پاکستان کې د پوليو دوه نورې پېښې رپورټ شوي، په ملک کې سږ کال تراوسه پورې د پوليو د رپورټ شوو پېښو شمېره 67 ته ورسېده. تازه پېښې خېبرپښتونخوا او سيند صوبه کې معلومې شوي دي.
پاکستان کې روان کال [2024م] کې د پوليو 65مه پېښه رپورټ شوه، تازه پېښه هم بلوچستان صوبه کې معلومه شوه. پاکستان کې سږ کال تراوسه پورې د پوليو تر ټولو زياتې پېښې هم په بلوچستان صوبه کې رپورټ شوي دي.
پاکستان کې د پوليو مخنيوي د پروګرام ترمخه، پرون د سيند صوبې د جېکب اباد څخه د پوليو پېښه رپورټ شوې ده. دا پېښه په داسې وخت کې شوې چې په ملک کې د پوليو ضد څاڅکو کمپېن روان دی.
د پاکستان بلوچستان صوبه او د خېبرپښتونخوا کورمې ضلعې کې تراوسه پورې د پوليو ضد څاڅکو کمپېن نه دی پيل شوی. پاکستان کې پرون د 16م دسمبر راهسې د 22م دسمبر پورې د پوليو ضد قامي کمپېن پيل کړل شوی دی.
د خېبر پښتونخوا په جنوبي ضلعو کرک او بنو کې د پوليو ټيمونو پر ضد دوه بریدونه شوي، يو پوليس اهلکار پکې وژل شوی او دوه د پوليو مخنوي پروګرام کارکوونکي ژوبل شوي دي. د خېبر پښتونخوا ګورنر فيصل کريم کنډي د پېښو نوټس اخستی او د اړوندو چارواکو څخه يې رپورټ غوښتی دی.
پاکستان کې د سږني کال د پوليو ضد څاڅکو وروستی کمپېن نن په 16م دسمبر پيل شوی تر 22م دسمبر به روان وي. پاکستان کې سږ کال تراوسه پورې د پوليو 63 پېښې رپورټ شوي دي.
د پاکستان د صحت وزارت وایي سږ کال ملک کې د پولیو په رپوټ شوو پېښو کې 60 فیصدي ماشومانو ته د قوت مدافعت د سیوا کولو هیڅ رقم حفاظتي ویکسین نه دي ورکړل شوي چې د هغې له امله ماشومانو کې د پولیو ناروغي په چټکتیا سره خوره شوې ده
پاکستان کې د پوليو درې نورې پېښې په ډېره اسماعيل خان، کراچۍ کيماړۍ او سيند صوبې په کشمور کې رپورټ شوي، چې ورسره سږ کال تراوس پورې په 2024م کې د پوليو د رپورټ شوو پېښو شمېره 59 ته ورسېده.
خېبرپښتونخوا کې د پوليو دوه پېښې رپورټ شوي، پاکستان کې سږ کال تراوسه پورې د پوليو ټولې پېښې 52 ته ورسېدې.
پاکستان کې د پوليو نوې پېښه د خېبرپښتونخوا په جنوبي ضلعه ټانک کې رپوټ شوې، په روان کال 2024م کې پاکستان کې د پوليو د پېښو شمېره 50 ته ورسېده.
د ملګرو ملتونو د صحت ادارې ترمخه هغه خلک چې په بدن کې د پولیو وایرس لري په عامه توګه د دې علامات نه څرګندوي خوچې کله دا مرض زیات شي نو د بدن په اعضابي نظام حمله وکړي او په یو څو ګنټو کې دننه بدن مفلوج کړي
په پاکستان کې د پولیو د اضافې په لړ کې جعفري د نورو وجوهاتو ذکر هم وکړو چې په کې د ترهګرۍ نه ځپل شویو سیمو کې په موثره توګه د پولیو ضد مهم نه چلول کېدل، د وېکسینو په ضد د ځینو خلکو مزاحمت او بایکاټ په شان اسباب شامل دي
نور کتل
No media source currently available
