو په مقابله کې په وروستيو درېو مياشتو کې په بلوچستان صوبه کې ترهګري کمه شوې خو په خېبرپښتونخوا او پنجاب کې زياته شوې ده.

اسلام اباد کې د شخړو او امنیت د مطالعاتو ادارې پاکستان انسټيټيوټ فار کنفلکټ اېنډ سيکيورټي سټډيز (پيکس) مشر عبدالله خان وايي، "دې ځلې له ریاست دا پالیسي خپله کړې ده چې هیڅ قسمه مذاکرات به نه کوي او د دې پرځای به د ترهګرو پرضد عملیات جاري ساتي او داسې ښکاري چې پاکستان به راتلونکې کې د طاقت نور استعمال هم کوي".

د سي ار اېس اېس په رپورټ کې ويل شوي، په تیرو درېو میاشتو کې په پاکستان کې فرقه يیزه نښتو کې هم 11 تنه وژل شوي دي.

د پاکستان د حکومت اوسني وزیران تور لګوي، په ملک کې د ترهګرۍ زیاتېدو يو علت د پاکستان تحریک انصاف په حکومت کې د تحریک طالبان پاکستان سره د خبرو په وخت د زرګونو په شمېره کې وسله وال بيرته راوستل شوي او اباد کړل شوي دي، خو د تحریک انصاف مشران د وسله والو د ابادولو تورونه ردوي.

پاکستان کې د ترهګرۍ پرضد پوځي عملياتو باوجود په ملک کې د ترهګرۍ نه کمېدو په اړه خبريال اعزاز سيد وايي، "په نوم خو پاکستان يو جمهوري هیواد دی خو د بده مرغه په حقیقت کې دا يو سیکيورټي سټېټ دی او کله چې هيواد سيکيورټي سټېټ وي نو هلته بيا ادارې هم کمزورې وي".

پاکستان کې د تازه عزم استحکام عملياتو د پرېکړې، د حکومت مخالفه ګوندونو د دغو عملیاتو مخالف کوي.

د مذهبي سياسي ګوند جمعیت علما اسلام ف مشر مولانا فضل الرحمان پرون په يو خبري کانفرنس کې پوښتنې راولاړې کړي او ويلي يې دي، "پاکستان کې د څو پوځي عملياتو وروسته ترهګري ولې سېوا شوې ده؟"

مولانا فضل الرحمان د چا د نوم اخستو بغېر ويلي، "پاکستان کې د ترهګرۍ په مخنيوي او ختمولو کې خو تاسو پاتې راغلي يئ، اوس په خپلو ناکامو د پردې اچولو دپاره په افغانستان کې د حملو خبره کوئ."

نوموړي دعوه کړې، "د خېبرپښتونخوا د پرمختيا د فنډونو لس فيصده ترهګرو ته ورکول کيږي، مونږ ته دې د دې پوښتنې ځواب راکړل شي"، هغه ويلي، "وګړی د رياست نه د پوښتنې حق لري، چې ايا ته د ترهګر مرسته کوې يا یې په وړاندې بې وسه یئ؟ "، هغه زياته کړې، زما سره ډېر سوالونه دي خو ریاست ته مسلې جوړول نه غواړم.

د مولانا فضل الرحمان دغو دعوو او تورونو ته د مرکزي او خېبرپښتونخوا حکومتونو لخوا تراوسه کوم ځواب نه دی ویل شوی، خو حکومت بيا بيا تکراروي د ترهګرۍ د خاتمې پورې به د ترهګرۍ ضد جګړه روانه وي.

په پاکستان کې د پوليو مخنيوي پروګرام ويلي، نن د لومړۍ جولايۍ څخه د ملک په 41 ضلعو کې د پوليو ضد څاڅکو ځانګړی کمپاين پيل شوی دی، په دغو 41 ضلعو کې د خېبرپښتونخوا 11 او د بلوچستان صوبې 16 ضلعې شاملې دي.

خېبرپښتونخوا کې د پوليو د مخنيوي پروګرام ویلي، نن د لومړۍ جولايۍ څخه د پينځمې جولايۍ پورې به د صوبې په شپږو ضلعو صوابۍ، سوات، ټانک، شمالي وزيرستان، کوز او بر جنوبي وزيرستان کې ټولو ماشومانو ته د پوليو ضد څاڅکي ورکولی شي.

ويل شوي، په ډېره اسماعيل خان کې به په 22 يونين کونسلو، پېښور کې په درېو، کورمه، بنو او لکي مروت کې به په يو يو يونين کونسل کې د پوليو ضد څاڅکي ورکول کيږي.

د پروګرام ترمخه په ياد کمپاين کې به په صوبه کې 12لکه او 90,000 ماشومانو ته د پوليو ضد څاڅکي ورکول کيږي، د کمپاين پرانسته د صوبې وزيراعلا علي امين ګنډاپور په 28م جون کړې وه.

بلوچستان کې د پوليو مخنيوي پروګرام ویلي، د صوبې په 16 ضلعو قلعه عبدالله، چمن، قلعه سېف الله، لورالايي، شېراني، ژوب، زيارت، دوکۍ، بارکهان، قلات، لسبېله، مستونګ، ماشکېل، نصير اباد، سبي او اوستا محمد کې به ماشومانو ته د پوليو ضد څاڅکي ورکول کيږي.

پاکستان کې د پوليو ځانګړی کمپاين په داسې وخت کې کيږي چې تېر د جون په مياشت کې پاکستان کې د پوليو څلور نوې پېښې رپورټ شوي دي، په دغو تازه پېښو کې دوه په قلعه عبدالله، يوه په کوټه او بله د سيند صوبې د کراچۍ ښار په کيماړۍ ضلعه کې مخې ته راغلې ده.

پاکستان کې سږ کال تراوسه پورې په ټول ملک کې د پوليو ټولې اته پېښې رپورټ شوي، چې پکې درې د بلوچستان صوبې په قلعه عبدالله، يوه يوه په کوټه، چمن او ډېره بګټي کې معلومې شوي دي. دوه نورې پېښې د سيند صوبې په شکار پورې او د کراچۍ په کيماړۍ ضلعو کې رپورټ شوي دي.

دغه ډول د پوليو د مخنيوي پروګرام ویلي، سږ کال تراوسه پورې د ملک په 40 ضلعو کې په ماحولياتي نمونو کې د پوليو وايرس تصدیق شوی دی.

د وزیراعظم فوکل پرسن عایشه رضا فاروق په مياندو پلارانو غږ کړی، د پوليو کمپاين کې خپلو ماشومانو ته د پوليو ضد څاڅکي ورکړئ او تلعمره معذورۍ څخه یې وژغورئ.

د پوليو د مخنيوي قامي بېړني مرکز مشر محمد انوارالحق ويلي، دا اوسنی کمپاين ډېر مهم دی او دا په هغو علاقو کې کولی شي چرته چې د وايرسو پرله پسې موجودګي د ماشومانو دپاره خطره ده.

پاکستان کې د پوليو د مخنيوي چارواکي وايي، پاکستان او افغانستان يواځيني هيوادونه دي چرته چې د پوليو وايرس شتون لري، او که يو ځل د پوليو وايرس ختم شي د تل دپاره ختميږي ځکه د دې وايرسو په ختمولو ټينګار کولی شي.

2

اسلام اباد هايکورټ د پاکستان د سمندري ځواک د پينځو افسرانو د مرګ سزا عملي کېد د بلې اورېدنې پورې ځنډولې ده.

د پاکستان د سمندري ځواک پينځو افسرانو ته په کراچۍ کې د سمندري ځواک په اډه (ډاکيارډ) بريد او ترهګرې ډلې داعش سره په تړاو د کال 2016م په 24مه مې د مرګ سزا اورول شوې وه.

په کراچۍ کې د سمندري پوځ په ډاکيارډ د کال 2014م د ستمبر د مياشتې په شپږمه نېټه بريد شوی وو، پاکستان د ستمبر شپږمه د دفاع د ورځې په توګه نمانځي.

هغه وخت چارواکو ويلي وو په دغه بريد کې دوه حمله کوونکي وژل شوي او څلور نيول شوي وو . په بريد کې د سمندري ځواک د يو سرتيري د وژل کېدو او اووه نورو ژوبلېدو هم ويل شوي وو.

طالبانو په کراچۍ کې د سمندري پوځ په اډه د حملې ذمه واري قبوله کړې خو وروستو داسې خبرونه مخې ته راغلي چې په بريد کې د درې افسرانو کورټ مارشل شوی وو.

په ډاکيارډ د بريد نه پس د هغه وخت او اوسني دفاع مرکزي وزير خواجه اصف ويلي وو د حمله کوونکو سره د دننې نه لاس وو.

د پاکستاني مطبوعاتو ترمخه، د اسلام اباد هايکورټ جج جسټس بابر ستار د ګل، دوشنبې، په ورځ د سمندري ځواک د پخوانيو افسرانو په خواست اورېدنه کړې، او سمندري ځواک عدالت رپورټ وړاندې کړی دی.

ویل شوي، د سمندري ځواک استازي عدالت ته ویلي، د کورټ مارشل يا پوځي عدالت کارروايي نه شي شريکولی.

نوموړي جج بيا د سمندري ځواک د استازي نه پوښتلي، غواړې چې زه فېصله واوروم؟ او د سمندري ځواک استازي بيا د عدالت نه وخت غوښتی دی.

جسټس بابر ستار ويلي، علت ته دې وویل شي چې د مرګ سزا ولې ورکړل شوې ده؟ عدالت بيا د وخت ورکولو خواست منظور کړی او اورېدنه یې ځنډولې ده.

ويل شوي، د سمندري ځواک پخوانيو افسرانو ارسلان نذير، حماد احمد خان، طاهر رشيد، محمد حماد او عرفان الله عدالت ته خواست کړی وو چې دوی ته د کورټ مارشل د لارې سزا اورول شوې خو د وکيل (قانون) پوهه رسايي يا اسانتيا ورته نه وه ورکړل شوې.

دوی ویلي، نه ورته شواهد ورکړل شوي او نه ورته د عدالتي کارروايۍ اسناد ورکړل شوي، دوی د اسنادو بغېر د مرګ د سزا ضد خواست کړی وو خو هغه رد شوی وو.

د راپورونو ترمخه حمله کوونکي د سمندري ځواک جنګي جهاز پي اېن اېس ذوالفقار (هايي جېک) کولو يا تښتولو او د امريکې سمندري جهاز يې پرې په هدف کولو خو حمله ناکامه کړی شوې وه.

په کراچۍ کې په کال 2011م کې هم د سمندري ځواک په هوايي مرکز مهران بېس ترهګر بريد شوی چې پکې لږ ترلږه شپږ عسکر وژل شوي او 20 نور ژوبل شوي او په هوايي اډه کې ولاړې درې الوتکې تباه شوې وې.

په افغانستان کې واکمنو د پاکستان د دفاع وزیر بيان "د اوبو خړولو هڅه" بللې او ويلي يې دي که "څوک یې هم د حريم تجاوز وکړي، د نتيجو زمه واري به ‏په خپله غاړه وي".‏

د پاکستان د دفاع وزیر خواجه اصف درې ورځې وړاندې ويلي وو، په عزم استحکام عملیاتو کې که ضرورت پېښ شو، د پولې پورې غاړې افغانستان کې ‏هم د تحریک طالبان ‏پاکستان (ټي ټي پي) پرضد عمليات کېدی شي.‏
په ‏‎22‎م جون اسلام آباد کې د وزيراعظم شهباز شریف په مشرۍ د نېشنل ايکشن پلان د اېپکس کمېټۍ په غونډه کې د ملک څخه د ترهګرۍ او توندروۍ د ‏‏ختمولو دپاره د ترهګرۍ مخنيوي د قامي کمپياين د بیا فعالولو دپاره د "عزمِ استحکام" په نوم عملیاتو منظوري ورکړل شوې وه.‏

په افغانستان کې د واکمنو طالبانو د دفاع وزارت ویلي، "د پاکستان د دفاع وزير وروستۍ څرګندونې يو ناسنجيده عمل او د اوبو خړولو هڅه ده، او د ‏پاکستان مشرتابه ته پکار ده، هيچاته اجازه ور نه کړي چې په حساسو موضوعاتو کې داسې حساسيت پاروونکې څرګندونې وکړي".‏

د طالبانو د دفاع وزارت ویلي، "په ډاګه کوي که څوک په هره بهانه او عنوان زمونږ د حريم/ پولې تجاوز وکړي د نتيجو زمه واري به یې په خپله غاړه وي".‏

پاکستان د روان کال مارچ د میاشتې په ‏‎18‎مه نېټه د افغانستان په پکتيکا او خوست کې د جنګي الوتکو د لارې د ترهګرو په نخښه کولو دعوه کړې خو ‏طالبانو دغه ‏بريدونه غندلي او ویلي يې وو، په بريدونو کې اتنه تنه ښځې او ماشومان وژل شوي وو.‏

پاکستان تور لګوي چې د کله نه په افغانستان کې طالبان په واک کې راغلي، پاکستان کې ناامني او ترهګري سېوا شوې ده او د افغانستان خاوره د ‏‏ترهګرۍ دپاره د پاکستان ضد کاريږي خو په افغانستان کې واکمنو طالبانو د پاکستان دغه تورونه تل په کلکه رد کړي او وايي پاکستان دې د خپل امنيت ‏‏زمه واري په افغانستان نه ور اچوي.‏