د سعودي عرب د سرمایه کارۍ د وزير تر مشرۍ لاندې دا 130 کسيزه لوی پلاوی دا وخت د اسلام اباد په سفر دی او د اکتوبر په 10مه يې د ددې هېواد د صدر او د پوځ د مشر په ګډون له نورو چارواکو سره ليدلي دي. نور تفصیل د اسلام اباد نه د ارشد حسېن په دې رپورټ کې:
پاکستان کې حکومت د شانګهاى همکارۍ د تنظیم د غونډې په مهال د امنیت د ټينګښت لپاره د وړاندې څخه سخت امنيتي تدابير په پام کې نیولي دي او ورسره پوځ په ځاې کړی شوی دی
د حکومت مخالف پاکستان تحریک انصاف د احتجاج له کبله د اسلام اباد حساسه سیمه په کنټېنرو تړل شوې او په ښار کې د امن د ټېنګښت دپاره دفعه 144 لګول شوې ده. ددې ترڅنګ په پینډۍ او اسلام اباد کې د موبایل سروس هم په جزوي توګه بند کړی شوی دی. نور حال ارشد حسېن درکوي:
د پاکستان لپاره د نړیوالې مالیاتي ادارې په منظور شوي اووه ارب ډالرو منظور شوي قرض کې دغې ادارې يو ارب دوه کروړه او 69 لکه ډالر د وړومبي قسط په توګه پاکستان ته ورکړې. ماهرين وايي که پاکستان پراخ اقتصادي اصلاحات ونه کړل دا به یې د ای اېم اېف اخري پروګرام ثابت شي. تفصيل د ارشد حسېن په رپورټ کې:
اسلام اباد هایکورټ د جبري لا درکيو په معامله د سرکاري کمېشن په کارکردګۍ ناخوښي څرګنده کړې او په دې اړه يې د خفيه ادارو غړي د معلوماتو دپاره راغوښتي دي. د لادرکه خلکو وکیلې ایمان مزاري ویلي په تېره یوه میاشت کې نور 187 کسان په جبري توګه لادرکه کړی شوي دي. تفصیل د ارشد حسين په رپورټ کې:
د پاکستان او آي اېم اېف ترمنځ د 7 اربه ډالرو قرض ترلاسه کولو لپاره د سټاف په کچه لوظنامه روان کال جولاي کې ترسره شوې وه او د نړیوالې مالياتي ادارې د انتظامي بورډ لخوا ددې باقایده منظوري ترلاسه کول لا پاتې وه.
د پاکستان د خزانې مرکزي اای ېم اېف څخه د پور ترلاسه کولو په ترڅ کې د هېواد د اقتصاد ښه کېدو هيلې څرګندې کړي خو اقتصادپوهان وايي سياسي عدم استحکام، د روپۍ قدر غورځېدو، بجلۍ او ګيس ګرانۍ او نورو ټېکسونو لګولو له کبله ملکي اقتصاد بېرته د خطر سره مخامخ کېدی شي. تفصيل د ارشد حسېن په رپورټ کې:
په ملګرو ملتونو کې د پاکستان استازي منير اکرم ويلي، ترهګري په افغانستان کې دننه او بهر سيمې او نړۍ ته يواځينی لوی خطر دی او وايي ټي ټي پي په يوه لويه نړيواله ترهګره ډله بدلېدونکې ده چې اوس له خپلواکي غوښتونکو تنظيمونو لکه مجيد بريګېډ سره هم همغږي لري. تفصيل د ارشد حسين په رپورټ کې:
په ملګرو ملتونو کې د پاکستان ځانګړي استازي منير اکرم يو ځل بيا ويلي، ترهګري په افغانستان کې دننه او له دې هېواده بهر سيمې او نړۍ ته يوازينۍ تر ټولو سنګینه خطره ده. نوموړي تور پورې کړی چې تحریک طالبان پاکستان اوس د خپل واکۍ غوښتونکو بلوچ تنظيمونو لکه مجيد بريګېډ سره هم همغږي لري.
که څه هم مرکزي حکومت د پاکستان په ايين کې د بدلونونو قانوني مسوده د لوړو عدالتونو د شفافيت او چټکتيا لپاره اړينه بولي خو مخالف ګوندونه او د اييني چارو پوهان وايي، دا په سپريم کورټ او ايين نېغ په نېغه حمله ده.
که څه هم د پاکستان وزيراعظم شهباز شريف او د ددې هېواد مرکزي بېنک د ګرانۍ په کچه کې د کمي دعوې کوي خو عام ملکي وګړي د ګرانۍ په کچه کې د کمي راتلو حکومتي دعوې رد کړې دي. تفصیل د ارشد حسېن په رپوټ کې:
اسلام اباد هاىکورټ د پخواني وزیر اعظم عمران خان په ممکنه توګه په پوځي عدالت کې د محاکمه کولو په اړه د وفاقي حکومت څخه سپيناوی غوښتلې او امر یې کړی چې حکومت دې په څلورو ورځو کې دننه عدالت کې ځواب جمع کړي.
قانون پوهان او د سياسي چارو څېړونکي وايي د پاکستان د استخباراتي ادارې آي ایس آي د پخواني مشر جنرال فېض حميد نيول کېدو او په ضد یې د کورټ مارشل کارروایۍ په جېل کې د بندي پخواني وزیر اعظم عمران خان اندېښنې هم سېوا کړي دي. تفصیل د ارشد حسېن په رپوټ کې:
د پاکستان وزير اعظم ويلي، حکومت د نړیوالې مالياتي ادارې څخه د قرض نوي پروګرام ترلاسه کولو په غرض د ادارې شرطونه پوره کوي. د اقتصادي چارو پوهان وايي که د آی اېم اېف د شوې لوظنامې په منظورولو کې نور ځنډ راځي، د پاکستان په معاشي درجه بندۍ اثر پرېوتی شي. تفصیل د ارشد حسېن په رپوټ کې:
د پاکستان وزير اعظم شهباز شريف ويلي په 26 اګست په ملک کې داسې ماحول پېدا کړل شوی وو لکه چې بلوچستان کې د بېلتون تحريک روان دی. هغه ويلي د بريد کوونکو وسله والو سره نه بلکې يواځې د بلوچ ځوانانو سره به خبرې کېږي. تفصيل د ارشد حسېن په رپورټ کې:
په پاکستان کې د بې درکه کسانو نړيواله ورځ په داسې حال کې نمانځل شوې چې په اسلام اباد کې د لادرکه کسانو د حقونو د یو غیرسرکاري تنظيم د سیوري لاندې را ټولو شوو د لا درکه کسانو د خپلوانو احتجاجي کېمپ پوليسو ويجاړ کړی او هغوی احتجاج ته نه دي پرېښودل شوي. تفصیل د ارشد حسېن په رپوټ کې:
نور کتل
